Dinni barpo qilish, musulmonlarga yordam berish va Falastinni ozod etishlari uchun musulmonlarga va ularning armiyalariga nido
Allohga beadad hamdu sanolar bo’lsin, Rosulullohga, oilalariga, sahobalari va do’stlariga salotu salomlar yog’ilsin, ammo ba’d:
Ey musulmonlar, ey islomiy yurtlardagi armiyalar va xolis insonlar!
Bugun zul-hijja oyining to’qqizinchi kuni,
Bugun muborak juma ayyomi,
Bugun musulmonlar Arafot tog’ida jamlanib, Allohdan o’z hojatlarini so’rab yolvormoqda, bugun barcha musulmonlar o’z masjidlarida juma namoziga jamlangan. Biz ham ushbu kun muborak Aqso masjididan turib, xususan Shom, Iroq, Yaman, Turkiya, Pokistondagi musulmonlarga, umumiy tarzda esa, barcha musulmonlarga nido qilib quyidagilarni aytmoqchimiz:
Ushbu Arafa kunida mushriklardan bezor bo’lganlik e’lon qilingan:
«Alloh va Rosuli tomonidan odamlarga katta haj kunida Alloh va Rosuli mushriklardan bezor ekanligini bildirishdir, bas, agar tavba qilsangiz, bu o’zingiz uchun yaxshiroqdir, agar yuz o’girsangiz, u holda bilingki, siz Allohni ojiz qiluvchi emassiz, kofirlarga alamli azob «xushxabar»ini etkazing!» [Tavba 3]
Ushbu kunda sizga Rosulingiz bunday vasiyat qilganlar:
«إِنَّ دِمَاءَكُمْ، وَأَمْوَالَكُمْ، وَأَعْرَاضَكُمْ، وَأَبْشَارَكُمْ، عَلَيْكُمْ حَرَامٌ، كَحُرْمَةِ يَوْمِكُمْ هَذَا، فِي شَهْرِكُمْ هَذَا، فِي بَلَدِكُمْ هَذَا، أَلاَ هَلْ بَلَّغْتُ قُلْنَا: نَعَمْ، قَالَ: اللَّهُمَّ اشْهَدْ، فَلْيُبَلِّغِ الشَّاهِدُ الغَائِبَ، فَإِنَّهُ رُبَّ مُبَلِّغٍ يُبَلِّغُهُ لِمَنْ هُوَ أَوْعَى لَهُ، ثم قَالَ: لاَ تَرْجِعُوا بَعْدِي كُفَّارًا، يَضْرِبُ بَعْضُكُمْ رِقَابَ بَعْضٍ»
«Albatta qonlaringiz, mollaringiz, or-nomuslaringiz va tanalaringiz sizlarga shu kuningiz, shu oyingiz va shu shahringiz (da urush) harom bo’lganidek haromdir. Ogoh bo’ling, etkazdimmi? Ha, deyishdi. Payg’ambar yana aytdilar: Ey Allohim, O’zing guvoh bo’l. Bas, guvoh bo’lgan kishi guvoh bo’lmaganga etkazsin, ko’pincha etkazuvchi o’zidan ko’ra anglovchiroq kishiga etkazishi mumkin. So’ng yana aytdilar: Bas, mendan keyin birbiringizni o’ldirib, kufrga qaytib ketmang».
Ey kazarmalarida biqsinib yotgan qo’shinlar: nahotki, Ummatingizdan horlik g’uborini tarqatish vaqti hali ham kelmagan bo’lsa?! Nahotki, ulkan armiyangizga Aqsoni najas yahudiylardan ozod qilish payti hali ham kelmagan bo’lsa?!
Ey Hijoz, Iordaniya, Birlashgan Amirliklardagi uchuvchilar: siz Amerikaga itoat qilasizmi, uchoqlaringizni o’z birodarlaringiz va ahlingiz ustiga burasizmi, muqaddas narsalaringizni ozod qilish uchun Allohning yo’lida jihod qilish to’g’risidagi Robbingiz amriga itoat qilmaysizmi?! G’azoda tul ayollar yordamga chaqirayotganda, yahudiylar uchoqlari ularning uylarini vayron qilib, qariyalar va go’daklarini qirg’in qilayotganda, masjidlaringizni vayron qilayotganda, yahudiylar Aqso masjidini kechayu kunduz bulg’ayotganda uchoqlaringiz qaerda edi?! Yahudiylar hujumini qaytarish va birodarlaringizga yordam berish uchun hamiyatingiz qo’zg’almayaptimi?! Alloh Taoloning ushbu kalomini eshitmaganmisiz?!:
«Agar sizdan din yo’lida nusrat so’rasalar ularga nusrat berish zimmangizdadir» [Anfol 72]
Ey Shomdagi axyorlar! Ajdahoning boshi Damashqda, bas, es-hushingizni yig’ib, safingizni birlashtiring, Amerika va uning yuvindixo’rlaridan qo’lingizni yuving, shaytonga do’st bo’lganlardan voz keching, Allohga xolis bo’ling, takbiru tahlillar aytib, Rosululloh Aning Payg’ambarlik minhoji asosida Xalifalik bo’lajagi to’g’risidagi xushxabarlarini ro’yobga chiqarishga ahd qilib, Shomdagi ezgulik shaharlariga kirib boring, bilingki, Alloh qo’llagan, yordam bergan va himoya qilgan holda siz bilan, U mo’minlar va taqvodorlar do’stidir.
Ey axyorlar! Biz Aqso masjidida turib, sizdan dushmaningizga aldanib qolmasligingizni so’raymiz, unutmang, Amerika va uning ittifoqchilari sizga ozor berishdan boshqa hech qanday zarar etkazisholmaydi. Axir, Alloh Taoloning O’zi
«Ular sizlarga ozor berishdan boshqa hech qanday zarar etkazisholmaydi, agar sizga qarshi jang qilishsa, ketlariga qarab qochishadi, so’ngra ularga yordam berilmaydi» [Oli Imron] degan emasmi, shunday bo’lgach, Damashqdan boshqa yoqqa chalg’imang, dushmandan boshqa tarafga adashmang, Allohga sodiq bo’lsangiz U zot sizga ham sodiq bo’ladi.
Ey imon va hikmat yurtlaridagi axyorlar: ey Yaman ahli, hikmatingiz qaerda qoldi, imoningiz qani, Allohning anavi dushmani Amerika zaminingizni oyoq osti qilyapti, farzandlaringiz orasiga fitna urug’ini sochyapti, qabilalaringiz ichiga olov qalayapti… Biz Aqso masjidida turib, qonlaringiz va mollaringizni himoya qilishingiz va diningizni qoim qilishga birlashishingizni Allohni o’rtaga qo’yib so’rayapmiz. Ey San’o, Arhab va Sa’dadagi axyorlar, ey Damar, Taiz, Bayzodagi xolis insonlar, ey Jauf, Ma’rib, Abyan, Adan va Mukalladagi xolis birodarlar, Amerika va G’arbning yurtlaringizni bo’lib tashlash, boyliklaringizni talash loyihasini uloqtiring, Shaytonning do’stlaridan poklaning, haqni baralla aytib, bir-birlarini yaxshi ko’radigan, dinni barpo qilish va musulmonlar xalifasiga bay’at qilish uchun tavhid bayrog’ini baland ko’taradigan bir safdagi birodarlarga aylaning.
Ey Kanona qo’shinlari: siz musulmonlarning qudrati, madadi va qurolisiz, ushbu Kanona yurtidan qayta qahramon o’g’lonlar tarixini qaytaradigan, Misr va uning armiyasini Amerikaga tutqazib qo’ygan hukmdorlar malayligidan sizni xalos etadigan rabboniy qo’mondonlar orangizda yo’qmi?! Ustingizdan xorlik chang-g’uborlarini qoqadigan, qo’shiningizni Salohiddin kabi Aqso maydoniga safarbar qiladigan rabboniy qo’mondonlar orangizda yo’qmi?! Ey Misr armiyasi zobitlari, biz sizga Allohni o’rtaga qo’yib sizdan Alloh va Rosuliga yordam berishingizni iltimos qilyapmiz, sizni dinni qoim qilishga hamda butun bashariyatni Amerika va uning jinoyatkor kapitalistik tuzumi zulmidan qutqaradigan Xalifalik davlatini barpo qilishga da’vat qilyapmiz.
Endi, Pokiston zobitlariga kelsak, biz sizni ham Aqso masjididan turib qayta-qayta da’vat qilyapmiz va Islom da’vatiga nusrat berishingizga hamda Amerikani yurtingizga va Afg’onistondagi birodarlaringizga hukmron qilib tashlab qo’ymasligingizga Allohni o’rtaga qo’yib talab qilyapmiz, sizdan Xalifalikni barpo etish uchun Hizb ut-Tahrir da’vatini, Allohning da’vatini qabul qilishni talab qilyapmiz.
Ey Turkiyadagi musulmonlar, ey Turkiya armiyasidagi zobitlar! Yurtingiz Xalifalik soyasida qudrat quchgan, hozir ham undagi Astana va Topkapi sizga g’ayrat baxshida etmoqda, qudrat jo qilmoqda. Xalifalik Robbingiz farzidir, siz faxrlanadigan kuch-qudratingiz ramzidir, Hizb ut-Tahrir a’zolari sizni ushbu davlatni barpo etishga da’vat qilmoqda, er yuzida Allohning dinini qoim qilishga himmatingizni qo’zg’amoqda. Shunday ekan, Hizbning shunday qilayotgan a’zolari qanday qilib sudlanishi va qamalishi kerak. Biz sizga Aqso masjididan turib, Alloh va Rosuliga nusrat berishingizni so’raymiz, Amerikaning tog’ut shayton ittifoqiga emas, Shom zaminidagi birodarlaringiz tarafiga o’tib, ularga yordam berishingiz uchun Allohni o’rtaga qo’yib talab qilyapmiz.
Ey er yuzidagi barcha musulmonlar! Biz Aqso masjididan, Rosulullohning me’roj o’rnidan turib sizdan nusrat talab qilyapmiz, Allohning diniga nusrat berishingiz va uni barpo etishingiz uchun hamda Xalifalik barpo etishga harakat qilayotganlar bilan harakat qilishingiz uchun Allohni o’rtaga qo’yib talab qilyapmiz, Alloh siz bilan va U amallaringizni zoe ketkazmaydi.
Ey Allohim, ushbu nidoimizni eng yaxshi musulmonlarga etkazgin, Allohim, musulmonlarning qo’shinlari va zobitlari dillarini diningga nusrat berish va shariatingni qoim qilishga ochgin, ey Allohim, haqqa da’vat qilishga musulmonlar qalbini ochgin va qalblarini bir qilgin, bir-birlariga g’azablanish va nizolashishni ulardan ko’targin.
Allohim, Amerika va uning do’stlarini O’zingga topshirdik, Allohim, uning yugurdaklari va askarlarini xonavayron qil, xorlik va xo’rlik iskanjasiga ol, ularni musulmonlar ustidan hukmron qilma, rahmatingni so’raymiz, ey rahmlilardan ham rahmli Zot.
Allohim, bizni Payg’ambaring minhoji asosida to’g’ri yo’lni tutuvchi Xalifalik bilan siylagin, u bilan Islom va musulmonlar kuch-qudratga to’ladi, ishlarimiz to’g’rilanadi, tarqoqligimiz jamlanadi, bizga zulm qilayotganlardan bizni xalos etadi, valhamdu lillahi Robbil alamin!
Hizb ut-Tahrir 9 zul-hijja 1435h
Muborak er Falastin 3 oktyabr 2014m
