Qirg’iziston hukumati shu vaqtga qadar Islom va musulmonlarga qarshi olib borayotgan jirkanch kurashida asosan musulmon erkaklar bilan olishib kelayotgan bo’lsa, 2014 yildan boshlab ojiza ayollarni ham o’zining razil kurashi domiga torta boshladi.
Dastlab, Qirg’iziston poytaxti Bishkek shahrida yashovchi 1960 yilda tug’ilgan muslima opamiz Kinchakboeva Sayraxon Kenjetaevna 2014 yilning 27 mart kuni Bishkek shahar Pervomaysk tuman sudiga chaqirtirildi va hech qanday asossiz chiqarilgan sud qarori bilan Bishkek shahridagi 1 sonli vaqtinchalik saqlash hibsxonasiga qamab qo’yildi.
Bu muslima opamizni Qirg’iziston jinoyat kodeksining 299 – (etnik, diniy va millatlararo nizo keltirib chiqarishga urinish) moddasi, xususan Hizb ut-Tahrir islomiy siyosiy partiyasiga a’zolikda ayblashmoqda. Kinchakboeva Sayraxon opamiz ikkinchi guruh nogironi bo’lishiga qaramay bir o’zi ayol boshi bilan besh nafar farzandni, to’rt o’g’il va bir qizni tarbiyalab, voyaga etkazib kelgan. Uning yagona qizi ham o’zi singari ikkinchi guruh nogironi bo’lib, onasining doimiy e’tiboriga muxtoj, o’zi yolg’iz harakatlana olmaydi. Ammo bu muslima opamiz oilaning yolg’iz boquvchisi, qaramog’ida kasalvand qizi bo’lishiga qaramay MXDQ xodimlari va Pervomaysk tuman sudi har qanday insoniy tuyg’ularni bir chetga surib qo’yib Sayraxon opamizni hech bir asossiz qamoqqa tashladi va u hozirga qadar qamoqda ushlab turilipti.
30 iyul kuni Bishkek shahar Pervomaysk tuman sudida Sayraxon opamiz ustidan sud ishi bo’lib o’tdi. Faqat yuqoridan kelgan buyriqnigina bajarishga qodir bo’lgan sud xay’ati o’z spektakllarini davom ettirishlikni 2 avgust kuniga qoldirishgan edi. Ayni vaqtda mazluma opamiz tibbiy ko’rik va davolanishga muxtoj, chunki bu muslima opamizdagi kamqonlik kasali oqibatida qo’llaridagi tirnoqlari tushib, qon bosimi ham juda pastlab ketgan.
Muslima opamiz Kinchakboeva Sayraxondan so’ng rasmiy hukumat shahid birodarimizning qizi Omonova Zulfiyani ham qamoqqa olgan, qaryib ikki oy qamoqda saqlagandan so’ng, Zulfiyaga nisbatan ehtiyot chorasi 20 may kuni uy qamog’iga almashtirilgan va keyinchalik bo’lib o’tgan bir nechta sudlarda mazkur muslima singlimizni biror bir aybi isbotlanmagan bo’lsada 50 ming som jarima solib ozodlikka chiqarildi.
Endi bo’lsa nomard hukumat 1976 yil 5 mart kuni Jalolobod shahrida tug’ilgan To’ktaboeva Jumaziyo Suyutbekovnani 2014 yil1 aprel kuni Bishkek shahridagi yashab turgan xonadonida tintuv o’tkazdi. Tintuv vaqtida uning uyidan Hizb ut-Tahrirga tegishli bo’lgan adabiyotlar topilgani uchun Qirg’iziston jinoyat kodeksining 299 – (etnik, diniy va millatlararo nizo keltirib chiqarishga urinish) moddasi bo’yicha ayblab qamoqqa oldi.
2014 yil 24 iyun kuni Pervomaysk tuman sudida Ibraev M.T raisligida bo’lib o’tgan sud majlisida To’ktaboeva Jumaziyo singlimizni 4 yilga ozodlikdan mahrum etish jazosi tayinlandi. Bu singlimiz ortida uning eri va voyaga etmagan o’g’li zor qaqshab qolishdi.
Atambaev hukumati o’g’ri, qaroqchi va qotillarni hech ikkilanmay ozodlikka chiqarayotgan bo’lsada, Robbim Alloh degan musulmon erkak va ayollarni qamoqqa tashlamoqda. Bu orqali rasmiy hukumat tili boshqa-yu ishi boshqaligini namoyon qilmoqda.
Qirg’iziston prezidenti Almazbek Atambaev ham o’z qo’shnisi O’zbekiston qonxo’ri yahudiy Karimovga o’xshab Islom va musulmonlarga qarshi kurashini kundan-kunga kuchaytirib bormoqda. Qotil Karimov Islom va musulmonlarga qarshi umumiy kurashini boshlagan vaqtda, “Biz bu yo’lda ayollar va yosh bolalarga qarshi kurashmaymiz”, deb lof urgan edi. Biroq bugungi kunda O’zbekistondagi ayollar qamoqxonasi Robbim Alloh, insonlar Alloh nozil qilgan qonunlar asosida yashashi kerak, deb bilishdan boshqa gunohi bo’lmagan muslima ayollar bilan to’lib yotipti.
Biz hozircha bu ikki prezident o’rtasidagi farq, Karimov musulmonlarga nisbatan e’tiqodiy dushman bo’lib, Islom dini rivojiga qarshi o’z ixtiyori bilan chin ko’ngildan kurashayotgan bo’lsa, Atambaev esa bu kurashga o’z xojasi Rossiyani rozi qilish, uning talablarini bajarish uchun kirishmoqda va bu kurashini majburiyat ostida amalga oshirmoqda, deb bilamiz.
Shu sababdan biz prezident Almazbek Atambaevni bu dunyo matosi va amaliga ega bo’laman, deb Ohiratini kuydirmaslikni, Islom va musulmonlarga qarshi kurashish o’rniga, o’zi ham iymon keltirgan Islom dini rivoji uchun hissasini qo’shishga, bandasini rozi qilaman, deb Allohga osiy bo’lishdan saqlanishga chaqiramiz! Abdurahmon Odilov 8 avgust 2014 yil
