Al-jazira telekanali Misr va Isroil o’rtasi maxfiy suratda amalga oshirilgan energiyaga oid bitimlarni oshkor qildi.
Al-jaziraning tadqiqot birligi Husni muborak zamonida imzolangan va o’tgan yilda harbiy to’ntarish bilan Misr hokimiyatini qo’lga kiritgan As-Sisi davrida ham davom ettirilishi uchun jiddiy harakat qilingan maxfiy energiya bitimini oshkor qildi. Dushanba kechqurun namoyish qilingan “Misrning yo’qotgan kuchi” nomli hujjatli filmda Misrning neft va tabiiy gaz sanoatining shu vaqtgacha sir saqlanib kelgan jihatlari oshkor qilindi. Filmda keltirilishicha, Husni muborak zamonida imzolangan bitimlarga ko’ra – Misr energiya resurslariga boy o’lka bo’la turib – Isroildan neft va gaz sotib olgan.
Qo’lga kiritilgan ma’lumotlarga ko’ra, katta ishbilarmon tadbirkorlar bu maxfiy bitimlar orqali qanday foydalarni qo’lga kiritganligi va qisqa davr ichida gazga boy mamlakatni aynan gaz borasida Isroilga qanday tobe holatga keltirib qo’yganligi filmda ochib tashlanadi.
Shuningdek, hujjatli filmda chetga katta miqtorda gaz eksport qiladigan Misr tarafidan imzolangan bitimlar orqali mamlakatdagi energiya sektorlarini qanday harob qilinganligi va Misrga oid bo’lgan zaxiralar qanday Isroilning qo’liga o’tib ketganligi ham namoyish etiladi.
Misrda yuz bergan harbiy davlat to’ntarishidan so’ng Misrning Isroildan gaz sotib olishini davom ettirish uchun yangi hukumat yuritgan maxfiy harakatlar Tel-Aviv manbalari tarafidan birma-bir yoritib o’tilganligi ham ushbu filmdan o’rin olgan.
Yana filmda Isroilning sobiq energiya vaziri Jozef Paritskiy tabiiy gazga boy bo’lgan
Misr o’lkasini gazga ehtiyoji borligi haqida bildirgan fikrlari keltiriladi. “Misrning tabiiy gazga ehtiyoji bor. Biz unga gaz sotyapmiz, bundan yaxshi ish bormi?” deydi Paritskiy.
