AQSh prezidenti Barak Obama “terror”ga qarshi kurashni dastaklash uchun 10ta Apachi rusumli harbiy vertolyotini Misrga yuborishga qaror qilganligi haqida xabar qilindi.
Pentagon so‘zchisi admiral Jon Kirbi bergan yozma bayonotda ma’lum qilinishicha, AQSh mudofaa vaziri Chek Haygel Misr mudofaa vaziri Sidqi Subhi bilan telefon orqali bu borada suhbat o‘tkazgan.
“AQSh mudofaa vaziri Heygel Misr Mudafaa vaziri Subhiga AQSh prezidenti Barak Obama Misr hukumatining Sinay orolidagi terrorga qarshi kurashini dastaklash uchun o‘nta Apachi vertolyotini Misrga yuborishga qaror qilganligini bildirdi. Haygel yangi vertolyotlarning Misr hukumati, AQSh va Isroilning xavfsizligiga tahdid solayotgan “ekstrimistik” kuchlarga qarshi kurashga yordamchi bo‘lishiga ishonishini bildirdi. Heygelga ko‘ra, bu ish prezident Obamaning Terrorga (ya’ni Islomga) qarshi kurashadigan kuchni vujudga keltirish uchun mintaqalardagi hamkorlari bilan faoliyat doirasini yanada kengaytirayotganini anglatadi”, deyiladi bayonotda.
Bayonotda yana shunday deyiladi: “Haygel suhbat chog‘ida yaqin kunlarda AQSh tashqi ishlar vaziri Jon Kerri Misr bilan qilinayotgan hamkorlik haqida senatga ma’lumot berishini Subhiga bildirdi. Haygelning aytishicha, Jon Kerri Misrning AQSh bilan strotegik aloqalarini davom ettirishi, jumladan uni terrorizm (ya’ni Islom) va qurollarning musulmonlar orasida tarqalib ketishi kabi xalqaro tahdidlarga qarshi qo‘yish va “Misr-Isroil tinchlik bitimi” yuklagan mas’uliyatlarga amal qilishni davom ettirishi haqida kongresga ma’lum qiladi.
Shuningdek, Kirbi o‘z bayonotida urg‘u berishicha, Chek Haygel hamkasbi bilan telefon muloqotida Misr hukumatini inson huquqlariga rioya qilishga va barcha Misr xalqining asosiy erkinliklariga hurmat ko‘rsatishga chaqirgan.
