Ispaniya Qirolligi Tashqi ishlar vaziri Xose Manuel Garsiya-Margalo yakshanba kuni O’zbekistonga rasmiy tashrif bilan keldi. O’zbekiston Tashqi ishlar vazirligi matbuot xizmatiga ko’ra, Ispaniya Tashqi ishlar vazirining O’zbekiston rasmiylari bilan so’zlashuvlar chog’ida ikki tomonlama aloqalarni rivojlantirish bilan bog’liq masalalar muhokama etilishi, shuningdek, xalqaro muammolar yuzasidan fikr almashish kutilmoqda. Tashrif davomida O’zbekiston-Ispaniya tadbirkorlari ishtirokida biznes-forum o’tkazilishi rejalangan.
