Rossiyaning Qirimga nisbatan tutgan siyosati ortidan eski sovetlar erlariga oid fikr mulohazalar ko’paydi. Dunyo sovuq urush davriga qaytmoqdami, degan savollar o’rtaga chiqa boshladi. Ikki Germaniyaning birlashib NATOga qo’shilganidan so’ng 1999 yilda sobiq Varshava blogiga a’zo davlatlar Polsha, Chexiya va Vengriya NATOga qo’shib olindi. Shuningdek, sobiq sovet ittifoqining bir bo’lagi bo’lgan Estoniya, Latviya, Litva, Bolgariya, Ruminiya va Slovakiya NATO ittifoqiga qo’shildi. Undan so’ng 2009 yilda Albaniya va Horvatiya qo’shildi. Ukraina esa tashqarida qoldi.
Bugunga kelib Rossiya kuchlari Qirim yarim oroliga hujum qilib uni bosib olar ekan, Yevropa ittifoqi va Qo’shma shtatlar Rossiyani to’xtatish uchun harakatga kelishdi. NATO vujudidagi AQShning harbiy uchoqlari Boltiq o’lkalari ustida kezmoqda. Ayni paytda AQSh harbiylari Polsha bilan harbiy mashg’ulot o’tkazmoqda.
AQSh prezidenti Barak Obama NATOning Bryusseldagi markazidan turib Moskvaga qarata ochiq murojaat yo’lladi.
“Bizning qiladigan ishimiz doimo muhim vazifalarimizni ado etishdir. Beshinchi modda bizga ittifoqdoshlarimizning erlari yaxlitligi va mustaqilligini himoya qilish vazifasini yuklaydi. Bu mavzuda hech ikkilanib o’tirmaymiz. NATO davlatlari aslo yolg’iz emas. Bugun NATO samalyotlari Boltiq o’lkalari ustida posbonlik qilmoqda. Polshadagi vujudimizni kuchaytirdik va yana kuchaytirishga tayyormiz”, dedi Obama.
Barak Obamaning aytishicha, Rossiya qo’shinlari Ukraina chegarasidan chekinishi va taranglikni yumshatish uchun muzokara boshlashi lozim. Si-Bi-Es telekanaliga intervyu bergan AQSh prezidenti Obamaning nazarida rus askarlari chegara atrofida qatnab qolgani Ukrainani qo’rqitish uchun qilinmoqda.
