Arabnyheter.info saytining yozishicha, Hizb-ut Tahrir Falastin axborot bo’limining a’zosi Ustoz Hasan Madhun Misr rejimini G’azo ahlining boshiga kulfatlar yog’dirishda yahudlardan o’rnak olayotganlikda ayblagan.
“Misr rejimi G’azo ahlini repressiya qilish, qiyin ahvolga solish, o’tish punktlarini yopib qo’yish va tunellarni buzib tashlash orqali qiyinchiliklarni yanada orttirishda yahud vujudidan o’rnak olmoqda. Ichki ishlar vaziri Habib Adliyning – faqatgina tunellarni buzib tashlash kifoya qilmaydi, G’azo ahliga suvni ham to’xtatib qo’yish lozim – deya bergan oxirgi bayonoti hammasidan oshib tushdi”, deya bildirdi ustoz Hasan Madhun.
Ustoz Madhunning e’tibor qilishicha, bu bayonotlar sobiq tashqi ishlar vaziri Ahmad abu G’oyt bergan bayonotlarning davomidir. Abu G’oyt G’azo ahlini ayoqlarini urib sindirishga chaqirgan edi.
Ustoz Madhun yahud vujudi bilan Misr rejimi o’rtasidagi aloqalarni qoralar ekan, “Misr uchun yahudlarga quvvat baxsh etadigan emas, balki Falastinni dushmandan ozod qiladigan boshqaruv lozimdir, chunki u mug’ul tatar va salbchilarni quvib chiqargani kabi yahudlarni ham muqaddas erdan quvib chiqarishga mushtoq bo’lgan qo’shin va halqqa egadir”, deya so’ziga xotima yasadi.
