بِسْمِ اللهِ الرَّحْمنِ الرَّحِيمِ
الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعون
“ Biror musibat kelganda: «Albatta biz Allohning (bandalarimiz) va albatta biz u Zotga qaytguvchilarmiz», deydigan sobirlarga xushxabar bering (ey Muhammad)”. [ 2 ; 156 ]
Nig’monov Karimjon Rustamovich 1975 yilda Toshkent viloyatining Zangiota tumanida tug’ilgan. Ushbu birodarimiz qamalishidan oldin militsiya xodimi bo’lib ishlagan. U O’zbekistondagi botil tuzumga va va uni tatbiq qilayotgan kufrning malaylari bo’lmish Karimov va uning qonho’r rejimiga qarshi kurashayotgan O’zbekistondagi Hizb ut-Tahrirning da’vatlariga “ labbay” deb javob berdi va o’z kasbini tashlab, Alloh roziligi yo’lida Halifalik davlatini tiklash orqali islomiy hayotni qayta boshlashlik yo’lida, Hizbga a’zo bo’ldi va o’z faoliyatini boshladi. 1999 yili sudlandi, lekin muddati tugamay ozod qilingan edi. Qayta 2000 yili faoliyat qilayotgan chog’ida xibsga olingan va 10 yilga ozodlikdan mahrum etilgan. 2010 yilda jazo muddati tugasa ham qo’rqoq rejim u birodarimizga 5 yil yangi jazo muddati tayinlab “ raskrutka” qilgan. Birodarimiz Karimjon sabot bilan o’z dinida turib, nomard rejimning qanchalar qiynoqlarga solishib “avfnoma” yozdirishga xarakat qilishmasin, rad qilgan. Birodarimizga UYa 64/36 qamoqxonasida tuberkulyoz kasali jinoyatchi rejim tomonidan sun’iy yuqtirilgan. Karimjon o’ta og’ir xolatda bo’lib, qon tupurib kasali zo’raysa ham davolantirilmagan. Va ushbu sentyabr oyida uning muborak jasadi Toshkentdagi UYa/18 “ Sangorod” dan uyga olib kelingan. Jasad uyga olib kelishi bilanoq MXX( milliy xavfsizlik xizmati) xodimlari, maxalla faollari bilan birgalikda jinoyatchi rejimning qotilliklari ovoza bo’lib ketmaslik maqsadida, xatto janozaga musulmonlarning yig’ilishiga qo’ymasdan zudlik bilan ko’mdirib yuborishgan. Bu qo’rqoqlar xatto bizlarning birodarlarimizning o’ligidan xam o’takalari yorilgudek qo’rqadilar. Birodarimiz Nig’monov Karimjonni yosh 2 o’g’li va 1 qizlari bo’lgan va ular ham endi bu qonxo’r rejimning yuzlab qatl qilib yuborgan birodarlarimizning farzandlari otasiz qolgani singari, ushbu norasidalar ham etim qoldilar.
وَلاَ تَقُولُواْ لِمَنْ يُقْتَلُ فِي سَبيلِ اللّهِ أَمْوَاتٌ بَلْ أَحْيَاء وَلَكِن لاَّ تَشْعُرُونَ
Va Alloh yo’lida halok bo’lgan shahidlar haqida: «Bular o’liklar», demangiz! Yo’q, ular tiriklardir, lekin sizlar sezmaysizlar. [ 2 ; 154 ]
Salohiddinov Ali
O’zbekiston Hizb ut-Tahririning rasmiy notig’i
