Misr xavfsizlik kuchlari poytaxt Qoxiradan shimolda joylashgan Al- Maxalla shahrida ko’zdan yosh oqizuvchi gazdan foydalanishdi. Maxalliy OAVlarini xabar qilishiga ko’ra, juma namozidan so’ng “Ihvonul muslimiyn” tarafdorlari va hukumatparast partiyalar o’rtasida to’qnashuv vujudga kelgan.
Shuningdek tartibsizliklar Dumyata va Aleksandriya shaharlaridan ham bo’lmoqda. Katta Qoxiradagi Gezi va Madina an-Nasrda ham norozilik namoyishlari boshlangan. Xavfsizlik kuchlari erta tongdan poytaxtdagi asosiy maydonlar – Tahrir, Ramzesni to’sib qo’yganlar.
Juma kuni Misrni vaqtinchalik prezidenti Adli Mansur komendantlik soatini yana ikki oyga uzaytirdi. Bunga javoban “Ihvonul muslimiyn”ni ozodlikdagi etakchilaridan biri Isam al-Aryan “Al-Jazira” telekanali orqali harbiylar tomonidan hokimiyatdan ag’darilgan Mursiy tarafdorlarini “ko’cha namoyishlarini boshlashga va hukumatga bo’ynsunmaslik kampaniyasini” boshlashlikka chaqirdi.
Iyul oyida muholifatni keng ko’lamli norozilik namoyishlaridan so’ng, harbiylar prezidentni hokimiyatdan chetlatishgan edi. Shundan buyon Misr potaxti Qoxirada Mursiy tarafdorlari va xavfsizlik kuchlari o’rtasida shiddatli to’qnashuvlar to’xtamayapti.
Bunday to’qnashuvlar natijasida esa Ichki ishlar vaziri Abdulloh Fattoh as-Siysiyni ta’siri oshib bormoqda. Xozirgi vaqtda amalda aynan mana shu shaxs Misrni bosh vaziri, prezidenti hamda bosh qo’mondoni xisoblanib, mamlakatni zimdan boshqarmoqda.
