Misrdagi vaziyat keskinlashib borar ekan Arab bahorining boshlanish nuqtasi bo’lgan Tunisda ham hukumatga qarshi noroziliklar kuchayishi oqibatida mamlakat siyosiy ziddiyatlar girdobiga tobora chuqurroq botib bormoqda. Tahlilchilar fikricha, bunday beqarorliklar ortidan Islomiylar, ya’ni – ularning tili bilan aytganda – ekstremist guruhlar faoliyati ham kuchayishi mumkin.
Tunisda inqilobdan so’ng hayot yaxshilanishi o’rniga tobora yomonlashib bormoqda. Insonlar narx-navoning balandligidan va ishsizlik darajasining tobora ortib borishidan aziyat chekmoqda. Biroq shunday bo’lsada, aholi orasida islomiy shaklda yuzaga kelib, musulmonlar ishonchiga kirgandan keyin bir dumalab demokratiyaga aylangan “Nahza” partiyasining tarafdorlari talaygina.
Ammo, shunga qaramay, bugunga kelib o’n minglab namoyishchilar “Nahza” partiyasi etakchiligidagi hukumatga qarshi ko’chalarni egallashgan. Buning oqibatida konstitutsiya loyihasini yaratish uchun mas’ul Milliy Konstitutsiya assambleyasi shu hafta o’z ishini noma’lum muddatga to’xtatganini ma’lum qildi. “Tunis xalqi “Nahza” partiyasining noqonuniy faoliyati, hukumatdagi poraxo’rlik, qotilliklar va boshqa illatlarga qarshi bosh ko’tardi”, – deydi namoyishchilardan biri.
Tahlilchining aytishicha, Misrda “Musulmon Birodarlar” partiyasining hokimiyatdan ag’darilishi Tunisdagi muxolifatning umidlarini kuchaytirgan.
Misr voqealari hukumat etakchisi G’annushiyning uyqusini uchirib yuborgani aniq. U bu haqida bayonot berar ekan, Tunisda Misr hodisalari takrorlanmasligini va u erda harbiy inqilobni amalga oshiradigan “As-Sisi” yo’qligini ta’kidladi.
Tunisga safar qilgan Yevropa ittifoqining vakili Bernardino Leon Yevropa Tunisni doim qo’llab quvvatlashini ta’kidladi.
Tunisdagi Manuba universiteti professori Alaya Allaniyning aytishicha, mamlakatda terrorizm xavfi oshib bormoqda. “Aljir hukumati Tunis bilan chegaraga 16 ming askar joylashtiryapti. Bu jihodchilarning nafaqat Tunisga, balki butun Shimoliy Afrika mintaqasiga tahdid solayotganidan dalolat”, – deydi professor Allaniy.
Turkiston:
Islom olamini jilovlay oladigan yangi mafkura qolmadi. U uyg’ona boshladi. Endi bu qo’zg’alonlar, musulmonlarning o’zligiga qaytishi bilan barham topadi.
Kufr sistemasi endi musulmonlarni xotirjam qila olmaydi. Kuch bilan vaqtincha tinchlantirish, Suriya, Misr misolida ko’rib turganimizdek natija bergani yo’q. Chunki xotirjam xayot, faqat jamiyatning asosiy qismi qabul qilgan mafkura asosida boshqarish bilan bo’ladi.
Shu kunlardagi bizlarning ustimizdagi tuzmlar, ummatni uyqudaligida boshqarib keldi. Ummat uyg’ona boshladi. Endi uni o’zi e’tiqod qiladigan aqida asosidagi sistemadan boshqasi xotirjam qila olmaydi. Kufr va uning malaylari, minglagan balki millionlagan musulmonni qirib yuborganlarida ham, endi musulmonlar ustilariga o’z tuzumlarini uzoq yurgiza olmaydilar.
Musulmonlar uyg’ongani bilan, uyqusirab bir qancha xatolar, tushunmovchiliklarga yo’l qo’yishadi. Lekin ular albatta Payg’ambarimiz SAV sunnatlariga ya’ni islomiy tariqatga qaytshadi.
