Misrda mamlakatning hokimiyatdan ag’darilgan prezidenti Muhammad Mursiy tarafdorlari va muxoliflari o’rtasidagi to’qnashuvlarda 100dan ortiq odam halok bo’lgan, mingdan ziyod odam jarohatlangan. Mursiy tarafdorlari talafotlar soni 120dan ko’pligini aytishmoqda, lekin buni rasman tasdiqlash imkonsiz. Talafotlarning ko’pi Iskandariya shahrida qayd etildi. Tibbiyot xodimlari va voqealarni kuzatayotgan jurnalistlar ayrimlar namoyishlar paytida kelib chiqqan to’qnashuvlarda, ba’zilari esa o’q tegib halok bo’lganini aytishadi. Iskandariyada Mursiy tarafdorlarining birini boshini o’q teshib o’tgan. O’q kim tarafidan otilgani ma’lum emas.
Lekin Mursiy tarafdorlaridan 27 ga o’tar kechasi politsiya va harbiylar namoishchilarni o’qqa tutganini Reuters xabar qiladi.
Eslatib o’tish o’rinlikki, xarbiy qo’mandonlik 3 iyulda “musulmon birodarlar”ning qo’llovidagi Muhammad Mursiyni Misr prizidentligidan chetlatgan edi. “Musulmon birodarlar” bo’lgan ishlarni xarbiy to’ntarish deb baholashib, vaqtinchalik hokimiyat bilan hamkorlikni rad qilib kelayapdi. Muhammad Mursiy Misrning saylangan va legitim prezidenti ekanini ta’kidlayotgan Musulmon birodarlar Mursiy ozod etilib, uning prezidentlik vakolatlari qayta tiklanmaguncha norozilik namoyishlarini davom ettirishni va’da qilmoqda. Misrda oxirgi namoyishlar juma kungi nomoz ortidan boshlanib ketdi va tun bo’yi mamlakatning bir qancha shaharlarida davom etdi. Ular Mursiyning hokimiyatdan ag’darilgani noqonununiy bo’ldi demoqda va uning prezidentlikka tiklanishini talab qilmoqda:
-Misrning qonuniy saylangan prezidenti konstitutsiyaga mutlaqo zid tarzda ag’darildi, biz uni prezidentlikka qayta tiklanishini talab qilib, bu erga keldik, -deydi Qohiraning Tahrir maydoniga yig’ilgan Mursiy tarafdorlaridan biri.
Bir kun avval Misr Armiyasi generali Abdul Fattox Sisiy odamlarni ko’chaga chiqishga va harbiylar tomonidan prezidentning chetlatilishiga xalqning sohta qo’llovini namoyish etishga da’vat qilganligi uchun Mursiyning tarafadorlari general Sissiyni fitnakorlikda ayblamoqda: -Sisiyning bayonotidan so’ng odamlarning unga nisbatan munosabati keskin o’zgardi. Bu gapi bilan u aholini yarmini qirib tashlash uchun boshqa yarmining mondati kerak, demoqdami, bu juda tajovvuzkor bayonot, deydi Mursiyning Qohira ko’chalariga chiqqan minglab tarfdorlaridan biri.
Qohiraning Tahrir maydoniga kelgan Mursiyning muxoliflaridan biri esa mamlakatni islomiy kuchlar boshqarishini istamasligini aytadi:
– Meni bu erga kelishimni boisi shundaki, biz Musulmonlar Birodarlar yoki terrorchilarning hokimyatda bo’lishini xohlamaymiz. Biz barcha din ahli mushtarak yashashi tarafdorimiz, – deydi Mursiyning muxoliflaridan biri…
Muslim Abu Hurayradan rivoyat qildi:
«Orangizda kimni shahid deb hisoblaysizlar? Sahobalar: Yo Rosululloh, kim Alloh yo’lida o’ldirilsa o’sha shahiddir, deyishdi. Payg’ambarimiz(s.a.v): Unday bo’lsa Ummatim shahidlari oz ekan-da, dedilar. Sahobalar: Unda ular kimlar yo Rosululloh? – deyishdi. Payg’ambarimiz(s.a.v): Kim Alloh yo’lida o’ldirilsa u shahiddir, kim Alloh yo’lida o’lsa u shahiddir, kim vabodan o’lsa u shahiddir, kim qorin og’rig’idan o’lsa u shahiddir, dedilar».
“Shahidlar” mavzu’sini kelgusida sizlarga mufassal bayon qilamiz, insho Alloh. Hozirda ushbu hadisni keltirish bilan kifoyalandik. Muslim ushbu hadisni rivoyat qildi, «Bir kishi Nabiy(s.a.v) huzuriga kelib, yo Rosululloh, bir kishi g’animat uchun jang qiladi, yana bir kishi nomi zikr qilinishi uchun jang qiladi, boshqa bir kishi esa o’zining qanday o’rin tutishini ko’rsatib qo’yish uchun jang qiladi. Xo’sh, ulardan kim Alloh yo’lida jang qilgan bo’ladi? – deb so’radi. Rosululloh(s.a.v): kim Allohning kalimasi oliy bo’lishi uchun jang qilsa u Alloh yo’lida jang qilgan bo’ladi, dedilar». Muslim Abu Musodan shunday deganini ham rivoyat qildi, «Rosululloh(s.a.v)dan: shijoati jo’sh urib jang qiladigan, hamiyati qo’zg’alib jang qiladigan va riyo uchun jang qiladigan kishi haqida bularning qaysinisi Alloh yo’lida jang qilishdir? – deb so’raldi. Rosululloh(s.a.v): kim Allohning kalimasi oliy bo’lishi uchun jang qilsa u Alloh yo’lida jang qilibdi, deb javob berdilar».
