Birnecha kun avval Suriya qarshilik harakatini qurol-yaroq bilan ta’minlashga qaror qilgan va shu xususda Qatarda sammit uyushtirgan Amerika qo’shma shtatlari bugun Livan qo’shiniga yordam ko’lamini oshirmoqchi, vaholangki Livan qo’shini aynan o’sha Suriya muxolifatini qo’llab quvvatlayotganlarga qarshi jang qilib, Hizbulloh kabi Asad tarafdorlariga yordam qo’lini cho’zmoqda.
AQSh tashqi ishlar vazirining noibi Vilyam Berniz dushanba kuni “Vashington o’lkada xavfsizlik va barqarorlikni saqlashda asosiy rolni o’ynayotgan Livan qo’shinini qo’llab quvvatlash uchun yordam sur’atini oshiradi”, deb ma’lum qildi.
Bernizning bu bayonoti Livan prezidenti Mishal Sulaymon bilan muzokaralar olib borayotgan bir paytda yangradi. Biroq u yordamning turlari tafsilotiga kirishmadi.
Xabarlarda aytilishicha, Livan qo’shini oxirgi paytlarda Suriya qo’zg’olonchilarini dastaklayotgan Ahmad al-Asir boshchiligidagi guruh bilan to’qnashuv chog’ida bir qancha askarlarini yo’qotgan.
Ayni paytda Hizbut-Tahrir Livan viloyati Suriya xalqiga dastak bo’lganlarga qarshi uyushtirilgan amaliyotlarga o’z e’tirozini bildirib, o’tgan jumadan so’ng “Irodamiz bukilmaydi, g’ayratimiz tobora ortib bormoqda”, degan shior ostida katta sonli norozilik yurishi tashkillashtirdi. Trablus shahridagi Buyuk Mansuriy masjidi, Akkaar shahridagi Buyuk Halbe masjidi, Bayrut shahridagi Imom Abu Tolib masjidi va Bika shahridagi Imom Abu Tolib masjidlarida o’qilgan juma namozidan so’ng katta sonli olomon norozilik yurishiga qatnashdi. Amerika va uning malayi Eronning Islom nurini o’chirish uchun olib borayotgan ishlari haqida ma’ruzalar qilinib, musulmonlarni ayoqqa turishga va o’z sha’nini himoya qilishga chaqirildi.
