Mursining qabul qilgan, o’ziga beqiyos salohiyatlar beruvchi, qaroriga qarshi norozilik namoishlari toboro mamlakat bo’ylab yoyilib bormoqda. Ba’zi shaxarlarda namoish qatnashchilari bilan prezident tarafdorlari o’rtasida to’qnashuvlar ro’y bergan. Yakshanba kuni Damanxur shaxrida shunday to’qnashuvlar oqibatida 15 yashar o’spirin halok bo’lgan.Tartibsizliklarda jarohat olganlar soni 500 dan oshib ketdi.
27 noyabr seshanba kunga muxolifat ham, prezidentni yoqlab “Musulmon birodarlar” harakati ham Qohirada o’zlarining “millionlar marshini” o’tkazishni rejalashtirgan edi. Biroq, “Musulmon birodarlar” harakati miting o’tkazmaslikka qaror qildi. Harakatning siyosiy qanoti bo’lgan “Ozodlik va adolat” partiyasi namoyondasining tushundirishiga ko’ra, mazkur qaror prezident Muhammad Mursiga qarshilar bilan ro’y berishi mumkin bo’lgan to’qnashuvning oldini olish uchun qabul qilingan. Shuningdek, “Nur” islomiy partiyasi ham o’zining prezidentni yoqlab o’tkazmochi bo’lgan mitingidan bosh tortdi.
