Qirg’iziston Qambat-Ota-2 GESining ikkinchi agregatini ishga tushirish uchun qarz berishini so’rab Rossiyaga murojaat qildi. Qarz sharti – yiliga 2,5 %. Bunday taklif 22 aprel kuni Moskvada bo’lib o’tgan tijoriy-iqtisodiy va ilmiy-texnik hamkorlik bo’yicha rus-qirg’iz hukumatlararo komissiyasining yig’ini protokoliga kirgizib qo’yilgan.
Biroq, mamlakatning energetika sohasi mutaxassislari Qirg’iziston rahbariyatini Qambar-Ota-2 qurulishini yakunlashlikka shoshmaslikka chaqirmoqda. Chunki, saqlagichlardagi suv hajmi shunchalik ozki, hatto ishga tushirilgan birinchi agregat ham to’liq quvvatda ishlamayabdi. Agar qolgan agregatlar ham ishga tushiriladigan bo’lsa, Qambar-Ota-1 suv saqlagichisiz u agregatlarni sifatli ishlatishning imkoniyati bo’lmaydi.
Ikki tomonning bunday shoshma-shosharligining sababi: Qambar-Ota-1 qurilishi Qirg’iziston amaldorlari uchun cho’ntak to’ldirishga, Rossiya uchun esa Norin quyi oqimidagi respublikalarga, ayniqsa Rossiya manfaatlariga noqulayliklar yaratayotgan pozitsiyadagi O’zbekistonga nisbatan bosim richagini qo’lga kiritishga imkon yaratadi.
