Hindiston sharqi shimolida joylashgan Assam viloyatida qurollangan butparast terrorchilar musulmonlarga hujum uyushtirdi. Butparastlarning hujumlari natijasida musulmon aholi o’rtasida ko’pgina talafotlar yuz berdi. Hindiston politsiyasi chiqargan bayonotda aytilishicha, musulmonlar yashaydigan qishloqqa uyushtirilgan hujumda 56 nafar musulmon turli shaklda o’lriligan.
Frantsiya axborot agentligining xabar berishicha, General Sing Hindistonning Assam shtatida yuz bergan to’qnashuvlar haqida bayonot bergan. Yuqori martabali politsiya ofitseri Musulmonlar istiqomat qiladigan Kokrajhar va Sonitpur mintaqasida aloxida-alohida 5 marta hujum uyushtirilganligini va hujum chog’ida o’ldirilganlar orasida ayollar va yosh bolalar ham borligini ochiqladi. Generalga ko’ra, Son-sanoqsiz kishilar turli og’ir jarohatlar olgan. O’lganlarning soni yana ortishi borasida xavotirlar mavjud.
Shu yilning aprel oyida Hindistonning Budo qabilasi Assam viloyatining ozchilikdan iborat bo’lgan asli Bangladeshlik musulmonlardan 11 nafarini, jumladan olti nafar ayol va bir nafar yosh go’dakni vahshiylarcha qatl qilgan edi.
Shuningdek, joriy yilning yoz oylarida ham Budo qabilasining qurollangan jangarilari Assam viloyatining musulmonlariga qarshi hujum uyushtirishi ortidan 73 nafar musulmonlar o’ldirilgan edi. 400 mingdan ko’proq musulmonlar Budo qabilasining ekstremist jangarilarining hujumlaridan qo’rqib o’z uylarini va tug’ilgan yurtlarini tashlab ketishga majbur bo’lishgan.
Budo qabilasi eskidan musulmonlarga quturib hujum qilishni davom ettirib keladi. Hukumat esa o’zini ko’rmaganga olib turaveradi. Masalan, 2012 yilda musulmonlarga qarshi qurolli hujumlarni amalga oshirib yuzlagan musulmonlarni ayovsiz qirg’in qildi.
Oxirgi oylarda Hidistonning Assam viloyatida musulmonlarga qarata Budo qabilasining hujumlari shiddat bilan kuchayib bormoqda. Shunday vaziyatda Assam mintaqasi aholisining talablariga qaramasdan, ushbu mintaqada istiqomat qiladigan musulmonlarni himoya qilish uchun Hindiston davlati shu kungacha o’z armiyasini yoki xavfsizlik kuchlarini jalb qilgan emas.
