Qo’shma Shtatlar prezidenti Barak Obama bugun 22 iyun dushanba kungi qilgan chiqishida Suriya ichkarisida Asadni qulatishga qodir mo”tadil (demokratiyani yoqlovchi) muxolifat topa olmayotganligi bildirdi.
Prezident Barak Obama Amerikaning “CBS” televizion kanali bilan o’tkazgan suhbatda
Iroq va Shom Islom davlati (IShID) Suriyada kuch to’plashga imkon topa olganligini aytib o’tdi. “Iroq va Shom Islom davlati (IShID) qurol aslahalarni jamlash, moddiy resurslarni qo’lga kiritish va hukmronligini kengaytirishda Suriya hukumatidagi bo’shliqdan unumli foydalandi”, dedi AQSh prezidenti.
Muxbirning “agar Voshington Suriyadagi mo”tadil (demokratiyani yoqlovchi) muxolif kuchlarni dastaklashga qaror qilganda edi bu bo’shliq mavjud bo’larmidi?” degan savoliga Obama “Suriyada Asad rejimini qulatishga qodir mo”tadil (demokratiyani yoqlovchi) muxolifat mavjud degan fikr mutlaqo noto’g’ridir. Shunga ko’ra, har qanday holatda ham bo’shliq mavjud bo’lib qolaveradi”, deb javob berdi.
Obama Suriyadagi mo”tadil (demokratiyani yoqlovchi) muxolifat bilan birga faoliyat olib borishda AQSh hukumati juda ko’p vaqtni behuda o’tkazganligini tan oldi. Uning ta’biriga ko’ra, Bashar rejimini yo’q qilishga qodir bunday mo”tadil (demokratiyani yoqlovchi) muxolif kuchlarning Suriyada mavjudligi voqesi bo’lmagan xom hayoldan (fantaziyadan) boshqa narsa emas.
Prezident Obama “NPR” radiosiga bergan intervyusida ham mo”tadil muxolifat Suriyada katta jamoaga aylanguniga qadar juda ko’p vaqt kerak bo’lishini bildirgan edi.
