Matbuot bayonoti
Iordaniya rejimi dushman yahudiy vujudi tomon otilgan raketa va dronlarni to‘sish bilan uni mudofaa qilmoqda
Yahudiy vujudi 2025 yil 13 iyun, juma tongida AQSHning yordami va hamkorligi bilan Eronga hujum uyushtirib, uning yadroviy inshootlari, ballistik raketa zavodlari va harbiy rahbarlarini nishonga oldi. Hujum Eronning harbiy va fuqarolik obyektlariga katta talafotlar yetkazdi. Eron esa, odatdagidek, yahudiy vujudiga qattiq va qirg‘inbarot javob qaytarish bilan tahdid qildi hamda shu kunning o‘zida ertalab va kechqurun dronlar va raketalar orqali bir nechta hujumlarni amalga oshirdi. Bu hujumlar Iroq, Suriya va Iordaniya havo hududlari orqali o‘tdi. Ba’zi hujumlar yahudiy vujudi shaharlaridagi ayrim inshootlarga ziyon yetkazdi, ammo ba’zilari esa yahudiy vujudiga yetib borishidan avval yoki unga yaqin havo hududlarida to‘sib qolindi.
Shu munosabat bilan, Iordaniya prezidenti uning yurti hech qanday mojaroda urush maydoniga aylanmasligini va mamlakat xavfsizligi hamda barqarorligining tahdid ostida qolishiga aslo yo‘l qo‘ymasligini bildirdi. Tashqi ishlar va chet eldagi fuqarolar ishlari vaziri Ayman Safadiy Iordaniya o‘z suverenitetining buzilishiga va xavfsizligiga tahdid solinishiga yo‘l qo‘ymaydi, dedi. Iordaniya qurolli kuchlari (arab armiyasi) bosh qo‘mondonligidagi mas’ul harbiy manbaning ma’lum qilishicha, juma tongida mamlakat qiruvchi samolyotlari va qirollik havo mudofaa tizimlari Eron tomonidan yahudiy vujudi tomon uchirilgan va Iordaniya havo hududiga kirgan bir nechta Eron raketalari va dronlarini to‘sib qolgan.
Bu rejim o‘zining ushbu chora-tadbiri bilan, rejim sifatida vujudga kelganidan buyon zimmasiga yuklangan vazifasi yahudiy vujudini himoya qilish, uni mustahkamlash va unga qarshi tahdidlarni bartaraf etishdan iborat ekanini isbotladi. Uning ushbu dron va raketalarni to‘sishini oqlash uchun tinmay takrorlagan «mamlakat xavfsizligi, barqarorligi va fuqarolar himoyasi uchun» deya siyqasi chiqqan plastinkani aylantiraverishi endi Iordaniya xalqiga o‘tmaydi. Bu dushman vujudini himoya qilish uchun shartnomalar va kelishuvlar imzolashni va harbiy-xavfsizlik hamkorligi bilan uni qo‘llab-quvvatlashni endi u Allohdan, Uning Rosulidan va musulmonlar jamoasidan hayo qilmay, ochiq bajaradigan bo‘lib qoldi. U ayni hamkorligini hatto G‘azo ahliga qarshi olib borilgan qirg‘in, surgun va ochlik bilan yuritilgan urushlar paytida ham to‘xtatmayapti, o‘z qurolli kuchlarini G‘azoni himoya qilish uchun emas, balki yahudiy vujudiga qarshi yo‘llangan raketalarni to‘sish uchun ishga solmoqda. Alloh Taolo esa, bunday hukmdorlarni quyidagi so‘zlari bilan ogohlantiradi:
﴿يَٰٓأَيُّهَا ٱلَّذِينَ ءَامَنُواْ لَا تَتَّخِذُواْ ٱلۡيَهُودَ وَٱلنَّصَٰرَىٰٓ أَوۡلِيَآءَۘ بَعۡضُهُمۡ أَوۡلِيَآءُ بَعۡضٖۚ وَمَن يَتَوَلَّهُم مِّنكُمۡ فَإِنَّهُۥ مِنۡهُمۡۗ إِنَّ ٱللَّهَ لَا يَهۡدِي ٱلۡقَوۡمَ ٱلظَّٰلِمِينَ﴾
«Ey mo‘minlar, yahudiylar va nasroniylarni do‘st tutmangiz! Ularning ba’zilari ba’zilariga do‘stdirlar. Sizlardan kim ularga do‘st bo‘lsa, bas, u o‘shalardandir. Albatta, Alloh zolim qavmni hidoyat qilmas» [Moida 51]
Iordan rejimi xohlasin xohlamasin, yahudiylar va ularning vujudi Allohga, Uning Rosuliga va Iordaniya ahli uchun birinchi raqamli dushmandir. Yahudiy vujudi tomon uchayotgan raketalarni ko‘rgan paytda, odamlarning qalbini to‘ldirgan shodlikni o‘zingiz ham ko‘rib, his qilishingiz mumkin. Ammo bu raketalar yo‘lda to‘sib qolinganda, ularning umidlari qanday singanini va yuzlaridagi xafalikni ham ko‘rish qiyin emas. Alloh Taolo shunday marhamat qiladi:
﴿لَتَجِدَنَّ أَشَدَّ ٱلنَّاسِ عَدَٰوَةٗ لِّلَّذِينَ ءَامَنُواْ ٱلۡيَهُودَ وَٱلَّذِينَ أَشۡرَكُوا﴾
«Iymon keltirgan zotlarga eng qattiq adovat qilguvchi odamlar yahudiylar va mushrik bo‘lgan kimsalar ekanini ko‘rasiz» [Moida 82]
Shuningdek, Iordaniyaliklar dushman deb biladigan va yahudiy vujudini qurol-yarog‘ va harbiy texnika bilan ta’minlab kelayotgan Amerika ham Islom va musulmonlarning aniq dushmanidir. Iroq, Afg‘oniston, Suriya, Yaman va Sudanni to‘g‘ridan to‘g‘ri va o‘z malaylari orqali vayron qilgan ham mana shu Amerikadir. Shunday bo‘lgach, bu rejim ayni haqiqatdan dars olib, Amerika manfaatlarini ta’minlash va yahudiy vujudini himoya qilish uchun zir chopishdan tiyilsin. Chunki Amerikani ham, yahudiy vujudini ham o‘z manfaatidan boshqa narsa qiziqtirmaydi.
Ey musulmonlar, ey musulmon armiyalari!
Alloh va Rosulining amr-farmonlariga va sizni g‘olib qilishga bergan va’dasiga siz tomondan javob qilmoq vaqti keldi. Alloh o‘z va’dasini, qachon Islomiy davlatingizni barpo qilib, Uning shariatini hayotda tatbiq etsangizgina ro‘yobga chiqaradi. Qilayotgan xiyonatlarining badbo‘y hididan burunlar zada bo‘layotgan bu hukmdorlaringizdan qo‘lingizni tortib-poklanmoq vaqti keldi. Shuning uchun biz sizni Islom boshqaruvi va davlatini barpo qilishga chaqiryapmiz. Zero, faqat Islom davlati bilangina sharafingiz, or-nomusingiz va haqiqiy qadr-qimmatingiz tiklanadi, aynan shu davlat bilangina yahudiy vujudi ustidan g‘olib kelib, Amerika va Yevropani musulmon yurtlaridan haydab chiqarasiz. Siz kuch-qudrat ahli, nahotki G‘azo ahliga yordam berishdan voz kechib, Allohning amrlarini chetga surib qo‘yyapsiz, nahotki bu vujudga hatto ozgina zarar yetkazishi mumkin bo‘lgan raketalarni ham o‘z havo kuchlaringiz yordamida to‘sishga jur’at qilyapsiz?! Bunday qilishni bas qiling va Falastin tomon yo‘l olib, Aqso masjidi bilan ushbu muborak zaminini ozod qiluvchi fotihlarga aylaning!
﴿وَعَدَ ٱللَّهُ ٱلَّذِينَ ءَامَنُواْ مِنكُمۡ وَعَمِلُواْ ٱلصَّٰلِحَٰتِ لَيَسۡتَخۡلِفَنَّهُمۡ فِي ٱلۡأَرۡضِ كَمَا ٱسۡتَخۡلَفَ ٱلَّذِينَ مِن قَبۡلِهِمۡ وَلَيُمَكِّنَنَّ لَهُمۡ دِينَهُمُ ٱلَّذِي ٱرۡتَضَىٰ لَهُمۡ وَلَيُبَدِّلَنَّهُم مِّنۢ بَعۡدِ خَوۡفِهِمۡ أَمۡنٗاۚ يَعۡبُدُونَنِي لَا يُشۡرِكُونَ بِي شَيۡٔٗاۚ وَمَن كَفَرَ بَعۡدَ ذَٰلِكَ فَأُوْلَٰٓئِكَ هُمُ ٱلۡفَٰسِقُونَ﴾
«Alloh sizlardan iymon keltirgan va solih amallar qilgan zotlarga xuddi ilgari o‘tgan zotlarni xalifa qilganidek, ularni ham yer yuzida xalifa qilishni va ular uchun O‘zi rozi bo‘lgan (Islom) dinini g‘olib qilishni hamda ularning (Islom davlatidan oldingi) xavfu-xatarlaridan so‘ng (Islom davlati bilan) tinchlik-xotirjamlikka aylantirib qo‘yishni va’da qildi. Ular Menga ibodat qilurlar va Menga biron narsani sherik qilmaslar. Kim mana shu (va’da)dan keyin kufroni (ne’mat) qilsa, bas ular fosiq kimsalardir» [Nur 55]
Hizb ut-Tahrirning
Iordaniya viloyatidagi
matbuot bo‘limi
