بِسْمِ اللهِ الرَّحْمٰنِ الرَّحِيمِ
Ikki davlat yechimi AQSH hamda uning dumlari yechimidir
Ummat hamda uning armiyalari yechimi esa, Falastinni ozod etishdir
Doktor Mus’ab Abu Arqub
Hizb ut-Tahrirning muborak Falastin
zaminidagi matbuot bo‘limi a’zosi
AQSH davlat kotibi Entoni Blinken «ikki davlat yechimining istiqboli uzoqdek tuyulmoqda, biroq biz unga sodiqmiz va bizni undan uzoqlashtirayotgan barcha narsa Isroilning uzoq muddatli xavfsizligiga zarar keltiradi», dedi.
Bu bayonot bilan AQSH davlat kotibi adashtirishga o‘rin qoldirmayapti. Chunki Falastinda ikki davlat qurish yechimi yahudiy vujudining omon qolishini ta’minlab, muborak zamindagi ustunlarini mustahkamlaydi. Dunyoning birinchi davlati Amerika bu vujudning omon qolishida o‘zi uchun manfaatni ko‘ryapti. Shu e’tibordanki, yahudiy vujudi Amerikaning Islom Ummatiga qarshi kurashida oldingi liniyadagi bazadir, nafaqat Amerika, hatto butun G‘arbning Islom hazoratiga va Ummatga qarshi urushida ham ilg‘or baza hisoblanadi. Shuning uchun hammalari bu vujudni omon qolishi shart deb hisoblab, uni qo‘llab-quvvatlashyapti.
Yahudiy vujudini qo‘llab-quvvatlash va uni tabiiy vujudga aylantirish uchun bu vujudni musulmon yurtlariga qorishtirishlari lozim. Qorishtirish uchun esa muborak zaminni ozod etishga mushtoq bo‘lib turgan Ummatning his-tuyg‘usi bilan lovullab yonayotgan mintaqa olovini o‘chira oladigan biror bahona yoki ma’lum bir yechim kerak bo‘ladi. Biroq Amerika yoki G‘arb qo‘lida Ummatni rozi qiladigan yoki uning Falastinga nisbatan his-tuyg‘usini toabad jilovlaydigan tarzda masalani hal qiladigan birorta sehrli yechim yo‘q.
Falastin masalasi Islom, Islomiy Ummat, strategik joylashuv, mustamlakachi va unga malay rejimlar kabi masalalar bilan bog‘liq masaladir. Amerika boshchiligidagi mustamlakachi G‘arb yurtlarimizdagi o‘z manfaatidan xavotirlanib, ushbu masalaning barqarorlashishini istamaydi. Aksincha, yurtlarimizni o‘ziga tomorqa bo‘lib qolishini, boyliklarini so‘rib, xalqlarini qul qilishni istaydi. Buni ta’minlash uchun mintaqani sokinlashtirish va olovini o‘chirishga urinyapti. Chunki bu olov Rosululloh ﷺning Isro maskanining bosqin ostida qolganligi sababli Ummat yuragida lovullab yonmoqda hamda G‘arbning islomiy yurtlardagi malaylari taxtiga tahdid solmoqda. Shu bois, G‘arbga shunday yechim kerak bo‘lyaptiki, shu orqali olov piligini sug‘urib tashlab, yurtlarimizdagi hukmron rejimlar tepasidagi G‘arb malaylari tinchligini kafolatlasin, yahudiy vujudi va uning borligi xavfsizligini ta’minlasin, zohirda Falastin ahli uchun alohida davlat, yahudiylarga alohida davlatni ta’minlaydigan adolat va insof bo‘lib ko‘ringan yechim bo‘lsin. Ana shunda Falastin masalasi yechiladi va kurash tugaydi, xuddi Arab davlatlari tashabbusi matnida aytilganidek «ikki davlat yechimi» bo‘ladi.
Aslida, bu ikki davlat yechimining mag‘z-mohiyati muborak zaminning eng ko‘pini yahudiylarga berish, evaziga yahudiylar xavfsizligini himoya qilish bilan shug‘ullanadigan zaif bir davlatcha qurib berish, demakdir. Amerika mana shunday yechimni qabul qilgan. Biroq, yahudiy vujudi doim bu yechimdan o‘zini olib qochyapti va butun Falastin yerlariga hukmronlik qilishni istayapti.
Amerika ushbu muborak Falastin zamini masalasining naqadar chigalligini va uning Islom masalasi bilan chambarchas bog‘liqligini anglamoqda. Yahudiy vujudining Islom Ummatiga bas kelishga yoki hozirgidan ham yanada kengayishga yoxud unga qarshi qo‘zg‘alishga shay turgan Ummat qarshisida turishga qodir emasligini biladi. Amerika shularni anglagani va bilgani uchun ham ikki davlat yechimi orqali bosqinchi vujudni himoya qilishga, xavfsizligini va mintaqadagi manfaatlarini ta’minlab, shu yechimni tiqishtirishga urinyapti… Bugun yahudiylar uy-joy qurishni kengaytirib, ushbu zaminga mustahkam o‘rnashayotgan bir paytda, shuningdek, bu zamindan temir darvozalar bilan o‘ralgan yopiq kanton davlatchalardan boshqa narsa qolmagan bir muhitda, Amerika uchun ikki davlat yechimi yaqinda amalga oshadimi yo uzoqdami, uning Falastinda real voqeligi va mazmuni bormi yo yo‘qmi farqi yo‘q. Biroq Amerika bu bilan kurashga hech bo‘lmasa nazariy jihatdan chek qo‘ygan bo‘ladi. Bunga malay rejimlarning qiladigan vazifasini ifodalovchi Arab davlatlari tinchlik tashabbusida aytgan AQSH davlat kotibi Blinkenning bayonoti misoldir. U Amerikaning yahudiylar xavfsizligini ikki davlat yechimi orqali himoya qilishga harakat qilayotganini, bu yechimni amalga oshirishdagi qurollari esa, musulmon yurtlaridagi hukmdorlar ekanini ochiq va aniq gapirdi.
Nusrat-g‘alabalar va tarixlar sohibi bo‘lmish buyuk Islom Ummati ushbu muborak zamin uchun uni ozod etmoqdan o‘zga yechim yo‘q deb biladi. Zero, bu tarixda o‘z ifodasini topgan yechimdir. Darhaqiqat, salibchilar bu muborak tuproqni bosib olishganda Ummat harakatga kelib, bu tuproqni ulardan ozod etdi. Hech kimning hayotida Falastinni salibchilar bilan bo‘lishib olishdek xiyonatkorlik tanlovi bo‘lgan emas. Salohiddin Ayyubiy bu muborak zaminni salibchilar bilan Islom Ummati o‘rtasida ikki davlat orqali bo‘lishish yechimini imzolash uchun papa bilan uchrashgan emas. Aksincha, ular bilan Hittin ma’rakasida uchrashdi va yurtimizdan hammalarini supurib chiqarib, butun islomiy yurtlarimizdan salibchilar qirolligini ildizi bilan qo‘porib tashladi.
Muborak zaminni ozod etishga hamda bu vujudni yana ildizi bilan toabad qo‘porib tashlashga Ummat javobgar bo‘lib, bu uning burchidir. Chunki tirik ummatlar odatda o‘z yurtlarini ozod etish uchun harbiy safarbarlik e’lon qiladi. Yevropa davlatlari va Rossiya o‘z tuproqlarini ozod etish uchun bosqinchi fashizmga qarshi janga kirishganlar. Napoleon Yevropada kengayishga harakat qilgan paytda unga qarshi butun Yevropa oyoqqa turib, harbiy safarbarlik e’lon qildi. Ammo Amerika hamda uning dumi bo‘lgan xoin hukmdorlar Islom Ummatidan taslim bo‘lishini, bosqinchi vujud bilan munosabatlarni normallashtirib, Falastinni bo‘lishib olishini istashyapti!
Yahudiy vujudi bilan qilinayotgan muomala yurtlarimizdagi rejim va hukmdorlarning malayligini fosh qilmoqda. Bugun Ukraina o‘z tuprog‘ining har bir qarichini rus bosqinchilaridan mudofaa qilish uchun jang qilayotgan… G‘arb unga yordam berib, pul va qurol bilan qo‘llab-quvvatlayotgan bir paytda, islomiy yurtlar hukmdorlari ham Amerika siyosatini ma’qullab, Ukrainaning hududiy yaxlitligiga, uning barcha mintaqasining, hatto Qrimning qaytarib olishiga da’vat qilishyapti. Ammo shunday bir vaqtda, muborak Falastin tuprog‘i haqida gap ketsa, hamma, shu jumladan hukmdorlarimiz bosqinchilar bilan ikki davlat yechimi orqali zolimona taqsimlashni gapirib, shuni talab qilishyapti! Har bir tadbir-uchrashuvlarda hukmdorlarimiz tinmay takrorlayotgan ushbu talab yurtlarimizdagi mavjud har bir rejimning xoinligini hamda Amerika va yahudiylar manfaatlariga sodiqligini ko‘rsatuvchi alomat-tamg‘aga aylanib qoldi.
Bas, shunday ekan, Islom Ummati uchun o‘z xo‘jayinligini, irodasini va siyosiy qarorini qaytarib olmog‘i va bu xoin hukmdorlarni tubdan ag‘darib, Payg‘ambarlik minhoji asosidagi Xalifalik davlatini barpo etmog‘i vaqti allaqachon kelgan. Qachon ushbu davlatimiz barpo bo‘lsa, Islom Ummatining Falastinni ozod etmog‘i uchun atigi bir soat kerak bo‘ladi, xolos. Chunki Ummatimiz buyuk va gigant Ummat bo‘lib, uning oldida zaif bir vujud ham, qo‘rqoq mustamlakachilar ham hargiz turolmaydi. Biroq, Ummatimiz oyoq-qo‘li yuvindixo‘r hukmdorlar tomonidan kishanlangan ekan, uning er kishilari va qo‘shinlari hukmdorlarni tubdan ag‘darmoqlari, taxtlarini vayron etib, buyuk Ummatni kishandan qutqarmog‘i shartdir.
Roya gazetasining 2022 yil 14 dekabr chorshanba kungi 421-sonidan
