بِسْمِ اللهِ الرَّحْمٰنِ الرَّحِيمِ
Erdogan Turkiyasi AQShning Kipr muammosiga nisbatan AQSh echimini ilgari surmoqda, Evropa esa buni rad qilishga urinmoqda
«Turkpress» veb-saytida (hijriy 1442 yil 13 zulqa’da, milodiy 2021 yil 24 iyun kuni) tarqatilgan xabarda bunday deyiladi:
«Germaniya kantsleri Angela Merkelь Evropa Ittifoqi bilan Turkiya o‘rtasida dialog jarayonini tezlashtirish lozimligini va bu umumiy manfaatlar asosida qo‘shma hamkorlikda taraqqiyotga erishish uchun zarurligini ta’kidladi. Merkelь bu so‘zlarni Germaniya parlamentida joriy yil 24-25 iyun kunlari bo‘lib o‘tgan Evropa sammiti oldidan aytdi. U Turkiyada 3,7 million suriyalik borligini eslatib, migratsiya bo‘yicha Turkiya bilan bo‘lgan kelishuvni moliyalashtirishni davom ettirish uchun BMTning qochqinlar bo‘yicha komissariyatidan aniq takliflar berishni talab qildi. So‘ng «Ma’lumki, immigratsiya muammolarini faqat Turkiya bilan va dialog orqali hal qilish mumkin», dedi».
Roya:
Germaniya va Frantsiya Turkiya bilan hamfikr bo‘lish zarur, deb bilmoqda. Negaki Turkiya Amerika siyosati bo‘yicha qadam tashlaydi va bu Evropaning Yaqin Sharq va O‘rta Er dengizidagi manfaatlariga ziyon keltirmoqda, xuddi yaqinda Liviyada bo‘lgani kabi. Darhaqiqat, evropaliklar Kiprdagi ikki davlat echimiga ochiq norozilik bildirishdi. Chunki bu ularning Kiprni to‘liq nazorat qilish imkoniyatlarini barbod etadi. Ma’lumki, Turkiya tomonidan yaqinda ilgari surilgan ikki davlat loyihasi Amerikaga tegishli. Loyihada Kiprning taxminan 70 foizini Gretsiya nazorat qilishi va Kipr-Turk davlati uchun 1974 yilgi chegaralar bo‘ylab yurtning 30 foizi etarli ekani aytilgan.
Shubhasiz, bunday loyihani ilgari surish Erdogan Turkiyasi rejimining xiyonatidir. Chunki Kipr butunicha Islom zamini hisoblanadi. Ushbu zamin uchinchi roshid xalifa Usmon ibn Affon roziyallohu anhu zamonida musulmonlar qo‘li bilan fath qilingan. Keyin salibchilar uni Falastin bilan birga bosib olishgan… So‘ng Kipr yana ozod etilgan. 1914 yil ikkinchi jahon urushi boshlanganda Britaniya Kiprni o‘z nazorati ostiga olganini e’lon qildi. Keyin unga 1960 yil soxta mustaqillik berib, greklarga u erdagi musulmonlar ustidan hukmronlik qilish huquqini berdi va ko‘pchiligini quvib chiqardi. Britaniya Kiprda ikkita harbiy baza qurgan va ular hamon mavjud. Amerikaga kelsak, Kiprda nufuzini Erdogan Turkiyasi vositasida o‘rnatishga, binobarin, bu ikki bazani o‘z nazorati ostiga olishga urinmoqda.
Roya gazetasining 2021 yil 30 iyun chorshanba kungi 345-sonidan
