بِسْمِ اللهِ الرَّحْمٰنِ الرَّحِيمِ
Marokash bosh vaziri yahudiylar bilan munosabatlarni normallashtirishni Falastindan voz kechish emas deb hisoblaydi
«Anadolu» axborot agentligi veb-saytida (hijriy 1442 yil 22 jumodulavval, milodiy 2021 yil 6 yanvar kuni) nashr qilingan xabarda bunday deyiladi:
«Marokash bosh vaziri, Adolat va Taraqqiyot partiyasi bosh kotibi Sa’duddin Usmoniy Falastin masalasida o‘z partiyasi pozitsiyasi o‘zgarmaganini bildirdi.
Buni u – Anadolu muxbiriga ko‘ra – yurt janubidagi Agadir shahrida partiyasi a’zolari bilan chorshanba kuni o‘tkazgan yig‘inda aytdi.
Uning ta’kidlashicha, «Isroil» bilan munosabatlarni normallashtirish to‘g‘risidagi bitimni imzolashni u o‘zining burchi deb biladi.
«Partiyamning pozitsiyasi o‘zgargani yo‘q. Biz «Saxara viloyati va Falastin»dan iborat ikkala masalada ham savdolashib o‘tirishni istamaymiz», dedi.
«AQShning Saxarani Marokash hududi, deb tan olishi «shunday bir strategik o‘zgarishki, ko‘pchilik buning qanchalik muhimligini tushunmayapti. Marokashning muxoliflari bu qarorning o‘zlari uchun naqadar xavfli ekanini anglamoqdalar. Shu bois bundan hayratga tushib qolishdi», dedi u».
Roya:
Marokash bosh vaziri Sa’duddin Usmoniyning fikricha, Falastinni bosib olgan yahudiy vujudini tan olish, u bilan munosabatlarni normallashtirish hamda ushbu zamin va u erdagi Aqsoni ozod etishdan bosh tortish Falastindan voz kechish, deb hisoblanmas emish! U holda, voz kechish – uning nazdida – nima o‘zi, axir, u Ixvonul Musliminning bir bo‘lagi bo‘lgan Adolat va Taraqqiyot partiyasiga rahbar bo‘lsa?! Ta’kidlash lozimki, Falastindan voz kechmadim, deyish bilan uning o‘zi partiyasi a’zolariga yolg‘on gapiryapti. Aslida esa, u «AQShning Saxarani Marokash hududi, deb tan olishi «shunday bir strategik o‘zgarishki, ko‘pchilik buning qanchalik muhimligini bilmayapti», deyish bilan Falastin ustida savdolashib, uni Marokash Saxarasiga almashdi. Chunki u xo‘jayini Marokash qiroli bilan birga Falastindan voz kechish savdosini olib borishyapti. U quyidagi gapi bilan G‘arb va yahudiylarni do‘st tutgan qirolining tayyor malayiga aylandi: «Biz o‘zimizga qarshi hujumlarni, partiyamiz niyatlari ayblanishini hamda pozitsiyasi shubha ostiga olinishini butunlay rad etamiz». Xo‘sh, ishlar yaqqol ko‘rinib turgan bo‘lsa, niyatlarning bunga nima aloqasi bor?! Bu birinchidan. Qolaversa, shubha uyg‘otish mumkin bo‘lgan pozitsiya qanday pozitsiya bo‘ldi, axir, bu yahudiylar bilan munosabatlarni normallashtirish pozitsiyasi emasmi?!
Roya gazetasining 2020 yil 13 yanvar chorshanba kungi 321-sonidan
