Uni qanday ko’rinishda bo’lmasin rad qilish vojib Unda ishtirok etish shar’an harom, hatto uning o’tkazilishiga sukut qilish ham harom
Suriya ishi bilan shug’ullanishda Amerikaning misli ko’rilmagan hujumi va milliy koalitsiyaga uning Jeneva-2 konferentsiyasiga kelishi uchun o’tkazilayotgan qattiq bosim sharoitida Vashington bu konferentsiyani o’tkazish uchun bor kuchini sarflamoqda. Amerika shu konferentsiya orqali o’zining echimini zo’rlik bilan tiqishtirmoqchi. Bu yo’lda Amerikaga xizmat qilish uchun uning vakili Axzar Ibrohimiy Amerika unga yuklagan vazifani bajarishga kirishdi. Unga harakatni boshlash uchun Amerika tomonidan «yashil chiroq» yoqib berilganidan keyin u o’ziga yuklangan vazifani bajarishga kirishdi. Axzar Ibrohimiy mintaqadagi ba’zi davlatlarga bo’zchining mokisidek qatnab qoldi. Shundan keyin 2013 yil 30 oktyabr chorshanba kuni jinoyatchi Bashar bilan uchrashdi. U o’zining safarini 2 noyabr shanba kuni Tehronda yakunlab, o’zining uchrashuvlari «hosili»ni Amerikaga topshirdi. 5 noyabrda Amerika tashqi ishlar vaziri Rossiya tashqi ishlar vaziri bilan uchrashdi. Bu uchrashuvda konferentsiyani o’tkazishning amaliy qadamlari o’zaro kelishib olindi va uni o’tkazish vaqti belgilandi. Amerika yugurdagi Axzarning xatti-harakatlari va bayonotlari Amerika, Rossiya, Eron va jinoyatchi Bashar Asad rejimi pozitsiyalariga mos keldi va ular bilan bitta yo’nalish tusini oldi. U ham bo’lsa shu konferentsiyani o’tkazish zarurligi hamda Amerika bu mintaqada o’zining manfaatlariga erishishni kafolatlash uchun Bashar va Eronga rol ajratib berish yo’nalishidir. Amerika o’zining malayi Bashar pozitsiyasini – unga o’zining malaylari orqali va eng avvalo Eron orqali pul, odamlar, qurol-aslahalar etkazib berib, uni Suriyadagi musulmonlarga qarshi kimyoviy qurolni qo’llaganidan keyin xalqaro sudda javobgarlikka tortishdan himoya qilib – kuchaytirishga hissa qo’shdi. Bugina emas, balki Amerika bu jinoyatchining xalqaro pozitsiyasini ham kuchaytirdi, uni ana shu quroldan Islom va musulmonlar dushmanlari bo’lmish G’arb va yahud vujudi foydasiga voz kechgani sababli ko’kka ko’tarib maqtadi… Shunday qilib Amerika malayi Bashar konferentsiyaga kuchli bo’lib boradi, boshqa taraf esa zaif bo’ladi. Shundan keyin Amerika o’zining echimga oid shartlarini zo’ravonlik bilan o’tkaza oladi.
Bu Jeneva-2 konferentsiyasi Amerika uyushtirayotgan xoinlik, xorlarcha taslim bo’lish konferentsiyasi bo’lib, uning aralashmasi Amerika tashqi ishlar vazirligi uyasida «pishirilib», Amerika «filial»laridan biri bo’lgan BMT kuluarlarida amalga oshirilmoqda. Bu kuluarlarga hozirda BMT bosh sekretari Pan Gi Munning siyosiy maslahatchisi bo’lib ishlayotgan Amerika tashqi ishlar vazirining sobiq yordamchisi Jefri Veltman boshchilik qilmoqda. Amerika bu konferentsiyaga «Suriya milliy koalitsiyasi»dagi eng tuban ilmoniy shaxslarni tanladi. Amerika ularni kelgusi muzokaralarda musulmonlar nomidan vakil qilmoqchi. Bundan ham xunukrog’i bu kimsalar qatoriga ulardan ham razilroq bo’lgan «demokratik o’zgarish kuchlarining milliy koordinatsion kengashi» a’zolarining qo’shilayotganidir. Zero bu kengash Suriya rejimiga bevosita malaydir. Ma’lumki, Jeneva-1 konferentsiyasi ijroiy hokimiyat huquqidan to’liq foydalanadigan o’tish davri boshqaruv kengashini tuzish talabini ma’qullagan edi. Bu kengash tarkibiga hozirgi hukumat a’zolari, oppozitsiya va boshqa guruhlar kiradi va u demokratik boshqaruv nizomiga erishish uchun o’zaro til topishish asosida tuziladi… Bu kengashni tuzish Amerika talabi bo’lib, Amerika undan echimga oid bir doirani paydo qilmoqchi. Bu kengash unda toifachilik va irqchilik asosida taqsimlanish jihatidan Iroqdagi o’tish davri boshqaruv kengashiga o’xshash bo’lishi hech kimga sir emas. Biz buning alomatlarini kurdlarning harbiy harakatlari va nasroniy tarafning bayonotlarida kuzata boshladik. Ma’lumki bu narsroniy taraf uchun musulmonlar bilan sun’iy ravishda muammolar keltirib chiqarilmoqda. Chunki o’shanda bu tarafning siyosiy talablarini va uning shu kengashda o’z vakillari bo’lishi haqidagi talabini oqlovchi asos bo’ladi. Bu esa Amerikaning Suriya va mintaqadagi musulmonlarga qarshi iflos mustamlakachilik niyatlari haqida oldindan tasavvur beradi.
Qo’zg’olonda kuchli islomiy holat mavjudligi sababli bu echim uchun shart-sharoitlar hali pishib-etilmagani bois, demak Amerikaning avvalo bosim o’tkazish yo’liga o’tishi kutiladi. Amerika hozircha faqat o’tish davri boshqaruv kengashiga qonuniylik tusi berilishiga erishish maqsadida shu konferentsiya o’tkazilishi uchun bosim o’tkazish yo’liga o’tadi. Shundan keyin Islomiy qo’zg’olonchi jangchilar guruhlarini yo’q qilish uchun amaliy qadamni tashlaydi. Buni siyosatchilar, axborot vositalari, harbiylarni safarbar qilish va kuchli, ya’ni jangovar xalqaro tinchlik saqlovchi kuchlarni yuborish orqali amalga oshiradi. Buni Amerika yugurdagi Axzarning o’zi aytdi. Bu kuchlar Afg’onistondagi musulmonlarga qarshi jirkanch jinoyatlarni amalga oshirgan xalqaro «Isaf» kuchlariga o’xshagan bo’ladi. Maqsad Suriyada yana bir yangi Karzayni o’rnatishga, jang olib borayotganlarning o’rtasiga rahna solishga, Amerika etagini o’pib yuradiganlarga qonuniy tus berishga, Amerika bilan birga qadam tashlamaydiganlarga ularni oldin terrorizm bilan ayblab keyin zarba berishga harakat qilishdir… Bularning barchasi xalqaro qonunchilikni va Amerika echimi bo’lgan xalqaro echimni saqlash degan bahona bilan amalga oshiriladi.
Shu o’rinda bunday savol tug’iladi: Amerika ertayu kech faqat o’zining manfaatlariga binoangina aralashishini jar solib yotgan bir vaqtda Jarba va Kiloning milliy koalitsiyasi va Idrisning harbiy kengashi Jeneva-2ga borishni va Amerika echimiga xorlarcha bo’ysunishni qanday qabul qilishi mumkin?! Buning ustiga Bashar Amerika malayi bo’lsa va u o’z jinoyatlarini Amerika buyrug’i bilan qilayotgan bo’lsa?! Amerika bu tog’utni hokimiyat kursisiga mahkam o’rnata olmagani sababli uning o’rniga yana bir malay hokimni qidirmoqda. Shunday bo’la turib milliy koalitsiya va harbiy kengashdagilar Amerika bilan birga uning manfaatlarini amalga oshirish uchun Jeneva-2ga borishaveradimi?! Qolaversa Amerikaning tog’ut Asadning odamlarga qarshi kimyoviy qurolni ishga solgani jinoyatiga indamay sukut qilib turgani Amerikaning Suriyadagi musulmonlarga qarshi ish olib borayotganini anglatmaydimi?! Bu kimsalarning Jenevaga borishlari ularning Amerika echimining bir qismi bo’lishga harakat qilishayotganini anglatmaydimi?!
Ey Amerika bilan til biriktirgan milliy koalitsiya a’zolari: sizlarning bu konferentsiyada va Amerika homiylik qiladigan har qanday konferentsiyada ishtirok etishingiz bir kechirilmas jinoyatdir. Shuning uchun agar o’zingizni Amerika quchog’iga otishingizni bas qilmasangiz Ummatning sizga qarshi g’azabi chaqmoqdek bo’ladi. Chunki u holda sizlar qonlar va jasadlar ustiga qurilgan qiyshiq boshqaruv kursilari va bo’lmag’ur mansablar deb musulmonlar qonlarini arzimas narxga sotib yuboradigan yangi malaylar bo’lib qolasiz. Sizlar bu rolingizda Basharning o’zidan ham, uning rejimi va xavfsizlik to’dasidan ham xatarliroqsiz. Bu tog’utning xavfsizlik to’dasi butunlay sizning xavfsizlik idorangizga aylanadi.
Islom diyori uqri bo’lmish Shom Suriyasidagi ey abror musulmonlar: Alloh Subhanahu bizga hayotimizning barcha ishlarida O’zining hanif shariati bilan hukm yuritishimizni qat’iy buyurdi va bizni hukm so’rab O’zidan boshqaga murojaat qilishimizning yomon oqibatidan ogohlantirdi. Shunday ekan echim so’rab Amerikadek dushmanimizga murojaat qilishning yomon oqibatini aytib o’tirishning hojati yo’q. Alloh Taolo dedi:
«(Ey Muhammad), o’zlarini sizga nozil kilingan narsaga (Qur’onga) va sizdan ilgari nozil qilingan narsalarga iymon keltirgan deb hisoblaydigan (ayrim) kimsalarning shaytonga hukm so’rab borishni istayotganlarini ko’rmadingizmi? Holbuki, ularga unga ishonmaslik buyurilgan edi. (Chunki) shayton ularni butunlay yo’ldan ozdirishni istaydi» [Niso 60]
«Yo’q, Parvardigoringizga qasamki, to ular o’z o’rtalarida chiqqan kelishmovchiliklarda sizni hakam qilmagunlaricha va keyin siz chiqargan hukmdan dillarida hech qanday tanglik topmay, to’la taslim bo’lmagunlaricha-bo’yinsunmagunlaricha zinhor mo’min bo’la olmaydilar» [Niso 65]
Shuning uchun, demak Amerikaga murojaat qilishning o’zi ham haromdir va uning haromligi juda kattadir. Jeneva-2 konferentsiyasiga qo’yilgan nomlar ham Alloh Taolo diniga qattiq dushmanlikni ko’rsatib turibdi. Amerika dod-voy solib «terrorizm va terorchilar»ga qarshi urush deb jar solayotgan va aslida Islomni terorizm deyishni va Xalifalik davlatini tiklash uchun harakat qilayotgan Islomiy loyiha sohiblari bo’lmish musulmonlarni terrorchilar deyishni anglatadigan narsa Amerika Xalifalikni tiklashga bo’lgan da’vat va harakat o’ziga qanchalik xatarli ekanini bilayotganini tushunib etishimizga olib kelishi lozim. Zero Shom Suriyasida Xalifalikka bo’lgan da’vatning zo’r kuch bilan yangrayotganini eshitib Amerikaning tinchi ko’p buzilmoqda. Mana ko’ring, shu da’vatga etakchilik qilayotgan Hizbut Tahrir harakat qilayotgan muxlis kishilarning hammasiga ular Hizbga Alloh Taolo rozi bo’ladigan mana shu buyuk farzni ado etishda yordam berishlari uchun qo’lini uzatmoqda. Alloh Taolo dedi:
«Albatta Alloh O’ziga (ya’ni diniga) yordam beradigan zotlarni g’olib qilur. Shubhasiz Alloh kuchli, qudratlidir. Ularni (ya’ni musulmonlarni) agar Biz er yuziga g’olib qilsak – ular namozni to’kis ado etadilar, zakotni (haqdorlarga) ato etadilar, yaxshilikka buyuradilar, yomonlikdan qaytaradilar. (Barcha) ishlarning oqibati Allohning (izmidadir)» [Haj 40-41]
Hizbut Tahrir 2 muharram 1435h
Suriya viloyati 5 noyabr 2013m
