Homanaiy: Falastin masalasining yechimi demokratiyadir
Eron diniy rahbari Oyatulloh Xomanaiy Falastin masalasining yechimi uchun Eron hukumati tutgan yoʻl demokratik tamoyillarga asoslanishini bildirdi. Xomanaiyga koʻra, Eronning bu taklifi dunyo tomonidan qabul qilingan tamoyillarga muvofiq boʻlib, rasmiy tarzda BMTda qayd qilingandir.
“Falastin masalasini hal qilish boʻyicha bizning yoʻlimiz demokratik tamoyillarga asoslangandir. Bu taklif dunyo qabul qilgan tamoyillariga muvofiq emasmi?! Nega yevropaliklar buni tushinish uchun tayyor emas?” – deya savol tashladi Oyatulloh Xomanaiy.
“(Isroil) Bosh vaziri Binyamin Netanyahuning Yevropa davlatlariga uyushtirgan safariga ishora qilgan Homanaiy uni yongʻonchilikda aybladi.
“Tarixdagi har qanday zolimlardan ham zolimroq boʻlgan bu jinoyatchi (Netanyahu) yevropaliklarga yolgʻon soʻzlab, “Eron bizni va millionlab yahudiylarni yoʻq qilishni istaydi”, dedi. Ammo bizning Falastin muammosiga boʻlgan yechimimiz mantiqiy va demokratik tamoyillarga asoslangandir”, deya taʼkidladi bir guruh akademiklar bilan uchrashgan Oyatulloh Xomanaiy.
(Isroil)ning Gʻazo va Quddusda amalga oshirgan jinoyatlariga nisbatan Yevropaliklarning skut saqlab turishini tanqid qilgan Hamaney “Tarixiy Falastin oʻlkasida hukumat belgilanishi uchun dunyo boʻylab qabul qilingan referendum usulini amalga oshirish kerakligini har doim aytib kelmoqdamiz”, “Kamida 80 yil bu yurtda yashagan musulmonlar, yahudiylar, nasroniylar, hozirda xoh bu yurtda yashayotgan boʻlsin, xoh yashamayotgan boʻlsin, ulardan referendum orqali fikrlarini olish lozim”, deya qoʻshimcha qildi Eronning diniy rahbari.
Eslatib oʻtish joizki, shu paytgacha Eron hukumati (Isroil)ni Falastin aholisiga zulm qilishda ayblab, Falastin muammosiga yechim sifatida (Isroil)ni kartadan oʻchirib tashlash bilan tahdid qilib kelardi.
