Turkmanlar ish izlab Ozarboyjonga borishmoqda
Ozarboyjonga tegishli haqqin.az saytining xabar berishicha, Turkmanistondagi iqtisodiy holatning tubanlashgani bois valyutalar kursi kӯtarilib ketgan. Ishsizlikdan aziyat chekkkan aholining kӯp qismi tirikchilik payida ish izlab Ozarboyjonga borishmoqda. Bakuning dengiz vokzalida qӯshni fuqarolardan iborat mehnat muhojirlari soni tobora kӯpaymoqda.
Axborot angentliklari tarqatgan xabarlarga kӯra, turkmanlar ӯzlari bilan olib kelgan tilla buyumlarni sotib ӯrniga Ozarboyjondan oziq-ovqat mahsuloti sotib olishmoqda.
“Shu kunlarda Xalqaro bojxona boshqarmasi tomonidan Boku dengiz bandargohida katta miqdordagi oltin buyumlarning mamlakatga noqonuniy olib kiritilish holati aniqlandi va bu mol-mulklar musodara qilindi. Tilla bayumlarni mamlakat ichkarisiga Turkmaniston fuqarolari olib kirishga urunishgan. 3 nafar turkman fuqarolaridan 993 gramm vaznda deklaratsiyadan ӯtmagan tilla jihozlar olindi. Tekshiruv ishlari boshlandi”- deya xabar beradi haqqin.az.
Nashrga kӯra, Turkmanistondan Ozarboyjonga ish izlab kelgan ayollar soni ham kundan kunga kӯpaymoqda. Ularning eng kӯp qismi asosan fohishalik bilan shugʻullanishadi. Ozarboyjon Mamlakat migratsiya xizmati qoshidagi umumxalq kengashi rahbari Azer Allaxveranov, turkman fuqarolarining Ozarboyjonga kelishlari tӯgʻrisida fikr bildirib shunday deydi:
“Oxirgi bir necha yil mobaynida turkman muhojirlari tӯlqini bir necha marotabaga kӯpaydi. Bu holatga Turkmanistondagi iqtisodiy vaziyatning nochorligi sabab bӯlmoqda. Turkmanistonliklar bizning mamlakatga oltin buyumlarini olib kelib, sotishadi va qӯlga kiritgan daromadlariga oziq-ovqat mahsuloti va valyuta sotib olishadi. Natijada bizning mamlakatga faqat oddiy ishbilarmonlargina emas, balki kazzoblar ham kelib jamiyatimizga salbiy taʼsir ӯtkazishmoqda”.
Qayd etish joizki, shu kunga qadar Turkmaniston fuqarolari asosan Turkiya va Rossiya davlatlariga ish izlab borardilar, endi qӯshni Ozarboyjon ham turkmanlarning umid maskaniga aylanib bormoqda.
