Chorshanba kuni kechida, qiruvchi-bombardimonchilarning sakkizta eskadriliyasini va 8 ming askarni yuklagan «Duayt D. Eyzenxauer» uchoq tashuvchi kema Suriya qirg’oqlariga etib keldi. Bu narsa Qo’shma shtatlar Suriya hududlariga bostirib kirishga shaylanayotganining belgisi bo’lishi mumkin.
Obama idorasi harbiy bostirib kirishning boshlanishi haqida xozircha rasmiy e’lon qilmadi, biroq, agar Suriya prezidenti Bashar Asad muxolifatga qarshi kimyoviy qurol ishlatishni qaror qilsa, Vashington darhol chora ko’rishlikka tayyor ekanligini AQSh rasmiylari takidlab kelmoqda.
«Duayt D. Eyzenxauer» uchoq tashuvchi kemasidan tashqari Suriya qirg’oqlarida AQSh harbiy flotining «Ivo Dzima» vertolet tashuvchi kemasi ham bor. Unda 2,5 ming dengiz piyoda askari joylashgan. Agar AQSh Suriyaga harbiy aralashuvni qaror qilgudek bo’lsa, bu ish uchun Vashington 10 ming harbiy zobit, 30 ga yaqin har hil turdagi harbiy kema va 70 qiruvchi-bombardimonchi uchoq ajratishni ko’zda tutmoqda. AQSh Suriya qirg’oqlariga harbiy texnika va askarlarini, NATO Turkiyaning Suriya bilan bo’lgan chegarasiga Patriot raketalarini o’rnatishlik haqida qaror qabul qilgandan keyin olib kela boshladi. Bu Turkiyani tahmin qilinayotgan Suriya kimyoviy-raketa hujumidan himoya qilishi kerak. Shuningdek tahminga ko’ra, Suriya 700 ga yaqin raketaga ega.
