Obama: AQSh “Tolibon”ni yoʻq qila olmaydi
AQSh “Tolibon” harakatini yoʻq qilish holatida emas, Afgʻonistondagi xavfsizlik kuchlariga bu mamlakatda tinchlik oʻrnatishga yordam bera olmaydi. Bu haqda 6 dekabrь kuni AQSh prezidenti Barak Obama aytib oʻtdi.
“Afgʻonistondagi vaziyat ogʻirligicha qolmoqda, u yerdagi urush 30 yildan beri davom etmoqda. AQSh urushni tugatish uchun “Tolibon”ni yoʻq qila olmaydi. Ammo biz “Al-Qoida” u yerda jangarilarga boshpana berishiga toʻsqinlik qilishimiz va bu borada afgʻon xavfsizlik kuchlariga yordam berishimiz mumkin”,- dedi Obama Floridada terrorizmga qarshi kurash haqida nutq soʻzlar ekan. Prezidentning chiqishini Oq uy sayti translitsiya qilib turdi.
Obamaning tasdiqlashicha, ayni damda Afgʻonistonda “10 mingga yaqin amerikalik harbiy xizmatchi” bor. Prezidentning maʼlum qilishicha, ular afgʻon xavfsizlik kuchlariga tayanch boʻlmoqda.
