Rossiya Tojikistonning terrorizmga (Islomga) qarshi kurash harakatlarida unga yordam berishga bel bog‘ladi. Rossiya Ichki ishlar vaziri Vladimir Kolokoltsev boshchiligidagi oliy darajali delegatsiya terrorizmga (Islomga) qarshi kurashda hamkorlik qilish maqsadida Tojikiston poytaxti Dushanbega yo‘l oldi. Kolokoltsev Tojikistondagi hokimiyat tabaqaga nisbatan kuchli ta‘sirga ega bo‘lgan shaxslardan biri sifatida ko‘riladi.
Tojikiston Ichki ishlar vazirligi matbuot xizmatining ma‘lum qilishicha, Vladimir Kolokoltsev o‘zining qo‘l ostidagi idoralar va ofislar rahbarlari bilan birgalikda Rossiya va Tojikiston xavfsizlik koordinatsiyasi majlisiga ishtirok etish uchun Dushanbega kelgan.
Rossiya va Tojikiston delegatsiyalari Dushanbedagi hukumat binosida uchrashuvlar olib borishi va bir necha masalalar ustida kelishib olishi ko‘zda tutilgan. Tojikiston delegatsiyasiga davlat ichki ishlar vaziri Ramazon Rahimzoda boshchilik qilmoqda.
Olingan xabarlarga ko‘ra, rus va tojik xavfsizlik koordinatsiyasi yig‘ilishida terrorizmga (Islomga) qarshi kurash, ekstremizm va og‘ir jinoyatlar masalalarini muhokama qilish birinchi o‘ringa qo‘yilgan.
So‘ngi paytlarda Rossiyaning turli sohalarda, ayniqsa, xavfsizlik, razvedka va harbiy sohalarda Markaziy Osiyo respublikalarida o‘z nufuzini oshirishga jiddiy harakatlar olib borayotgani aytilmoqda.
Turkiston:
So‘ngi vaqtlarda Rossiyaning Markaziy Osiyoda aynan terrorizmga qarshi harakat va yurishlari kuchayib borayapti. Lavrovning O‘zbekistonga kelishi, avvalroq Karimovni Moskvaga tashrifi, rus deligatsiyasini Tojikistonga kelishi…..
Nega aynan terrorizmga qarshi? Rossiya va Markaziy Osiyo mamlakatlarida iqtisodiy va siyosiy muammolar to‘lib toshib borayaptiku. Bundan tashqari, G‘arb sistemasi bu davlatlarda o‘zining saqofiy ta‘sirini kuchaytirib borayapti. Bu esa, Rossiyaning bu yurtlardagi, asrlar mobaynida bosib olgan saqofiy mustamlaka ta‘sirini surib chiqarib yuboradi. Rossiya negadir, G‘arbning Markaziy Osiyodagi saqofiy, iqtisodiy va hatto siyosiy sohalarda mustamlaka qilish uslublariga qarshi biror chora tadbir ko‘rish haqida hatto fikrlamay qo‘ydi. E‘tibor bersangiz, uning matbuot mexanizmi faqat Rossiyaga qarshi borayotgan G‘arb matbuot hujumlaridan himoyalanish asosiga qurilib qoldi. Rossiya o‘zining mustamlaka mamlakatlari haqida, ularni o‘z ta‘siri ostida ushlab qolish uchun ularga biror yangi umid paydo qilishi mumkin bo‘lgan loihalar taklif eta olmaydigan holatga tushib qoldi. Shuning uchun u faqat terrorizmni vahima qilib, Tojikiston, Qirg‘iziston singari ba‘zi zaif yurtlarni harbiy tahdidlar bilan qo‘rqitib kelayapti. O‘zbekistonga esa, iqtisodiy manfaatlar taklif qilib, o‘ziga rom qilishga harakat qilayapti. Chunki Karimov O‘zbek xalqini paxta manapoliyasidan ozod qilib, meva sabzavod manapoliyasiga majburlab tiqib yubordi. Rossiya bozorlarisiz, O‘zbek mavalari harob bo‘ladi.
Terrorizm esa, Amerika o‘ylab topgan, lekin hozir Rossiya ko‘tarib olgan bir bayroqdir. Bu bayroq ostida hech qanday vahima yo‘q. Buni barcha mamlakat yetakchilari va siyosatchilari yaxshi bilishadi. Faqat shu yolg‘on chaqiruv va qalbaki bayroq ostiga kirishdan bosh tortishsa, Rossiya yoki G‘arb davlatlari o‘zlari shu bayroq nomidan qo‘poruv amaliyotlari uyushtirishadi. Mana shu vahimaning asl haqiqati. Butun dunyo mamlakatlarini faqat shu iflos kuchlar, olamiy kufr sistemasi bilan qo‘rquvda ushlab kelishadi.
AQSh yoki G‘arb olami uchun Rossiya deyarli vahima tug‘dirishi mumkin bo‘lgan jiddiy raqib bo‘lmay qoldi. Ular xuddi Afg‘oniston infrastrukturasini roslash ishlarida O‘zbekistondan foydalanishgani kabi, Markaziy Osiyo mamlakatlarida Rossiyadan foydalanishmoqchi. Chunki bu mintaqa Rossiya va Xitoy bilan aloqa qilishga majbur bo‘lgan giografik hududda joylashgan. Rossiya esa, hozirgi holatida, ushbu mamlakatlarga investitsiya olib kira olmaydi. U faqat bular uchun o‘z bozorlarini ochib bera olishi mumkin xolos. Rossiya keng bozorga aylanib borayapti. Hatto O‘zbekiston unga, o‘z tovarlarini eksport qilib olishda keng iste‘molchi sifatida qarayapti.
AQSh Rossiyadan Suriyada harbiy bosqinchi sifatida foydalanib kelayotganidek, Markaziy Osiyoda ham manfaatli sohalarda o‘ziga hamkor qilmoqchi bo‘layapti. Faqat haddidan oshib ketmasa, AQSh bularning hamkorliklariga kuchli qarshilik ko‘rsatmaydi. Bu ish xuddi, Ruslar Asadni himoya qilib berishlari bilan, Amerikaning manfaatiga itdek ish qilib berganiga o‘xshaydi. O‘shanda ham “IShID” vahimasi ko‘tarilgan edi.
Rossiya esa, jarayonlarda qandaydir o‘zini ishtirok etayotgandek ko‘rsatib turishga harakat qilayapti. Aslida uning ichki siyosati juda xavfli ahvolda qoldi. Rossiya yaqin kelajakda oyoqqa turib olishi qiyin. Putin Rossiyaning tashqi siyosatini AQShni rozi qiladigan, hech bo‘lmaganda g‘azablantirmaydigan darajada olib borishga majbur.
