Matbuot bayonoti
Pokistondagi siyosiy va harbiy rahbariyat Tramp va uning mustamlakachilik dunyo tartibiga sodiqligini ochiq bildirdi
2025 yil 4 mart kuni AQSH prezidenti Tramp kongressning qo‘shma majlisida qilgan nutqida «men sizga shuni ma’lum qilayotganimdan mamnunmanki, biz katta zo‘ravonlikka javobgar bo‘lgan katta terroristni qo‘lga olishga muvaffaq bo‘ldik, u hozir Amerikaning adolat qilichiga duchor bo‘lishi uchun yo‘lda kelyapti», dedi, so‘ng Pokistonga yordami uchun minnatdorchilik bildirdi. Atigi bir soatdan so‘ng Pokiston bosh vaziri o‘zining tvitterida bunday yozdi: «Biz Pokistonning mintaqada terrorizmga qarshi kurashdagi rolini e’tirof etgani uchun prezident Trampga tashakkur aytamiz, men buni olqishlayman… Biz mintaqada tinchlik va barqarorlik yo‘lida Amerika bilan hamkorligimizni davom ettiramiz».
Pokiston rahbariyatining iblisdan eshitgan maqtovlaridan xursand bo‘layotganligi uning yovuz rahbariyat ekanini va mustamlakachi Amerikaga qullik qilayotganini ko‘rsatib turibdi. Pokiston hukmdorlari Tramp va uning dunyo tartibiga sodiq ekanliklarini ochiq bildirar ekanlar, bu bilan o‘zlarining eski xiyonatlari va iflos o‘yinlarini davom ettirish niyatidalar. Ular bu yo‘lda mustamlakachilik manfaatlarini va o‘zlarining oyoqlari likillab qolgan kursilarini himoya qilish uchun qurolli kuchlarimizdan yollanma askar sifatida foydalanishadi.
AQSH rahbari Tramp ma’muriyatining musulmon o‘lkalariga nisbatan tashqi siyosati avvalgi ma’muriyatlar kabi uch qismdan iborat:
Mustamlakachilik orqali talon-toroj qilish;
Yahudiy vujudini saqlab turish;
Islomga qarshi kurashish.
Shuning uchun Tramp bu siyosatni o‘zining baland ovozdagi tahdidlari bilan kuchaytirmoqda. Ammo buning muqobilida o‘z malaylarini mukofotlagisi yoki ularni ko‘nglini olgisi yo‘q. Aksincha, istagini bajarishlari uchun ularga bosim qilyapti. Tramp yaqinda Falastin ma’muriyatiga yordam berishni to‘xtatib, Iordaniya va Misrga G‘azo muammosini hal etishlari uchun bosim qildi. Boshqa islomiy o‘lkalardan ham g‘azoliklarni ko‘chirish xarajatlarini ko‘tarishlarini va G‘azoga sarmoya yotqizishlarini talab qildi. Saudiyadan esa o‘zining tashrifi evaziga AQSHga bir trillion dollar sarmoya kiritishni talab qilgan edi!
Bizning qurolli kuchlarimizdan Vashington Fir’avnini rozi qilishda foydalanish, shubhasiz, tavhid kalimasini tillaridan tushirmay, Robbul olaminga sajda qilayotgan harbiy zobitlarimizga nisbatan haqoratdir. Bu rahbariyat qurolli kuchlarimiz va Pokiston xalqi uchun xorlik, taslim bo‘lish va mag‘lubiyat manbaidir. U bizga yetakchilik qilishga noloyiq. Uni ag‘darib, roshid Xalifalikni barpo etish vaqti keldi.
Ey Pokiston qurolli kuchlari!
Tramp ma’muriyatining hozirgi harakatlari uning musulmon o‘lkalarida kuchli ekanini anglatmaydi, aksincha zaifligiga dalolat qiladi. Trampning bu harakatlari Eronning nufuzini kuchaytirish va mintaqadagi hukmronligini mustahkamlash uchun mazhabparastlikni kuchaytirishga oid o‘tmishdagi strategiyalarining barbod bo‘lganini ko‘rsatib turibdi. Amerika endi o‘zining zaif yahudiy vujudiga ko‘proq tayanmoqda. Biroq bu vujud hatto xolis musulmon zobitlardan tashkil topgan kichik bir harbiy qismga qarshilik ko‘rsatishga ham ojizdir. Amerika ichkaridan yorilib borar ekan, Tramp siyosati tufayli uning global tartibi buzilmoqda.
Hozirda Islom Ummatining Amerika mustamlakachiligidan xalos bo‘lishi va Payg‘ambarlik minhoji asosidagi Xalifalikni barpo etish orqali global kuchga aylanishi uchun oltin fursat yuzaga keldi. Bularning barchasi siz qurolli kuchlarning tutajak pozitsiyangizga bog‘liq. Bas, shunday ekan, ushbu muborak ramazon oyida Alloh Subhanahu va Taoloning rizosi uchun Pokiston rahbariyatini tubdan ag‘darib tashlang va Xalifalik davlatini barpo etishi uchun Hizb ut-Tahrirga nusrat bering. Xalifalik davlatigina Tramp, Starmer, Makron, Putin va Si Szinpin rejalariga munosib javob qaytaradi. Keling, Xalifalikni barpo eting, uning barpo bo‘lishi tasavvur qilganingizdan ham yaqindir. Alloh Taolo aytadi:
﴿إِنَّهُمۡ يَرَوۡنَهُۥ بَعِيدٗا + وَنَرَىٰهُ قَرِيبٗا﴾
«U Kunni ular uzoq deb bilurlar, biz esa uning yaqinligini bilurmiz» [Maorij 7]
Hizb ut-Tahrirning Pokistondagi
matbuot bo‘limi
