بِسْمِ اللهِ الرَّحْمٰنِ الرَّحِيمِ
Hadisi Sharif bilan
Rasulullohning mushrik va munofiqlardan ko‘rgan ozorlari
Aziz muxlislar, “Hadisi Sharif bilan” nomli ruknimizning yangi sonini samimiy salomlar bilan boshlaymiz. Sizlarga Alloh Taoloning salomi, rahmati va barakoti bo‘lsin.
Imom an-Navaviy «Sahihi Muslim»ga yozgan sharhining “Rasululloh sollallohu alayhi vasallamning mushrik va munofiqlardan ko‘rgan ozorlari” bo‘limida shunday deydi:
حدثنا محمد بن المثنى ومحمد بن بشار واللفظ لابن المثنى قالا: حدثنا محمد بن جعفر حدثنا شعبة قال: سمعت أبا إسحق يحدث عن عمرو بن ميمون عن عبد الله قال: بينما رسول الله صلى الله عليه وسلم ساجد وحوله ناس من قريش، إذ جاء عقبة بن أبي معيط بسلا جزور، فقذفه على ظهر رسول الله صلى الله عليه وسلم، فلم يرفع رأسه، فجاءت فاطمة فأخذته عن ظهره ودعت على من صنع ذلك فقال: اللهم عليك الملأ من قريش، أبا جهل بن هشام، وعتبة بن ربيعة، وعقبة بن أبي معيط، وشيبة بن ربيعة، وأمية بن خلف أو أبي بن خلف شعبة الشاك، قال: فلقد رأيتهم قتلوا يوم بدر فألقوا في بئر غير أن أمية أو أبيا تقطعت أوصاله فلم يلق في البئر
Muhammad ibn al-Musanna Abdullohdan shunday rivoyat qiladi: Rasululloh sollallohu alayhi vasallam sajda holatida edilar. U kishining atrofida Qurayshdan bir necha kishi bor edi. Shu payt Uqba ibn Abu Muayt tuyaning ichaklarini olib kelib, Rasululloh sollallohu alayhi vasallamning ustilariga tashladi. U zot sollallohu alayhi vasallam boshlarini ko‘tarmadilar. So‘ng Fotima roziyallohu anha kelib, uni Rasululloh sollallohu alayhi vasallamning ustidan olib tashlab, bu ishni qilgan kishini la’natladi. Payg‘ambarimiz sollallohu alayhi vasallam Namozlarini tugatib, shunday duo qildilar: “Allohim, Quraysh zodagonlari Abu Jahl ibn Hishom, Utba ibn Robiya, Uqba ibn Abu Muayyt, Shayba ibn Robiya va Umayya ibn Xalaf yoki Ubay ibn Xalaf Shu’ba ash-Shakni senga topshirdim”. Roviy aytadi: “Men ularni Badr kuni o‘ldirilib, quduqqa tashlaganliklarini ko‘rdim, lekin Umayya yoki Ubayning tanasi bo‘laklarga parchalanib ketgani uchun quduqqa tashlanmadi”.
Aziz birodarlar:
Alloh taolo aytadi:
لَتُبْلَوُنَّ فِي أَمْوَالِكُمْ وَأَنفُسِكُمْ وَلَتَسْمَعُنَّ مِنَ الَّذِينَ أُوتُواْ الْكِتَاب مِن قَبْلِكُمْ وَمِنَ الَّذِينَ أَشْرَكُواْ أَذًى كَثِيرًا وَإِن تَصْبِرُواْ وَتَتَّقُواْ فَإِنَّ ذَلِكَ مِنْ عَزْمِ الأُمُورِ
“Albatta molu jonlaringizda imtihon qilinursizlar (ya’ni Tangri taolo mol va jonlaringizga xilma-xil ofatu balolar yuborib, sizlarning iymoningizni tekshirib ko‘rar), va albatta sizlardan ilgari Kitob berilgan kimsalar tomonidan va mushriklar tomonidan ko‘p aziyat-malomatlar eshitajaksizlar. Agar (ozorlariga) sabr-toqat qilsangizlar va Allohdan qo‘rqsangizlar (najot topursiz). Chunki bu ish (ya’ni sabr-toqatli bo‘lib, Allohdan qo‘rqish) ishlarning maqsadga muvofig‘idir”. (Oli Imron: 186).
Bu Allohning tabiat va koinotdagi qonuniyatidir. Inson joni va moli bilan imtihon qilinishi, ozorlar va musibatlarga duchor bo‘lishi va chidab bo‘lmaydigan so‘zlarni eshitishi – bu sinov qonunidir. Shuning uchun ham mumin kishi Robbisiga iltijo qilib, sabr qiladi. Maqsadga faqat qiyinchilik, azob-uqubat va zarar ko‘prigidan o‘tish orqali erishish mumkin. Allohning mahbubi, sarvari koinot va elchilarning sardori bo‘lgan Payg‘ambarimiz sollallohu alayhi vasallamning ahvoli shunday bo‘lsa, biz haqimizda nima deyish mumkin?
Shunday ekan: bizning ham sinovlar va qiyinchiliklarga duch kelishimiz Allohning qonuniyatidir.
Ey musulmonlar, har qanday qiyinchilik bo‘lsa ham biz sabr qilishimiz lozim. Lekin sabr qilish qanday bo‘ladi? Albatta, buysunib, botilni qabul qilish sabr emas. Aksincha, sabr – bu to‘g‘ri yo‘lda va haqiqat ustida sobit turish hamda bu og‘riqli botil voqelikni o‘zgartirish yo‘lida qiyinchiliklarga chidashdir, tag-tomiri bilan o‘zgartirishga urinish natijasida yuzaga kelgan musibatlarga sabr qilishdir. Bugungi kunda Ummat boshidan kechirayotgan eng katta musibatlardan biri – Ummat ustida bu Ummatdan bo‘lmagan va Ummat ham ulardan bo‘lmagan rahbarlarning o‘tirishidir. Ular Alloh nozil qilgan narsa bilan hukm qilishmaydi. Bu Ummatning ochiqdan-ochiq kufr konstitutsiyalari bilan boshqarilishi eng katta balolardan biridir. Zolimning qo‘lidan ushlab, uni haq yo‘liga yurishga majburlash eng katta muammolardan biridir. Tunis, Misr, Suriya va boshqa Islomiy o‘lkalarda Ummat bu ulug‘ burchni ado etganda, qon daryo bo‘lib oqdi. Bu jinoyat yukini jinoyatchi hukmdorlar o‘z zimmalariga olishdi. Zulm va zo‘ravonlik davrining hukmdorlari birin ketin cho‘kib bormoqda. Bu ishning oxiri tez orada Payg‘ambar Minhoji asosidagi xalifalikka olib keladi. InshaAlloh, Yer yuzi yana bir bor Allohning nuri va Qur’oni Karim bilan munavvar bo‘ladi.
Aziz birodarlar, navbatdagi «Hadisi Sharif bilan» nomli ruknimizgacha Alloh Taoloning panohida bo‘ling. Sizlarga Alloh Taoloning salomi, rahmati va barakoti bo‘lsin.
16 Rajab, 1446h yil.
16 yanvar, 2025m yil.
