بِسْمِ اللهِ الرَّحْمٰنِ الرَّحِيمِ
Hadisi Sharif bilan
Xoliqqa osiy bo‘ladigan ishlarda maxluqqa itoat qilish yo‘qdir
Aziz muxlislar, “Hadisi Sharif bilan” nomli ruknimizning yangi sonini samimiy salomlar bilan boshlaymiz. Sizlarga Alloh Taoloning salomi, rahmati va barakoti bo‘lsin.
Imom Ibn Moja o‘zining “Sunan”ida aytadilar:
عن أبي سعيد الخدري: أن رسول الله صلى الله عليه وسلم بعث علقمة بن مجزِّز على بعث وأنا فيهم، فلما انتهى إلى رأس غزاته أو كان ببعض الطريق، استأذنته طائفة من الجيش، فأذن لهم وأمَّر عليهم عبد الله بن حذافة بن قيس السهمي، فكنت فيمن غزا معه فلما كان ببعض الطريق أوقد القوم نارا ليصطلوا أو ليصنعوا عليها صنيعا، فقال عبد الله وكانت فيه دعابة: أليس لي عليكم السمع والطاعة؟ قالوا: بلى، قال: فما أنا بآمركم بشيء إلا صنعتموه؟ قالوا: نعم. قال: فإني أعزم عليكم إلا تواثبتم في هذه النار، فقام ناس فتحجزوا فلما ظن أنهم واثبون قال: أمسكوا على أنفسكم فإنما كنت أمزح معكم، فلما قدمنا ذكروا ذلك للنبي صلى الله عليه وسلم، فقال رسول الله صلى الله عليه وسلم: “من أمركم منهم بمعصية الله فلا تطيعوه“.
Abu Said al-Xudriy rivoyat qiladi: Rasululloh sollallohu alayhi vasallam Alkama ibn Mujazziz boshchiligida bir guruhni g‘azotga jo‘natdilar. Men ham ularning orasida edim. G‘azot yerining boshiga yoki yarim yo‘lga yetganda bir guruh askar undan ruxsat so‘radi. Mujaziz ularga ruxsat berib, Abdulloh ibn Huzafa ibn Qays As-Sahmiyni ularga amir qilib tayinladi. Yurishni davom ettirganlar qatorida men ham bor edim. Yo‘lda askarlar isinish va biror narsa qilish uchun olov yoqishdi. Abdulloh (u hazilkash edi): “Sizlar menga quloq solib, itoat qilishing kerak emasmi?”, dedi. Ular: ha albatta, deyishdi. U: “Men sizlarni nimaga buyursam qilasizmi?” dedi. Ular: Ha, deyishdi. U: «Men sizlarni shu olovga sakrashingizni qaror qildim», dedi. Odamlar o‘rnidan turib, tayyorlanishdi. Abdulloh ularning rostdan ham olovga sakramoqchi ekanligini bilgach: “To‘xtanglar, men sizlar bilan hazillashdim”, dedi. (G‘azotdan) qaytganimizda, ular Rasululloh sollallohu alayhi vasallamga bo‘lgan voqeani aytib berishdi. Shunda Rasululloh sollallohu alayhi vasallam: “Agar ulardan (rahbarlardan) birortasi sizni Allohga osiy bo‘lishga buyursa, unga itoat qilmang”, dedilar.
Aziz birodarlar!
Bu voqea Payg‘ambarimiz sollallohu alayhi vasallamning: “لا طاعة لمخلوق في معصية الخالق” “Xoliqqa osiy bo‘ladigan ishlarda maxluqqa itoat qilish yo‘qdir”, degan hadislarini tasdiqlab turibdi. Biz bugungi kunda bu hadisga qanchalik muhtoj ekanligimizni aytmasa ham bo‘laveradi! Ayniqsa, hukmdorlarning yuzlari ochilib qolgan hozirgi davrda bu hadisni o‘zimizga tatbiq etish ehtiyoji yanada ortdi. Hozirda musulmonlar ustida turgan hech bir hukmdorga itoat qilish yo‘qdir. Shuningdek, Allohning amr va taqiqlariga zid gapirayotgan olimlarga ham itoat qilish yo‘q. Ammo qaysi hokimning so‘zi Alloh Taoloning va Rasululloh sollallohu alayhi vasallamning so‘zlariga mos kelsa, hatto u habash qul bo‘lsa ham, albatta unga itoat qilinadi.
Aziz birodarlar, navbatdagi «Hadisi Sharif bilan» nomli ruknimizgacha Alloh Taoloning panohida bo‘ling. Sizlarga Alloh Taoloning salomi, rahmati va barakoti bo‘lsin.
9 Jummadul Uvla, 1446h yil.
11 Noyabr, 2024m yil.
