بِسْمِ اللهِ الرَّحْمٰنِ الرَّحِيمِ
Hadisi Sharif bilan
O‘g‘rining qo‘lini kesish haqida
Aziz muxlislar, “Hadisi Sharif bilan” nomli ruknimizning yangi sonini samimiy salomlar bilan boshlaymiz. Sizlarga Alloh Taoloning salomi, rahmati va barakoti bo‘lsin.
Imom an-Navaviy «Sahihi Muslim»ga yozgan sharhida “O‘g‘ri va boshqa jinoyatchilarni jazolashda o‘rtaga tushishning haromligi” bobida shunday deydi:
حدثني إسماعيل بن سالم أخبرنا هشيم أخبرنا خالد عن أبي قلابة عن أبي الأشعث الصنعاني عن عبادة بن الصامت قال: أخذ علينا رسول الله صلى الله عليه وسلم كما أخذ على النساء، أن لا نشرك بالله شيئا ولا نسرق ولا نزني ولا نقتل أولادنا ولا يَعْضَهُ بعضُنا بعضاً، فمن وفّى منكم فأجره على الله ومن أتى منكم حدا فأقيم عليه، فهو كفارته ومن ستره الله عليه فأمره إلى الله، إن شاء عذبه وإن شاء غفر له.
Menga Ismoil ibn Solim Uboda ibn Somit roziyallohu anhudan rivoyat qildi: «Rasululloh sollallohu alayhi vasallam ayollardan bay’at olganlari kabi bizdan ham bay’at oldilar. Allohga shirk keltirmaslikka, o‘g‘irlik qilmaslikka, zino qilmaslikka, farzandlarimizni o‘ldirmaslikka, bir-birimizga tuhmat qilmaslikka bay’at berdik. U zot shunday dedilar: “Sizlardan kim o‘z bay’atiga vafo qilsa, uning ajri Allohning zimmasidadir. Kim bu amallardan birini qilsa va buning uchun dunyoda jazolansa, bu uning uchun kaforat bo‘ladi. Alloh kimning (gunoh)ini yashirsa, uning amali Allohga havoladir. Xohlasa uni azoblaydi, Xohlasa kechiradi”.
Aziz birodarlar!
Bular bir qancha shariat qonunlarining buzilishiga oid hukmlar bo‘lib, Rasululloh sollallohu alayhi vasallam bunday holatga tushib qolish oqibatlaridan ogohlantirganlar. Biroq, bugungi kunda musulmonlar shariat qonunlarini osonlikcha buzadigan bo‘lib qolishdi. Hatto, ularni tekshirib turadigan nazoratning yo‘qligi sababli, bu qonunbuzarliklar ular hayotining bir qismiga aylanib ulgurdi. Bunday odamlarni qonun buzarlikdan kim qaytaradi? Ularni jazolaydigan qonunlarni kim tatbiq qiladi? Islomni o‘ziga niqob qilib olgan Saudiya Arabistoni tatbiq qiladi deya olasizmi? Yoki ta’riflarga til ojiz qirg‘inlarni amalga oshirgan Basharning yonida turgan Eron tatbiq qiladi deya olasizmi? Yoki yahudiylarga hujum qilaman, yo‘q qilaman, deb og‘zini to‘ldirib bong urib kelayotgan Turkiya Erdo‘g‘oni tatbiq qiladimi? Erdog‘an jinoyatchi yahudiy vujudi bilan shartnoma tuzib, u bilan kelishgan holda ish olib borayotganiga nima deysiz? Yoki Sudan janubini ajratib olgan Bashiriy bu jazo qonunlarini tatbiq qiladimi? Ushbu qonunbuzarlarga kim Allohning hadlarini tatbiq qiladi? Saudiya Arabistoni, Turkiya, Sudan, Eron yoki boshqa musulmon o‘lkalarda Islom tatbiq qilinmoqdami? Demakki hozirda musulmonlarning ahvoli juda achinarli. Chunki ular buzuq va jirkanch ishlarni qilmoqdalar. Ularni bu yomon ishlardan tiyib qo‘yadigan hech qanday kuch topilmayapti. Ba’zi davlatlar ularni turli jazolar qo‘llash orqali to‘xtatishni da’vo qilishadi. Alloh Taolo ularning hukmlaridan pokdir. Bizga Allohning o‘zi yetarli va U zot eng yaxshi ishonchli vakildir.
Aziz birodarlar, navbatdagi «Hadisi Sharif bilan» nomli ruknimizgacha Alloh Taoloning panohida bo‘ling. Sizlarga Alloh Taoloning salomi, rahmati va barakoti bo‘lsin.
30 Robius Sani, 1446h yil.
02 Noyabr, 2024m yil.
