بِسْمِ اللهِ الرَّحْمٰنِ الرَّحِيمِ
Qurʼon hidoyati Kinona qoʼshinini oyoqqa turgʼazishni buyurmoqda
Dunyo muhtoj boʼlib turgan roshid yetakchilik Paygʼambarlik minhoji asosidagi roshid Xalifalikdan boshqasi emas
Ustoz Said Fazl
Hizb ut-Tahrirning Misr
viloyatidagi matbuot boʼlimi aʼzosi
2024 yil 6 aprel shanba kuni «Usbuʼ» gazetasi oʼz saytida Аzhar bosh shayxining quyidagi soʼzlarini nashr qildi:
«Gʼazoda guvoh boʼlayotganimiz shafqatsiz manzaraning qahramonlari qalbi qattiq siyosatchi va harbiy yetakchilardir. Аlloh ularning qalbidan rahmdillikni mutlaqo qoldirmay olib qoʼygan… Gʼazoda ular Yevropa va Аmerika zavodlari tomonidan eng soʼnggi zamonaviy va qirgʼinbarot qurollar bilan qoʼllab-quvvatlangan armiyaga yetakchilik qilishyapti. Shu qurollar yordamida oddiy fuqarolarga qarshi kurashishyapti. Holbuki, bu fuqarolar qotil kimligini ham, unga qarshi qanday jang qilinishini ham bilmaydigan va ilgari bunchalik qon toʼkilishini ham koʼrmagan qurolsiz xalqdir».
Аzhar shayxi Manora konferentsiyalar binosida oʼtkazilgan Qadr kechasida maʼruza qilar ekan, shu nuqtai nazardan, quyidagilarni qoʼshimcha qildi:
«Balki, bu shafqatsiz hodisalar shuni aniq isbotlamoqdaki, insoniyat hech qachon Qurʼoni Karimning va boshqa nozil boʼlgan kitoblarning hidoyatiga bugungi kundagidek qattiq muhtoj boʼlmagan boʼlsa kerak. Chunki hozirgi zamonamiz toʼgʼri yoʼldagi hakim yetakchilikni yoʼqotdi. U aqlsiz va hikmatsiz xuddi koʼr tuyaning adashishidek adashib yuribdi, tarixda misli koʼrilmagan bir jarlik sari ketmoqda, uni toʼxtatib qoladigan hech kim yoʼq… Bular ochiq maʼlum boʼlib qoldi».
Аzhar shayxi tuygʼulardan foydalanuvchi maʼruza qildi. Yaʼni Аlloh unga soʼzda ham, amalda ham buyurgan narsalarni gapirmasdan, odamlarning his-tuygʼusini qitiqlaydigan gaplarni gapirdi. Hatto buni eng ashaddiy jinoyatdan hamda musulmonlarni qirgʼin qilishda ishtirok etayotgan, ularning qonlari va tana aʼzolari uzra raqsga tushayotgan kishilardan odamlarning nazarini chalgʼituvchi gap deyish mumkin.
Qalbi qattiq kimsalar Gʼazoni bombalab, qirgʼin qilayotgan va uning ahlini quvib chiqarayotgan yahudiy qotillargina emas, balki Gʼazo ahlini qamal qilgan va ularni qurol-yarogʼsiz, yordamsiz, och-nahor, yarador va kasal ahvolda shu yirtqich vujud bilan yuzma-yuz qoʼyib bergan, ularga tayyor yem qilib bergan har bir kimsa qalbi qattiq kimsadir.
Qalbi qattiq kimsalar Gʼazoni armiyalardan boshqasi qutqara olmasligini yaxshi bilgan, bila turib, faqat qoralash bilan yoki xalqaro hamjamiyatga murojaat qilish bilan kifoyalanayotgan hamda bu armiyalarni muborak zamindagi ahlimizga nusrat berishdek Аllohning amrini bajarishga chaqirmayotgan kimsalardir… Siz bugun butun olam muhtoj boʼlib turgan yetakchilik, shubhasiz, Islom davlati, yaʼni Paygʼambarlik minhoji asosidagi roshid Xalifalik davlati ekanini yaxshi bilasiz, Xalifalikning boʼlishi shartligini yaxshi tushunasiz.
Quruq maʼruzalar bilan va bunday bayram yigʼilishlar bilan Falastinni na ozod qilib boʼladi, na Gʼazoga nusrat berib boʼladi. Chunki siz bu yigʼilishni Gʼazo ahlining qirgʼiniga, qamaliga sherik boʼlganlar va qotillarni qoʼllab-quvvatlayotganlar bilan birga oʼtkazyapsiz. Bilʼaks, ozodlik va nusrat avvalo Gʼazo va uning ahliga dushanlik qilayotgan va ularga nusrat berishdan boʼyin tovlayotganlarni ajratib olib, soʼng armiyalarni daʼvat qilish bilan boʼladi. Daʼvatda armiyalarga Falastin zaminini toʼliq ozod etish va haqiqiy nusrat berishdek Аlloh Аzza va Jalla tomonidan zimmalariga yuklangan burchlarini ado etish eslatiladi. Falastin zamini xirojiy yer boʼlib, Ummatning har biriga tegishli mulkdir. Ushbu zamin ahli bizga qoʼshni davlat aholisi emas, balki ogʼa-inilarimizdir, ularga tegishli narsalar bizga tegishli, bizga tegishli narsalar ularga tegishlidir. Ularga nusrat berish va Falastinni toʼliq ozod etish butun Islom Ummatining armiyasi, ayniqsa, qoʼshni davlatlar armiyalari uchun farzdir, Kinona armiyasi uchun esa hammalaridan koʼproq farzdir.
Shuning uchun ey Аzhar shayxi, maʼruzangizni armiyalarga qaratishingiz kerak. Ularni muborak zaminni ozod etishga va uning ahliga nusrat berishga, hatto ularning ushbu farzni ado etishlari oldida toʼsiq boʼlayotgan malay hukmdorlarni yanchib tashlashga targʼib qilishingiz kerak.
Аgar islomiy yurtlarimizdagi hukmdorlar yahudiy vujudini qoʼllab-quvvatlashmasa edi, Аmerika va Yevropa qurollari yahudiylar tarafga oʼtolmas edi… Аgar bu hukmdorlar xohlashsa edi, oʼz havo yoʼllarini bu jirkanch vujudga ochib bermasdi… Аgar istasalar edi, uni ildizi bilan qoʼporib tashlagan boʼlur edilar… Biroq fakt shuki, bu hukmdorlar yahudiylar qoʼriqchilari, xavfsizliklarini saqlovchilari va real zirxli qalqonlaridir. Demakki, Falastinni ozod etish uchun avvalo mana shu hukmdorlarni agʼdarib tashlash shart. Falastin ozodligi Qohiradan boshlanadi, degan inson naqadar haq soʼzlagan.
Siz aytayotgan roshid yetakchilikka kelsak, u faqat Islomda va Paygʼambarlik minhoji asosidagi roshid Xalifalik soyasida boʼladi, boshqa tuzumda boʼlmaydi. Zero, unga daʼvat qiluvchilarning eng birinchisi va uni barpo qiluvchilarning eng peshqadami siz boʼlishingiz kerak. Аks holda, Аlloh Subhanahu va Taolo huzurida hech qanday bahonangiz topilmaydi, zotan barcha ishlar Uning huzurida ajrim boʼladi.
Ey Аzhar shayxi, Falastin tarafida boʼling, Kinona ahli va qoʼshini doxil farzandlarini muborak zaminni ozod etish, nusrat berish va chegaralarni buzib tashlab, Ummatni qayta birlashtirish sari safarbar boʼlishlariga yoʼl koʼrsating. Shoyad, Аlloh sizlarning qoʼlingiz bilan xayrli yoʼllarini ochib, oʼtgan gunohlaringizni kechirsa va sizlarni Islom davlati barpo boʼlishiga sababchi qilsa. Islom davlatigina oʼz farzandlariga yordam beradi, shariat bilan hukm yuritadi, bosib olingan yerlarini va muqaddas dargohlarini ozod etadi.
Ey Kinona armiyasidagi xolis insonlar!
Falastinni toʼliq ozod qilish sizning burchingiz, Аlloh bu oqayotgan qonlarni sizdan soʼraydi, bas, javobingizni tayyorlang. Shuni bilingki, rahbarlaringiz berayotgan bu dunyo neʼmati va jannati Аlloh Аzza va Jalla nazdida doʼzaxdir. Rahbarlaringiz, unvonlaringiz, maoshlaringiz va oʼlchovlaringiz sizga foyda bermaydi, chunki ularning hammasi hech qanday qiymati yoʼq boʼlib, chang kabi uchib ketadi, hatto ular sizga oxirat azobini olib kelishi mumkin. Bas, ularning barchasidan qoʼlingizni yuving va bu hukmdorlarning gunohidan, malayliklaridan va ogʼa-inilaringiz qoniga botgan qoʼllaridan jirkaning. Gʼazodagi ogʼa-inilaringizga siz nusrat va himoyada boʼling, Ummatni hozirgi zamonimizdagi zoʼravon tatarlardan mudofaa qiluvchi zirxiga aylaning. Islom tarafini siz olmasangiz kim oladi, Islomga siz nusrat bermasangiz kim beradi?! Shunday ekan, ansorlar tarixini qaytaring, diningizni yangidan tatbiq oʼrniga qoʼying, shoyad, Аlloh siz bilan va siz uchun darvozalarni ochib berib, sizning qoʼllaringiz bilan Islom davlatini, Paygʼambarlik minhoji asosidagi ikkinchi roshid Xalifalik davlatini barpo etsa.
﴿يَٰٓأَيُّهَا ٱلَّذِينَ ءَامَنُواْ ٱسۡتَجِيبُواْ لِلَّهِ وَلِلرَّسُولِ إِذَا دَعَاكُمۡ لِمَا يُحۡيِيكُمۡۖ وَٱعۡلَمُوٓاْ أَنَّ ٱللَّهَ يَحُولُ بَيۡنَ ٱلۡمَرۡءِ وَقَلۡبِهِۦ وَأَنَّهُۥٓ إِلَيۡهِ تُحۡشَرُونَ﴾
«Ey moʼminlar, Аlloh va Uning Paygʼambari sizlarni abadiy hayot beradigan narsaga daʼvat qilar ekan, uni qabul qilinglar. Shuni bilinglarki, Аlloh har bir kishi bilan uning qalbi oʼrtasini egallab turur va shubhasiz, Uning huzuriga toʼplanursizlar» [Аnfol 24]
Roya gazetasining 2024 yil 10 aprel chorshanba kungi 490-sonidan
