بِسْمِ اللهِ الرَّحْمٰنِ الرَّحِيمِ
Butun Suriya shimolida o‘tkazilgan namoyishlarda tog‘ut bilan munosabatlarni normallashtirish hamda Tahriri Shom hay’atining qilmishlari rad etildi
Juma kuni Suriya shimolidagi ko‘plab shahar va rayonlarda namoyishlar o‘tkazilib, ularda arab davlatlari boshlagan normallashish harakatlari hamda Tahriri Shom razvedkasi sodir etayotgan jinoyatlar qoralandi. Arab davlatlari va Turkiyaning Asad rejimi bilan munosabatlarni normallashtirishlariga qarshi uyushtirilgan ushbu juma namozidan keyingi namoyishlarda yuzlab kishilar qatnashdi. Namoyishlar Dayruz Zur shahridan tashqari, Halab shimolidagi E’zoz, Afrin, Axtarin, More va Halab sharqidagi Bob shaharlarida bo‘lib o‘tdi.
Xuddi shunday namoyishlar kecha juma kuni Halab va Idlib qishloqlarida ham bo‘lib o‘tdi. «Labbay ey opa-singillarimiz!», deb nomlangan ushbu namoyishlar qonxo‘r rejim bilan normallashishga hamda Tahriri Shom razvedkasining repressiv amaliyotlariga qarshi – xususan, uning xonadonlarga bostirib kirishni, ayollar va bolalarni qo‘rqitishni o‘z ichiga olgan ommaviy qamog‘ga olish kampaniyasi ortidan – bo‘lib o‘tdi.
Namoyishlar juma namozidan keyin Killi shaharlarida, Idlibdagi Atma qochqinlar lagerida, Halabdagi Sahara, Babakka va Suran shaharlarida ham bo‘lib o‘tdi. Shuningdek, Halab va Idlibdagi Babakka, Atma, Kafara va Atoribda tungi namoyishlar o‘tkazildi.
Roya gazetasining 2023 yil 24 may chorshanba kungi 444-sonidan
