Hizb ut-Tahrir a’zolari G‘azo sektoridagi Nusayrot qochqinlar lagerida «Bolalar huquqini himoya qilish» qonunining xavf-xatarlaridan ogohlantiruvchi tadbir o‘tkazdi

بِسْمِ اللهِ الرَّحْمٰنِ الرَّحِيمِ

Hizb ut-Tahrir a’zolari G‘azo sektoridagi Nusayrot qochqinlar lagerida «Bolalar huquqini himoya qilish» qonunining xavf-xatarlaridan ogohlantiruvchi tadbir o‘tkazdi

Hizb ut-Tahrir a’zolari G‘azo sektori markazidagi Nusayrot qochqinlar lagerida mafkuraviy tadbir uyushtirib, unda bir qancha yoshlar guruhlari bilan uchrashuv o‘tkazdilar. Ushbu tadbir odamlar bilan munosabatda bo‘lish bo‘yicha hamda «Bolalar huquqini himoya qilish» qonunining – qo‘llaniladigan bo‘lsa – keltiradigan xavf-xatarlaridan ogohlikka chaqirish kampaniyasi doirasida uyushtirildi.

Notiqlar yoshlar guruhlari oldida qilgan nutqlarida «Bolalar huquqini himoya qilish» qonunining mohiyati haqida, shuningdek, uning kelib chiqish sabablari, tayangan siyosiy va qonuniy manbalari, bu manbalardan asosiysi «Xalqaro Bolalar Huquqlari konvensiyasi» bilan «Inson Huquqlari umumjahon deklaratsiyasi» ekanligi to‘g‘risida gapirdilar. Shuningdek, Falastin ma’muriyatining BMTga naqadar itoat qilayotgani va mana shunday buzg‘unchi konvensiyalarga amal qilayotganiga to‘xtalib o‘tib, buning shar’iy hukmini bayon qildilar.

Nutq so‘zlaganlar, shuningdek, «Bolalar huquqini himoya qilish» qonunining ayrim moddalari haqida so‘z yuritib, ularning huquqiy jihatdan nimani anglatishiga, ularning uzoq va yaqin muddat davomida xossatan va bevosita bolalarga, bevosita va bilvosita ota-onalarga va jamiyatga qanday oqibatlar olib kelishiga to‘xtalib o‘tdilar.

So‘zga chiqqanlar o‘z nutqlari so‘nggida yig‘ilganlarga ayni qonunni qattiq qoralashlari va tatbiq qilinishiga qarshi chiqishlari kerakligini tushuntirdilar. Oilalarimiz va bolalarimizni buzish va yo‘ldan urishga qaratilgan bunday halokatli qonunlarning rejim tomonidan amalga oshirilishiga qarshi turishda jamiyat qatlamlarining, jumladan yoshlarning roli muhim ekanini ta’kidlab o‘tdilar.

Notiqlar, shuningdek, Hizb ut-Tahrir tomonidan nashr qilingan Bolalar huquqini himoya qilish konvensiyasi yaqinlashayotgan xavf bo‘lib, Falastin ma’muriyati tomonidan tatbiq etilishi Islomga qarshi urushdir» nomli kitobga e’tibor qaratdilar. Kitobda ayni qonuning xavf-xatari bayon qilinganligini, shuning uchun barcha odamlar masalani ongli ravishda anglab yetmoq uchun ushbu kitobni yaxshilab o‘qib chiqmoqlari kerakligini ta’kidladilar.

Roya gazetasining 2023 yil 26 aprel chorshanba kungi 440-sonidan