بِسْمِ اللهِ الرَّحْمٰنِ الرَّحِيمِ
Falastin haqiqiy shar’iy yechim bilan soxta yechimlar o‘rtasida
Falastin muammosi yechimi bilan bog‘liq takliflarga diqqat bilan qaragan kishi bu takliflar yoshlarni butunlay yo‘ldan ozdiruvchi takliflar ekaniga hamda ulardan yuragida jihod va ozodlik olovi yonib turgan yigitlarni Falastinni ozod etish sari ketayotgan yo‘llaridan burib yuborish ko‘zlanganiga guvoh bo‘ladi. Afsuski, Falastin masalasini o‘z zimmasiga olgan insonlar tomonidan shariatga zid bo‘lgan hamda muborak zaminni ozod qilish bilan bog‘liq haqiqiy loyihaga tormoz beradigan qator sa’y-harakatlar qilinmoqda.
Ushbu zamin uchun o‘z jonini o‘rtaga qo‘yib chiqqan, lekin Falastin bu mustamlakachi chizgan chegara emas, balki aqida ekanini bilmaydigan yosh yigitlarning o‘sha millatchilik va vatanparvarlik tafakkurini oziqlantirib, kechayu kunduz ana shu surnayni chalayotgan ommaviy axborot vositalari gardaniga tushadi.
Insonlardan va ularning kelajagidan xavotirda ekanliklarini iddao qilib, diniy urush kelib chiqishidan ogohlantirayotgan siyosatchilarga kelsak, aslida, ular ham bosqinchiga xizmat qilishyapti. Zero, bu bosqinchi ushbu aqidaviy kurashni «Isroil-Falastin» mojarosiga o‘zgartirishga harakat qilib, shu orqali Aqso masjidida sajda qilishni juda-juda istaydigan millionlab musulmon va islomiy qo‘shinlarni neytrallashtirib olmoqda.
Bosqinchining zulmi va zolimlar ta’qibiga sabr qilib, Falastin nomini dunyoga olib chiqayotgan, xoh internet orqali bo‘lsin, xoh xorijga qilgan safarlarida bo‘lsin, soatlab vaqtlarini ayni kurashga sarflagan, shuningdek, forumlarda, matbuot konferensiyalarida va radio eshittirishlarida Falastin haqida nutq so‘zlaydigan faollarning holati ham afsuslanarli. Chunki ular juda ham kichraytirilgan va majruh holdagi Falastinni ko‘tarib chiqishmoqda. Bu – ilk bor ushbu zaminni bosib olib, uni Xalifalik davlatidan sug‘urib olgan yahudiylarning o‘lchovidagi Falastindir. Shuning uchun ushbu faollarning o‘rtaga tashlagan yechim va takliflari ham rasvo-buzuq yechim va takliflardan iborat.
Zotan, butun Falastinni ozod etish yechimidan boshqa har qanday yechim bosqinchining foydasiga xizmat qiladi. Ummatning kuchlari va jamoalaridan boshqa tarafga qilingan har bir murojaat ostida fitna yashirilgan murojaatdir. Chunki murojaat faqat Ummatga, uning xolis ulamolari, siyosatchilari, qo‘shinlari, faollari, nufuzli oqsoqollari bilan qo‘shib butun Ummatga qilinishi kerak. Maqsadimiz, shu murojaatimiz orqali ularni Alloh Taolo tomonidan zimmalariga yuklangan o‘z javobgarliklariga amal qilishga, ya’ni bor kuch-quvvatlarini Rosululloh ﷺning Isro maskanlarini bosqinchi yahudiylardan qutqarishga sarflashlariga chaqirishdir.
Roya gazetasining 2023 yil 12 aprel chorshanba kungi 438-sonidan
