بِسْمِ اللهِ الرَّحْمٰنِ الرَّحِيمِ
Qamoq… yakkalik kameralar… yordamsizlik!!
2023 yil 2 fevral payshanba kuni Shuruq Badan ismli falastinlik 27 yoshli mahbus ayol o‘n to‘rt oy davom etgan ma’muriy qamoqdan so‘ng «Damon» qamoqxonasidan ozodlikka chiqdi. Shuruq birinchi marta 2019 yil 15 iyulda qamalgan va bir yil ma’muriy qamoqni o‘tagan… 2020 yil sentyabrda qayta qamoqqa olinib, yana sakkiz oy o‘tirgan va 2021 yil may oyida ozodlikka chiqqan. Keyin 2021 yil sentyabrda yana qamoqqa olingan. Qamoqdan chiqqan Shuruq o‘zining ozodlik, degan narsani his etmayotganini, balki g‘am-g‘ussa chekayotganini va hatto xayrlashishga ham qo‘yishmagan zindonda qolgan dugonalaridan xavfsirayotganini aytdi. Mahbus ayollar shahid Alqam rohimahullohning bosib olingan Quddusda o‘tkazgan qahramonona operatsiyasini nishonlaganliklari uchun Danon qamoqxonasi ma’muriyati ularga nisbatan jazo sifatida navbatdagi repressiv hujumini boshladi. Bu operatsiyada kelgindi yahudiylardan 7 nafari o‘lib, bir qanchasi og‘ir jarohat olgandi. Darhaqiqat, bosqinchi kuchlar mahbus ayollar kameralarini suvga to‘ldirishdi, so‘ng bostirib kirib, hammalarini kaltaklashdi, keyin, elektr tayoq qo‘llab, ularni sudrab chiqishdi va karser (yakkalik kamera)larga tashlashdi.
Bu haqda Hizb ut-Tahrir markaziy matbuot bo‘limining ayollar qismi nashr qilgan bayonotda bunday deyiladi:
«Biz «Falastin mahbus ayollar jamiyati»dan olgan ma’lumotimizga ko‘ra, bosqinchilar o‘tgan yil davomda 172 nafar falastinlik ayolni qamoqqa olgan, bugungi kunda mahbusalar 28 nafarni, ulardan uch nafari voyaga yetmagan qizlarni tashkil etmoqda. Mahbus ayollar orasida olti nafar jarohat olganlar bo‘lib, ular qamoqqa olish vaqtida yaralanganlar. Ulardan Isro Jaobis ismli mahbus ayolning ahvoli og‘irligi aytilmoqda. U 2015 yildagi qamoqqa olish hodisasida kuchli kuyishlar natijasida tanasida hosil bo‘lgan og‘ir deformatsiyalardan aziyat chekmoqda».
Matbuot bayonotida quyidagilar qo‘shimcha qilindi:
«Damon qamoqxonasi ishg‘ol ostidagi Doliyatul Karmil shahrida joylashgan bo‘lib, yahudiy vujudi qamoqxonalaridan biridir. Bir qismi mahbusa ayollar uchun mo‘ljallangan Damon qamoqxonasining qurilishi Britaniya mandati zamoniga borib taqaladi. U tamaki saqlash ombori sifatida qurilgan. Keyinchalik u erkak va ayol mahbuslar uchun bosqinchilarning eng og‘ir qamoqlaridan biriga aylandi.
So‘nggi besh yil davomida mahbus ayollarga nisbatan jismoniy zo‘ravonlik avvalgi yillarga nisbatan ikki baravar ko‘paydi. Mahbus ayollar Damon qamoqxonasida karserda har kuni zulm ostida yashamoqdalar, qamoqxona ma’muriyati ularni jazolash uchun har qanday bahona topib, doimiy ravishda mana shu karserlardan foydalanyapti. Mahbus ayol karserga tashlansa, umumiy oshxonadan va qamoqxona maydonida sayr qilish (progulka)dan, kiyimlarini almashtirishdan mahrum etiladi. Ularga badbo‘y yopinchiq berishadi, har bir karser oldiga alohida soqchi qo‘yiladi… Ya’ni mahbus ayol tashqi hayotdan tamoman uziladi. Na boshqa mahbus ayollar bilan aloqa qilishiga ruxsat beriladi, na advokati bilan va na ziyoratga kelgan yaqinlari bilan… Qamoqxonaga o‘rnatilgan kuzatuv kameralari haqida gapirmasa ham bo‘ladi, ya’ni ular mahbus ayollarning shaxsiy hayotlarigacha kirib borgan. Masalan, Xod-xa-Sharon shahridagi qamoqxonada mahbus ayollar kameralarning o‘rnatilishiga qarshi norozilik namoyishi o‘tkazishgan».
Bayonotda quyidagilarga e’tibor qaratildi:
«Darhaqiqat, mahbus ayollar asirlik hayotlarini oilasi, eri va farzandlaridan uzoqda juda og‘ir ahvolda o‘tkazmoqdalar. O‘zlarini xotin-qizlar, ularning hayoti, qadr-qimmati, va huquqlarini himoya qiluvchi ekanini da’vo qiluvchi tashkilot va feministik jamiyatlar bu mahbus ayollarning na og‘irlarini yengil qilyapti va na huquqlarini himoya qilyapti. Aksincha, bu xotin-qizlar jamiyatlari va institutlarining aybi va nopok niyatlari erta qachon fosh bo‘lgan. Ularning ayollar haq-huquqi va tengligi, degan da’volari niqobdan boshqa narsa emas. Aslida, shu orqali ular muslima ayolga faqat ziyon yetkazish payida bo‘lib, uni o‘z xonadonidan ko‘chaga olib chiqish va hurmat-izzatini yo‘q qilish orqali G‘arb ayoliga aylantirishmoqchi».
Matbuot bayonoti so‘nggida falastinlik mahbusalarni va butun dunyodagi muslima mahbusalarni faqat bitta davlat ozod etajagi, u ham bo‘lsa, muborak Falastin zaminini va uning or-nomuslarini xaloskori bo‘lmish Payg‘ambarlik minhoji asosidagi roshid Xalifalik davlati ekanligi ta’kidlandi.
Roya gazetasining 2023 yil 15 fevral chorshanba kungi 430-sonidan
