بِسْمِ اللهِ الرَّحْمٰنِ الرَّحِيمِ
Qur’on musulmonlar maqtanadigan shior emas, haqiqiy dasturimizdir
Musulmon yurtlaridagi barcha konstitutsiya-dasturlar inson tomonidan o‘ylab topilgan bo‘lib, kelib chiqishi ham, manbai ham, poydevori ham, shohlari ham, barchasi botildir. Shuning uchun ham musulmon kishining bugungi konstitutsiyalarni qo‘llab-quvvatlash yoki ularga ovoz berish u yoqda tursin, hatto ularga qiziqib-e’tibor berishi ham haromdir. Chunki ularning manbai inson. Biz musulmon ekanmiz, bizning nazdimizda xo‘jayinlik insonning Robbisiga xosdir.
Ba’zi islomiy jamoalar katta gunohni sodir etishdi. Gap shundaki, birinchi, ular «Qur’on dasturimiz» shiorini ko‘tarib chiqishdi, ammo keyinchalik ularning qo‘lida hech qanday islomiy dastur yo‘qligi, aksincha, kelib chiqishi, manbai va shohlari inson o‘ylab topgan konstitutsiyani qabul qilishgani ma’lum bo‘ldi. Ular, shuningdek, odamlarni «ha» yoki «yo‘q», deya ovoz berishga buyurishdi. Bas, musulmon odam barmog‘ini bitta teshikdan ikki marta chaqtirmasligini e’tiborga olgan holda, Ummat har qanday jamoadan to‘liq tafsilotlariyu batafsil shar’iy dalillariga ega islomiy loyihani qattiq talab qilmog‘i darkor. Toki, musulmonlar ertaga davlat dastur va qonun sifatida tabanniy qilajak ahkomlarning to‘g‘ri ijtihod bilan istinbot qilingan shar’iy ahkomlar ekanini bilsinlar. Chunki davlatga hukm yuritayotgan narsalari borasida itoat qilishga musulmonlar majbur emaslar. Faqat davlat shar’iy ahkomlarni tabanniy qilgan bo‘lsagina itoat qiladilar.
Roya gazetasining 2022 yil 14 dekabr chorshanba kungi 421-sonidan
