بِسْمِ اللهِ الرَّحْمٰنِ الرَّحِيمِ
Ikki davlat yechimi Amerikaning yahudiy vujudi xavfsizligini ta’minlashga qaratilgan loyihasi emasmi?!
Vashington-Sofa veb-sayti (hijriy 1444 yil 10 jumodulavval, milodiy 2022 yil 4 dekabr yakshanba kuni) nashr qilgan xabarda bunday deyiladi:
«AQSH davlat kotibi Entoni Blinken – ikki davlat qurish yechimining istiqboli uzoq tuyulmoqda, biroq biz bunga sodiqmiz va bizni undan uzoqlashtiradigan har bir narsa Isroil xavfsizligiga uzoq muddat zarar keltiradi».
Roya:
AQSH davlat kotibi Entoni Blinkenning bu bayonotidan ochiq ko‘rinib turibdiki, ikki davlat yechimi muborak zaminda yahudiylarni g‘olib qilish va xavfsizliklarini ta’minlashga qaratilgan Amerika rejasidir. Bu yechimga chaqirayotgan va uni amalga oshirishga harakat qilayotgan har bir kimsa Amerikaning yahudiy vujudini mustahkamlash va uni musulmon yurtlariga integratsiyalash bo‘yicha maqsadiga astoydil xizmat qilayotgan bo‘ladi va Falastin masalasi yechimi uni umuman qiziqtirmaydi. Chunki Falastin masalasi yechimi Ummat aqidasidan balqib chiqmog‘i darkor. Bu yechim esa, ushbu zaminni yahudiylardan ozod etish hamda yahudiy vujudini ildizi bilan qo‘porib tashlashdan iboratdir.
Islom Ummati tarixi shunga guvohlik bermoqdaki, Ummat muborak zaminni salibchilardan va mo‘g‘ullardan tozalagan kuni ushbu yechimni, balki ushbu shar’iy hukmni bajargan. Shunga binoan, demak, bugun ham Falastin masalasining Ummat armiyalarini harakatga keltirishdan boshqa yechimi yo‘q. Xuddi kuni kecha Xittin jangi va Konstantinopolni fathi kabi hal qiluvchi ma’rakalarda armiyalar harakatga keltirilib, salibchilarni quvib solingani va yurtlarimizdagi podshohliklari tor-mor etilgani kabi. Darhaqiqat, bu avval zararkunanda rejimlarni ag‘darib, ushbu buyuk g‘oyaga erishish uchun qo‘shinlarimizni safarbar qiluvchi Payg‘ambarlik minhoji asosidagi ikkinchi roshid Xalifalikni barpo etish bilan bo‘ladi.
Roya gazetasining 2022 yil 14 dekabr chorshanba kungi 421-sonidan
