بِسْمِ اللهِ الرَّحْمٰنِ الرَّحِيمِ
Husiylar Allohning ahkomlariga jur’at qilib, ularni Arab va xalqaro tajribaga qo‘yib berishyapti!
Yaman poytaxti San’oda adliya vazirligi bilan savdo-sanoat palatasi tomonidan muhokama uchun davra suhbati tashkil etildi. Suhbat ishtirokchilari sudxo‘rlik muomalalarini taqiqlash to‘g‘risida adliya vazirligi tuzgan qonun loyihasini arab va xalqaro tajribalar asosida o‘rganish uchun huquq, iqtisod va shariat qo‘mitasiga havola qilishdi. 2022 yil 5 dekabr dushanba kuni bo‘lib o‘tgan ushbu davra suhbatida Yaman muftiyi Shamsiddin Sharafiddin, adliya vaziri Nabil Izoniy, huquqiy ishlar vaziri Ismoil Muhoqiriy, parlament va sho‘ro kengashi ishlari bo‘yicha davlat vaziri Ali Abu Haliqa, oliy siyosiy kengash maslahatchisi Abdulaziz Bag‘dodiy va boshqalar qatnashdi.
O‘z navbatida, Hizb ut-Tahrir – Yaman viloyati matbuot bo‘limi bayonot nashr qilib, unda quyidagi savollarni o‘rtaga tashladi:
«Nahotki, davra ishtirokchilari barcha musulmon yurtlarida, shu jumladan, Yamanda Islom bilan hukm yuritilmasligini bilishmaydimiki, asosdan ko‘z yumib, ikkilamchi narsalarni muhokama qilishga o‘tishsa yoki ularning bu qilmishlari odamlarni aldash va miyig‘ida kulishmi?! Ustiga-ustak, bu ishtirokchilar sudxo‘rlik harom qilinadimi yoki u bilan muomala qilishda davom etiladimi, deya shar’iy ahkomlar ustida so‘rov o‘tkazish bilan Allohning ahkomlariga jur’at qilishdi va takabburlik darajasiga yetishdi. Axir, sudxo‘rlik faqat Yamandagina emas, balki butun dunyoda tatbiq etilayotgan kofir G‘arb qonunlariga muvofiq davom etmayaptimi?! Alloh Subhanahu o‘zining Kitobul Hakimida
﴿وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلَالاً مُبِيناً﴾
«Alloh va Uning payg‘ambari bir ishni hukm qilgan-buyurgan vaqtida biron mo‘min va mo‘mina uchun (Allohni hukmini qo‘yib) o‘z ishlaridan ixtiyor qilish joiz emasdir. Kim Alloh va Uning payg‘ambariga osiy bo‘lsa, bas u ochiq yo‘ldan ozish bilan yo‘ldan ozibdi» [Ahzob 36]
degan bo‘lsa-yu, bu Husiylar Alloh Subhanahuning ushbu amriga bo‘ysunib itoat qildik, deyish o‘rniga, anavi kimsalar bilan muhokama davrasi uyushtirib o‘tirishibdi. Axir, bu kimsalar mustamlakachi kofir G‘arb saqofatini o‘z miyalariga quyib-singdirib bo‘lishgan va Alloh harom qilgan narsalarni Islom hokimiyati yo‘qligi sababli Islomiy Ummat orasiga keng yoyishgan bo‘lsa».
Matbuot bayonotida quyidagilar qo‘shimcha qilindi:
«Shuning uchun ham, Hizb ut-Tahrir Islom Ummatini, shu jumladan Yaman ahlini hayotning barcha sohalarida Islomni keng miqyosda to‘la tatbiq etishga da’vat qiladi. Buning uchun Hizb mukammal dastur loyihasini tayyorlab qo‘ygan bo‘lib, iqtisod sohasida ham to‘liq kifoya qiluvchi «Islomda iqtisod nizomi» kitobini nashr qilgan. Bularni faqatgina Payg‘ambarlik minhoji asosidagi ikkinchi roshid Xalifalik davlati soyasidagina tatbiq qilish mumkin. Shuning uchun Xalifalikni barpo qilish farz. Chunki vojibni ado qiladigan narsa ham vojibdir».
Roya gazetasining 2022 yil 14 dekabr chorshanba kungi 421-sonidan
