بِسْمِ اللهِ الرَّحْمٰنِ الرَّحِيمِ
Haqiqiy muxolafat bilan soxta muxolafat o‘rtasida
Bugungi kundagi muxolif, deyilayotgan partiyalarning barchasi rejimlar soyasida va ularning roziligi bilan faoliyat qiladi. Ular qonuniy partiyasi sifatida litsenziya olgan kuniyoq o‘zlarini yurtdagi siyosiy tuzumga – xoh qirollik boshqaruvi bo‘lsin, xoh respublika – roziliklarini namoyon qilib bo‘lishgan. Rejimlarga rozi bo‘lishning ma’nosi konstitutsiyaga, boshqaruv shakliga hamda hokimiyatga yetib borish va faoliyat qilish mexanizmiga rozi bo‘lish, demakdir. Bas, partiyalar bularga rozi bo‘lsa, ularning nimasini muxolafat deyish mumkin?! Nima ustida ularga muxoliflik qilishadi?! Axir, ular asl muammo bo‘lmish konstitutsiyani ham, yurtdagi bosh tuzumni ham ma’qullab, Allohning shariatini chetga surib, insonga bergan demokratiyaga rozi bo‘lishayotgan bo‘lsa. Demakki, amalda muxolafat yo‘q. Faqat ba’zi ishlarda, oldinga ham, orqaga ham yurmaydigan ikkilamchi masalalarda muxoliflik bor, xolos. Bu muxolafat rejimga moyil partiyalarning ikkinchi bir yuzi bo‘lib, «rejim ichkarisida o‘zgartirish qilish imkoniyati bor», deya xalqni aldash bilan rejim umrini uzaytirishmoqda. Voqeda shunday. Amaliy jihatdan esa, rejimga muxolif bo‘lgan partiya hokimiyatni qo‘lga kiritish bilan o‘zidan avvalgi rejimning o‘zi muxoliflik qilgan siyosatini joriy qilyapti. Avvalda rejimparast bo‘lgan partiyalar yangi hukumat siyosatiga muxolif partiyalarga aylanishib olib, hukumatga kelgan paytda ayni siyosatni joriy qilishyapti. Shunday qilib, hukmron rejim saylovlar o‘tkazish va rejimga moyil partiyalar bilan muxolif partiyalar o‘rtasida hokimiyat bo‘lishish, degan masxarabozlik bilan Ummat ustidan kulayotgan ekan, bunda o‘sha partiyalardan foydalanyapti. Musulmon yurtlaridagi muxolif partiyalarning voqeligi mana shu. Modomiki, Ummat ustidan tatbiq qilinayotgan tuzumdan iborat bugungi kundagi dardu balo mana shu rejimga moyil va muxolif bo‘lgan partiyalarning loyihasi ekan, demakki, Islom Ummatining uyquda davom etishi g‘ayritabiiy hol emas.
Roya gazetasining 2022 yil 7 dekabr chorshanba kungi 420-sonidan
