Shom qo‘zg‘olonini yo‘q qilish uchun «Chumoli izi» strategiyasiga hamon amal qilinmoqda…
Ehtiyot bo‘linglar!
Turkiya rasmiy manbalarining Al-Jazira telekanaliga ma’lum qilishicha, Turkiya asosan kurdlarning «Xalq himoyasi otryadlari»dan iborat Suriya Demokratik Kuchlarining Suriya shimolidagi Manbij, Aynul Arab, Kobani va Tall Rifot shaharlaridan chiqib ketishlarini shart qilib qo‘ygan. Shuningdek, manbalarning qo‘shimcha qilishicha, Anqara «Suriya Demokratik Kuchlari», jumladan xavfsizlik va chegara kuchlariga muqobil sifatida Suriya rejimi muassasalarining qaytarilishini ham shart qilgan.
Ey muborak Shom zaminidagi musulmonlar!
Turk rejimining muborak Shom qo‘zg‘oloniga qarshi o‘ynagan va hamon o‘ynayotgan roli hech kimga sir bo‘lmay qoldi. U Halab shahrini hamda Murek shahridan to Halab shahrining shimoli va shimoliy g‘arbigacha bo‘lgan hududlarni qonxo‘r rejimga topshirgandan so‘ng, bugunga kelib boshqa hududlarning ham topshirish harakatini davom ettiryapti. Maqsadi – bu rejimning qayta oyoqqa turishiga va Suriyaning barcha yerlarida o‘z hukmronligi va nufuzini qayta tiklashiga yordam berishdir.
Shuningdek, Turk rejimi Suriya Demokratik Kuchlari nazorati ostidagi ayrim hududlarni ham Asad rejimiga topshirish bilan yaqinlashib kelayotgan Turkiya prezidentlik saylovlarida «ochko» to‘plashga intilmoqda. Bir tomondan, Suriya milliy xavfsizlik kuchlarini qo‘llab-quvvatlamoqchi bo‘lsa, boshqa tomondan, Shom tog‘uti bilan uchrashishdan oldin ayni hududlarni unga sovg‘a sifatida taqdim qilishni istayapti.
Turk rejimi jangchi guruhlarning yetakchilaridan iborat o‘zining qo‘g‘irchoqlari yordamida Shom qo‘zg‘oloniga qarshi sodir etgan va sodir etayotgan jinoyatlarga sukut qilmoq qo‘zg‘olonga qarshi jinoyat hamda siyosiy jihatdan o‘z joniga qasd qilish hisoblanadi. Bunday qilayotganlar ertaga o‘z oqibatlariga yo‘liqqanlarida chuqur pushaymon bo‘ladilar. Farzandlarining to‘kilgan har qatra qonini zoye ketkazganligi uchun nadomat chekadilar… Ko‘chirib yuborish, vayronalar, qamoqlar va qiynoqlar ko‘rinishidagi har qanday azob-uqubat haqida gapirmasa ham bo‘ladi.
Turk rejimi tutayotgan bu yo‘lning oxiri har qanday oqil insonga ma’lum. Xo‘jayinlarining yashil chirog‘isiz Suriya Demokratik Kuchlariga qarshi harbiy amaliyotlar olib borishga ojizligi, uning nazorati ostidagi ayrim hududlarni ozod qilingan hududlarga qo‘shib olish va ko‘chirilgan aholini o‘sha hududlarga joylashtirishga urinish o‘rniga bu hududlarni jinoyatchi rejimga topshirishni talab qilishi hamda yetakchilar bilan til biriktirib, jangchi guruhlarni ayni mintaqalarni ozod etishga jiddiy harakat qilishdan to‘sishi Turkiya rejimining asl basharasini va Shom qo‘zg‘oloniga nisbatan xiyonat darajasini ochiq ko‘rsatib turibdi.
Bularning barchasi ko‘chirilgan odamlarning o‘z yurtlariga qaytishi shunchaki xomxayolga aylanganini, Turkiya rejimi yoki boshqalarning qo‘llab-quvvatlash da’vosiga tayanib, Suriya rejimini ag‘darish yoki uning jinoyatlari uchun javobgarlikka tortish o‘tmishda qolganini, shuningdek, qotil rejim bilan sulh tuzish va Shom inqilobini yo‘q qilish uchun olib borilgan «chumoli izi» siyosati turli uslub va son-sanoqsiz hiylalar bilan jadal sur’atda davom etayotganini anglatadi.
Ey Islom markazi bo‘lmish Shomdagi musulmonlar!
Biz kofir G‘arbning muborak Shom qo‘zg‘oloniga qarshi tuzgan tuzoq va til biriktiruvlarini fosh etishga harakat qildik va hamon harakat qilishda davom etmoqdamiz. Bu fitnalarga qarshi kurashish uchun barcha samarali uslub va vositalarni ishga solyapmiz. Zahri haligacha jangchi guruhlarning xoin yetakchilari tomirlarida oqayotgan nopok siyosiy pullardan ogohlantirishimiz birinchisi emas. Shuningdek, guruhlarning ichida davom etayotgan o‘zaro qirpichoq bo‘lishlardan hamda Jeneva, Sochi va Ostona kabi barcha xalqaro konferensiyalar natijasidagi sulh, muzokara va qarorlardan ogohlantirib keldik.
Mana, bugun ham biz Hizb ut-Tahrir – Suriya viloyati a’zolari qayta shularni ta’kidlaymizki, ushbu holatdan chiqishning yagona yechimi nusrat va muvaffaqiyat omillarini ta’minlashdan, asosan, Alloh Azza va Jallaning arqonini mahkam ushlashdan iboratdir. Qolaversa, buning uchun avvalo barcha davlatlar bilan aloqani uzish hamda Islom aqidasidan balqib chiqqan ochiq siyosiy loyihani qabul qilgan rostgo‘y, xolis va ongli yetakchilik atrofida xalq bazasi va moddiy energiyani birlashtirish lozim. Bundan boshqa yo‘l esa, vaqtni ham, sa’y-harakatlarni ham, qurbonliklarni ham zoye ketkazadi.
Shom qo‘zg‘oloniga qarshi juda katta fitna va makrlar qilinmoqda. Shu bois, bularga qarshi turish haq-rost pozitsiyani talab qiladi. Bunday pozitsiyani egallamoq qo‘zg‘olonning sodiq farzandlarini burchidir. Chunki muvaffaqiyatimiz, najotimiz va hayotimiz mana shunda. Alloh Taolo aytadi:
﴿يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُون﴾
«Ey mo‘minlar, Alloh va Uning payg‘ambari sizlarni abadiy hayot beradigan narsaga (ya’ni, dinga) da’vat qilar ekan, uni qabul qilinglar va bilinglarki, shubhasiz, Alloh har bir kishi bilan uning qalbi o‘rtasini egallab turur va shubhasiz, Uning huzuriga to‘planursizlar» [Anfol 24]
Hizb ut-Tahrirning
Suriyadagi matbuot bo‘limi
raisi Ahmad Abdulvahhob
