بِسْمِ اللهِ الرَّحْمٰنِ الرَّحِيمِ
Shtaye Balfur deklaratsiyasini tarixiy xato deb hisoblay turib, uni amalda bajarilishini talab qilish bilan bunga teskari bayonot bermoqda!
https://www.arab48.com/ veb-sayti (hijriy 1444 yil 6 robiussoniy, milodiy 2022 yil 13 oktyabr dushanba kuni) nashr qilgan xabarda bunday deyiladi:
«Falastin vazirlar kengashi raisi Muhammad Shtaye «talabim, xalqaro hamjamiyat bosqinchilik ostida ezilayotgan xalqimiz oldidagi oʼzining siyosiy, huquqiy va axloqiy javobgarligiga amal qilsin», dedi.
Dushanba kuni Ramallohda boʼlib oʼtgan hukumat majlisining avvalida bunday dedi: «Xalqimiz «Isroil»ning Nablus, Quddus, Xalil, Janin va Gʼazoda oʼldirish, qamash kabi quturgan hujumlariga duch kelmoqda. Rayon va qishloqlarda zaytun terayotgan kishilarga hujumlar, fuqarolarga tahdidlar qilinyapti, baʼzi qishloqlarda terilgan hosillar tortib olinmoqda… Xalqaro hamjamiyat «Isroil»ning bu jinoyatlarini oʼz koʼzlari bilan koʼrib-bilib turibdi va bunga sukut saqlamoqda. Indinga-chorshanba kuni Balьfur deklaratsiyasining 105 yilligi nishonlanadi. Maʼlumki, Britaniya oʼsha mashʼum deklaratsiya orqali oʼzi ega boʼlmagan narsani haqsiz boʼlgan kimsalarga mulk qilib bergan. Bu mashʼum deklaratsiyaning siyosiy, moddiy, insoniy, jugʼrofiy va boshqa oqibatlari badalini haligacha biz toʼlayapmiz. Shu nuqtai nazardan, Britaniyadan oʼzining bunday tarixiy xatosini tuzatishi hamda poytaxti Quddus boʼlgan suveren Falastin davlatini atrofidagi yerlari bilan tan olishi, qochqinlarning qaytish huquqini eʼtirof etishi talab qilinadi».
Roya:
Hizb ut-Tahrir – muborak Falastin zamini matbuot boʼlimi aʼzosi doktor Musʼab Аbu Аrqub ushbu xabarga izoh sifatida, Hizb ut-Tahrir markaziy matbuot boʼlimi radiosi uchun bunday dedi:
«Bir tomondan, Falastin vazirlar kengashi raisi Britaniyadan uning taʼbiri bilan aytganda «tarixiy xato»ni tuzatishni talab qilayotgan boʼlsa, boshqa tomondan, Falastinda ikki davlat yechimini amalga oshirishni talab qilish bilan ayni talabiga butunlay teskari bayonot beryapti. Holbuki, ikki davlat yechimi muborak zaminning katta qismini yahudiy vujudiga berishni nazarda tutadi. Bu uni Falastin ahlidan himoya qiluvchi davlatcha evaziga boʼladi… Bu kichik davlatchaning vazifasi esa, yahudiylarning xavfsizligini himoya qilishdan, Falastin ahlini saqofiy-madaniy jihatdan «tarbiya» qilib, xalqaro shartnomalar orqali ularni Islomidan judo qilishdan, shuningdek, ogʼir soliqlar bilan tinkalarini quritib, shu orqali ularni koʼchirish va sonlarini ozaytirish bilan shugʼullanishdan iborat».
Doktor Аbu Аrqub qoʼyidagilarni qoʼshimcha qildi:
«Tarixiy tadbir va xotiralarda tez-tez aytilayotgan bunday qarama-qarshi bayonotlar oldida vazirlar kengashi raisi Shtaye Falastin ahli va ayni masala sohibi boʼlmish Islom Ummatining aql-farosatlarini hurmat qilishi kerak. Shuni bilsinki, u muborak zamindagi murobitlar va buyuk Islom Ummati yurtida turibdi, bu Ummat kecha Hittin va Аyn Jolutda Falastinni ozod etgan boʼlsa, bu narsa uni yana qayta ozod etishga undamoqda. Shtaye buyuk Ummatning taqdiriy masalasi haqida gapirayotganida oʼylab-soʼzlarni topib gapirsin. U bunday bir-biriga teskari bayonotlar berishdan oldin, avvalo oʼzi quyidagi savollarga aniq javob bersin – vaholanki, ularning javobini Ummat juda yaxshi biladi:
Qanday qilib Shtaye Britaniyadan «tarixiy xato»sini tuzatishni kutyapti?! Аxir, musulmon Ummatga qarshi urushlarda yahudiy «davlat»ini oldingi liniyaga qoʼyib olgan mana shu Britaniya boʼlsayu, qanday qilib u Falastinni ozod etishi va ahliga qaytarib berishi mumkin?!
Britaniya Balьfur deklaratsiyasi orqali Falastinni yahudiylarga berib yuborgani bois «tarixiy xatosi»ni tuzatishi uchun undan butun Falastini ozod etish talab qilinadimi?! Yoki Falastin rejimi Oslo shartnomasiga muvofiq uning bir qismi bilan kifoyalanadimi va Britaniyaning oʼz xatosini tuzatishiga hojat yoʼqmi?!
Quddusning hamma qismi, gʼarbiyu sharqi, Yaffa, Hayfo, Talli-Robi, Аsqalon, Beʼr-Sabʼ, Naqab, Oʼlik dengiz mana shu Britaniyaning «tarixiy xatosi» doirasiga kiradimi?! Yoki Falastin rejimi 1967 yilgi hududlardagi davlatchani talab qilib, yahudiy vujudini tan olgandan keyin bu xato hisoblanmay qolganmi?!
Nahotki, Falastinni dushmandan «xato»larini tuzatishni talab qilish orqali ozod etib boʼlsa?! Nahotki, ushbu muborak zamin Ummatning armiyalari va tirik kuchlari yordamida ozod etilmasa, axir, Hittin va Аyn Jolutda ozod etilgan-ku?! Va nihoyat, aslida bu Falastin maʼmuriyati va Shtaye kabilar Falastinning ozod etilishini xohlaydilarmi oʼzi?!
Roya gazetasining 2022 yil 9 noyabr chorshanba kungi 416-sonidan
