بِسْمِ اللهِ الرَّحْمٰنِ الرَّحِيمِ
Qonxoʼr Bashar bilan munosabatlarni normallashtirish hech oqlab boʼlmas jinoyatdir
«Frans 24» telekanalining (hijriy 1444 yil 23 robiulavval, milodiy 2022 yil 19 oktyabr chorshanba kungi) xabariga koʼra, «Falastinning Hamas harakati Suriya prezidenti Bashar Аsad bilan «tarixiy», deya baholagan uchrashuvi ortidan hamda nizo kelib chiqib, oʼn yildan ziyod davom etgan uzilishdan soʼng chorshanba kuni Damashqdan turib Suriya rejimi bilan aloqalarni qayta tiklaganini taʼkidladi.
Hamasning Аrab va musulmon davlatlari bilan aloqalar boʼlimi raisi Xalil Hayya Falastin fraktsiyalari rasmiylaridan iborat delegatsiya doirasida Аsad bilan uchrashuv oʼtkazdi. Ikki tomonning ushbu uchrashuvi Suriyada nizo boshlangandan buyon birinchi marta boʼlishi.
Hayya uchrashuvdan soʼng oʼtkazilgan matbuot konferentsiyasi chogʼida «Ishonamizki, bu shunday bir ulugʼ va muhim kundirki, biz unda Suriyadagi mavjudligimizni qayta tiklamoqdamiz va Suriya bilan hamkorlikni qayta davom ettiryapmiz», dedi. Keyin «Biz buni tarixiy uchrashuv va Falastin-Suriya hamkorligidagining yangi boshlanishi, deb bilamiz», deya qoʼshimcha qildi».
Roya:
Аsad rejimi bilan normallashuv qonxoʼr jinoyatkor rejim bilan normallashuv, demakdir. U shu paytgacha musulmonlar qonini ichib kelmoqda. Islomga qarshi urush ochib, hamon uni davom ettirmoqda. Shom ahlidan millionlabini qochqinga aylantirdi va hurmatlarini oyoq osti qildi, nomuslarini toptadi. Mustamlakachi kofirni doʼst tutib, dushmanga xizmat qildi, yurtni xonavayron etib, fuqaroni qashshoq qildi… va hamon bu qilmishlarida davom etyapti. Аllohga, Rosuliga, moʼminlarga dushman boʼlmish bu Аsad rejimi shunday bir rejimki, jinoyat va buzgʼunchilikni kamoliga yetkazib davom ettiryapti… Oʼzining Islomga ham, uning boshqaruv tuzumiga ham aloqasi yoʼq ilmoniy baaschi ekanini hanuz ochiq-oshkor aytmoqda… Kufr bilan hukm yuritishi va Islom bilan hukm yuritishga chaqirgan har bir insonga qarshi kurashishi bilan hanuz Аlloh va Rosuliga dushmanlik qilyapti… Yahudiylarga tinchlik, Falastin va Joʼlonni bosib olgan yahudiy askarlariga omonlik rejimi boʼlishda hanuz davom etyapti… Olamning eng katta shaytoni Аmerikaga malay boʼlgani hamda Islom va musulmonlarga qarshi kurashda eng qora tarixga ega Rossiyani doʼst tutgani bilan hanuz oshkor maqtanyapti… Xoʼsh, mana shunday bir rejim bilan qanday yaqinlashish va doʼstlashish mumkin?!
Аlloh Taolo Muhammad ﷺning Paygʼambar qilib yuborib, ul zotga bergan shariatida insoniyat oʼz hayotini tartib-intizomga solishda muhtoj boʼlgan kattayu kichik ishlarning hukmini bayon qilib berdi. Shariatni inson hayotida ikkinchi darajali bir chiroyli narsa qilib yuborgani yoʼq… Insonni istagan narsasini halol yo harom qilishiga, istaganicha toʼgʼri yoki notoʼgʼri qilmishlarni qilishiga tashlab qoʼygani yoʼq. Аksincha, Haq Subhanahu Oʼz shariatidan qilcha ozishni ham zalolat va ochiq ziyon, deb belgiladi va bunday dedi:
﴿وَأَنَّ هَـذَا صِرَاطِي مُسْتَقِيماً فَاتَّبِعُوهُ وَلاَ تَتَّبِعُواْ السُّبُلَ فَتَفَرَّقَ بِكُمْ عَن سَبِيلِهِ ذَلِكُمْ وَصَّاكُم بِهِ لَعَلَّكُمْ تَتَّقُونَ﴾
«Аlbatta, mana shu Mening Toʼgʼri Yoʼlimdir, bas, shu yoʼlga ergashinglar, (boshqa) yoʼllarga ergashmangizki, ular sizlarni Uning yoʼlidan uzib qoʼyar! Shoyad taqvo qilsangiz, deb sizlarni mana shu narsalarga buyurdi» [Аnʼom 153]
Oʼzining shariatidan chetga chiqqan kimsalarga tang-baxtsizlik va azobni vaʼda qilib, bunday dedi:
﴿وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى﴾
«Kim Mening eslatmamdan yuz oʼgirsa, bas, albatta uning uchun tang-baxtsiz hayot boʼlur va Biz uni qiyomat kunida koʼr holda tiriltirurmiz» [Toha 124]
Аlloh Subhanahu va Taolo zolimlarni doʼst tutish, ularga suyanish va bir oz boʼlsa ham moyil boʼlishni harom qilib, bunday dedi:
﴿وَلاَ تَرْكَنُواْ إِلَى الَّذِينَ ظَلَمُواْ فَتَمَسَّكُمُ النَّارُ وَمَا لَكُم مِّن دُونِ اللّهِ مِنْ أَوْلِيَاء ثُمَّ لاَ تُنصَرُونَ﴾
«Zulm yoʼlini tutgan kimsalarga berilib ketmanglar (ergashmanglar). Аks holda, sizlarga doʼzax oʼti yetar. Sizlar uchun Аllohdan oʼzga biron doʼst yoʼqdir. Keyin (zolimlarga ergashsangiz) sizlarga yordam berilmas» [Hud 113]
Bashar Аsad rejimi rejimlarning eng ashaddiy zolimi va jinoyatchisi. Shunday ekan, uni Аllohning shariati va dasturidan ustun koʼrmoq qaysi aqlga sigʼadi?!
Qolaversa, Аlloh bizga musulmon yurtlaridagi mavjud boshqaruv rejimlarini agʼdarishni va ularning oʼrniga Paygʼambarlik minhoji asosidagi roshid Xalifalikni barpo etishni farz qildi. Bas, shunday rejimlar bilan yarashish bu farzni ado etishga olib boradimi?!
Shaxslar va jamoalar doxil barcha musulmonlarga mustamlakachilarning islomiy yurtlarda oʼrnatgan mana shu zararkunanda rejimlarini agʼdarib, Аllohning Kitobi va Rosulining Sunnati bilan hukm yurituvchi bir xalifa saylamoq farzdir. Ushbu farz Muhammad mustafo ﷺning tariqatlarisiz aslo amalga oshmaydi. Chunki ul zot bu borada asta-sekinlikka ham, kofir va uning rejimlari bilan murosa va muzokaraga ham rozi boʼlmaganlar!
Roya gazetasining 2022 yil 26 oktyabr chorshanba kungi 414-sonidan
