بِسْمِ اللهِ الرَّحْمٰنِ الرَّحِيمِ
Muborak Mavludi Nabiy Rosululloh ﷺ bilan ahdlashuvni yangilashning qulay fursatidir
Insonlarni Islom bilan yetaklash uchun moʼjiza shart emas hamda Ummatni oʼtmish zamoniga qaytaruvchi yangi paygʼambar chiqishi kutilmaydi. Chunki bizning ulugʼ Rosulimiz ﷺ barcha anbiyolar soʼnggisi boʼlib, ul zotga Аlloh Taolo bunday degan:
﴿الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِيناً﴾
«Bugun sizlarga diningizni komil qildim, neʼmatimni benuqson, toʼkis qilib berdim va sizlar uchun (faqat) Islomni din qilib tanladim» [Moida 3]
Bugungi kunda talab qilinayotgan narsa Rosululloh ﷺning kufr va shirk voqeligini Islom voqeligiga oʼzgartirishdagi tariqatlarini qayta jonlantirishdan hamda bu ishda ul zot chizib-koʼrsatib bergan yoʼldan zarracha ogʼmay harakat qilishdan iborat. Rosululloh ﷺ marhamat qilganlar:
«عَلَيْكُمْ بِالصِّدْقِ فَإِنَّ الصِّدْقَ يَهْدِي إِلَى الْبِرِّ، وَإِنَّ الْبِرَّ يَهْدِي إِلَى الْجَنَّةِ، وَمَا يَزَالُ الرَّجُلُ يَصْدُقُ وَيَتَحَرَّى الصِّدْقَ حَتَّى يُكْتَبَ عِنْدَ اللَّهِ صِدِّيقاً»
«Rostgoʼylikni mahkam ushlanglar. Chunki rostgoʼylik yaxshilikka yetaklaydi. Yaxshilik esa, jannatga yetaklaydi. Kishi mudom rostgoʼylikni tark etmay, doim uni qidirishda davom etsa, unga Аllohning dargohida siddiq, deya yozib qoʼyiladi».
Hukmdorlarimiz hindular va mushriklar uchun ibodatxonalar ochib berish ustida oʼzaro bellashib yotgan bir paytda, biz Mavludi Nabiydan bu dunyoda yetakchimiz va qiyomat kunida shafoatchimiz boʼlmish Rosululloh ﷺ bilan ahdnomani yangilashda qulay imkoniyat sifatida foydalanib qolmogʼimiz darkor. Chunki ul zot yolgʼonlarga toʼla sahroda Ummat sarson-sargardon boʼlib yurgan paytda unga rostgoʼylikni oʼrgatdilar, botil zulmatlarida qolgan paytda uni haqqa yetakladilar, tuhmatlar chakalakzorida qolgan paytda uni nurga olib chiqdilar. Аlloh Oʼz Rosuli ﷺga Qurʼon nozil qildi va Paygʼambarimiz ushbu Kitob bilan kufr va boʼhtonga qarshi kurashdilar, togʼutlar va butlarni parchaladilar.
Bas, shunday ekan, Ummat uchun bugungi chuqur uyqudan uygʼonish va jaholatning tubidan chiqib, Muhammad ﷺni oʼziga shafoatchi, mehribon va yoʼldosh qilib olish vaqti kelmadimi?!
Roya gazetasining 2022 yil 19 oktyabr chorshanba kungi 413-sonidan
