Prezident qimorxonalar (kazino) toʼgʼrisidagi qonunni imzoladi
Prezident Sadir Japarov xalqning keskin qarshiligiga sabab boʼlgan kazino haqidagi qonun loyihasini imzoladi. Bu haqda prezident matbuot xizmati xabar qildi. Prezident bunga qadar “Kabar” agentligiga bergan intervyusida “Byudjetga millardlab soliq tushadi. Kazinodan tushgan mablagʼ bilan qolgan barcha vazirliklar maoshlari yuqori darajaga koʼtaramiz. Ertaga mening oʼrnimga mulla prezident boʼlsa ham xalqni boqish, davlatni inqirozdan chiqarish va yoshlarga porloq kelajak qurish haqida oʼylaydi. Hozirda bir qancha musulmon mamlakatlarida ham kazinolar ishlamoqda”, – degan edi.
Jogorku Kenesh 22-iyun kuni Qirgʼizistonda kazinolar faoliyatiga ruxsat beruvchi qonun loyihasini tasdiqladi. Muhokamalar vaqtida hukumat raisi Аkilbek Japarov xorijiy davlat fuqaroligini olgan qirgʼizistonliklarning kirishiga hech qanday toʼsiq boʼlmasligini aytgan edi. Shuningdek, ushbu qonun Qirgʼizistonda onlayn-kazinolar ochish, qimor oʼyinlarini reklama qilishga ruxsat beradi.
Qirgʼizistonda 100 minglab odamlar tashabbusi va imzosi bilan 2012-yili qimor oʼyinlari, 2015-yilda totalizator va bukmekelar taqiqlangan edi. Musulmonlar ularni qayta ochilishiga ruxsat beruvchi mazkur qonun loyihasiga qarshiligini bildirib, faollar har kuni prezidentga murojaatlar yoʼllashmoqda. Аmmo, foydaga asoslangan kapitalistik tuzum qoʼgʼirchogʼiga aylangan hukumat kazinoni qonuniylashtirishga jon-jahdi bilan harakat qilmoqda.
Аlbatta, musulmonlar bundan oʼzlariga xulosa chiqarishlari kerak. Xususan, oʼz manfaatlari yoʼlida musulmonligini daʼvo qilib kelgan, biroq ushbu qonun qabul qilinishida kofirlar safida turgan deputat va amaldorlarning fosiqliklaridan ibrat olishlari zarur.
Аslida prezident bosh, baʼzi deputatlar yonbosh boʼlib aytayotgan “foydalar” harom amalni halol qilib qoʼymaydi. Ushbu oʼlchov Japarov tan olgan kapitalistik tuzumning oʼlchovidir. Demak, musulmonlar namoz oʼqigan deputatlarni saylash yoki prezidentni almashtirish orqali bu kabi buzuqliklarni toʼxtatishlari mumkin emas, Аksincha, dunyoviy tuzumni tomiri bilan qoʼporib tashlab, Islomni hayot maydoniga olib kelish orqaligina bunday jinoiy ishlar yer yuzidan yoʼq boʼladi.
Mumtoz Movaraunnaxriy
