بِسْمِ اللهِ الرَّحْمٰنِ الرَّحِيمِ
Daniya hukumati irqchilikka qarshi harakat rejasi bilan oʻzining Islomga nisbatan nafrat va adovatini yashirmoqda
Daniya hukumati irqchilik va ajnabiylardan nafratlanishga qarshi harakat rejasi tuzganini maʼlum qildi. Bu xususda Hizb ut-Tahrir – Daniya matbuot boʻlimi bayonot chiqarib, unda quyidagilarni taʼkidladi:
“Biroq, sodda-laqmalik qilgan bir qancha doiralar kabi ushbu siyosiy kelishuvdan xursand boʻlish va bunday rejaga qoʻshilishdan oldin kishi oʻzi uchun quyidagi dolzarb va muhim savolni bermogʻi darkor: jamiyatda musulmonlarga nisbatan ksenofobiya va nafratning keng tarqalishiga hamda sistematik ravishda boʻlayotgan diskriminatsiya jinoyatlariga sabab nima, aniqrogʻi kim sababchi?! Hech kimga sir emaski, bu yerda yashovchi musulmonlar jamoasi oʻtgan yigirma yildan beri daniyalik rasmiylar va maʼlum ommaviy axborot vositalari tomonidan irqiy kamsitishga nishon boʻlmoqdalar. Parlament va hukumatlar oʻzgarishiga qaramay, hozirda migrant va qochqinlarga, ayniqsa musulmonlarga qarshi bunday shiddatli qadamlar keng koʻlamli siyosiy harakatga aylandi”.
Matbuot bayonotida bunday qoʻshimcha qilinadi:
“Daniya hukumati musulmonlarga nisbatan irqchilik va diskriminatsiyaga ragʻbatlantirar ekan, hukumat qabul qilgan mazkur harakat rejasi bir niqob va pardadan boshqa narsa emas. Chunki ularning siyosati irqchilik va diskriminatsiyaga asoslangan. Ular shu orqali oʻzlarini javobgarlikdan qutqarib qolishmoqchi. Shu sababdan bu tashabbusda ozgina boʻlsa ham haqiqat yetishmaydi. Musulmonlardan nafratlanish va jamiyatda sistematik ravishda boʻlayotgan diskriminatsiya javobgarligi faqat Daniya hukumati zimmasida. Uning ayni harakat rejasi siyosiy tutun pardasidan boshqa narsa emas. Shuningdek, jamiyatning qutblashish va murosasizlik tomon ketayotganidan chin dildan xavotirlanayotgan insonlar va musulmonlarning aqlini masxara qilish hamdir.
Roya gazetasining 2022 yil 9 fevral chorshanba kungi 377-sonidan
