Matbuot bayonoti
Husiylar mahbuslarni qoʻyib yuborish evaziga ularni oʻz fikr-qanoatlaridan voz kechishga majburlashmoqda!
Bundan bir yilcha oldin Husiylar Hizb ut-Tahrir – Yaman viloyati aʼzolaridan biri Muhsin Muhammad Jaʼdiyni ikki dunyo baxtiga muyassar boʻlish uchun Islom ahkomlarini hayotda tatbiq etishga daʼvat qilishdan boshqa “ayb”i yoʻqligiga qaramay hibsga olishgan edi. Ularning oliy siyosiy kengashi boʻlgan rasmiy vakillari Muhammad Jaʼdiy ishini “koʻrib chiqqach”, bosh prokuror tomonidan sanktsiya chiqartirishdi va sanktsiyani ichki ishlar vazirligiga topshirishdi. Oʻz navbatida, ichki ishlar vazirligi Hizb ut-Tahrirning hibsga olingan aʼzolariga nisbatan tijoriy kafolat – toʻlov kafolati – joriy qilinganini, soʻng Muhammad Jaʼdiyning tijoriy kafolati jismoniy mehnat kafolatga oʻzgartirilganini rasman maʼlum qildi. Biroq vazirlik talabi qabul qilinib, qondirilgach esa, endi Muhammad Jaʼdiydan Hizb ut-Tahrirdagi faoliyatini toʻxtatishni talab qilishyapti… Muhammad Jaʼdiy bu talabni qatʼan rad etgach, uni qayta qamoqqa tashlashdi!
Husiylarning qamoqdagi Hizb ut-Tahrir aʼzolaridan Paygʻambarlik minhoji asosidagi roshid Xalifalik davlatini barpo etish uchun faoliyat qilmaslik talablari nosharʼiy va noqonuniy talabdir. Hatto bu Alloh va Rosuliga qarshi urush qilish va daʼvatni koʻtarib chiqayotganlarga qarshi chiqishdir. Islomni tatbiq etadigan va mustamlakachilar tomonidan musulmonlar oʻrtasiga tortilgan chegaralarni olib tashlaydigan bir davlatni barpo etish uchun faoliyat qilayotgan insonlarni nega qamashyapti?! Nahotki Hizb ut-Tahrir aʼzolarining shu faoliyatlari jazoga loyiq jinoyat boʻlsa?! Sizga nima boʻldi, qanday hukm chiqarmoqdasizlar-a?! Alloh Taolo bunday degan:
﴿وَاعْتَصِمُوا بِحَبْلِ اللهِ جَمِيعًا وَلاَ تَفَرَّقُوا﴾
“Barchangiz Allohning arqoniga (mahkam) bogʻlaning va boʻlinmang” [Oli Imron 103]
Yana bunday degan:
﴿وَأَنِ احْكُم بَيْنَهُم بِمَآ أَنزَلَ اللهُ وَلاَ تَتَّبِعْ أَهْوَاءهُمْ﴾
“Ular oʻrtasida Alloh nozil qilgan narsalar bilan hukm yuriting va nafs-havolariga ergashmang”
[Moida 48]
Bilʼaks, Husiylar oʻqlarini kofir Gʻarbga qaratmoqlari kerak, chunki kechayu kunduz musulmonlarni boʻlib tashlash, parchalash, oralarida mazhabparastlik fitnasiga olov qalash va boyliklarini talon-toroj qilish uchun faoliyat qilayotgan shu kofir Gʻarb emasmi?! Musulmonlarning kofir Gʻarbdan hamda islomiy yurtlardagi rejimlardan shuncha zulmlar koʻrayotgani kamlik qilyaptimi?!
Hizb ut-Tahrir oʻz ahlini hargiz aldamaydigan yetakchidir, u boshqalar tomonidan olib borilayotgan bu kabi omadsiz urinishlarga hargiz tiz choʻkmaydi. U siyosiy Hizb boʻlib, 40dan ziyod davlatlarda faoliyat olib boradi. Uning mabdai Islom, faoliyati siyosat (insonlar ishlarini gʻamxoʻrlik bilan boshqarish), Islom bilan hukm yuritishdagi tutgan yoʻli Rosululloh ﷺning tariqatlaridir.
Bas, Husiylar hammadan koʻra koʻproq bilib qoʻysinlar, Islomni tatbiq qiluvchi roshid Xalifalikni barpo etish uchun faoliyat qilish ularga ham farzdir, buni hokimiyatga kelishdan keyin va hukm yuritishdan oldin bilib olsinlar. Oʻzlarini “Tirik Qurʼon”, deya daʼvo qilar ekanlar, Islomni tatbiq etmoqlari kerak. Hizb ut-Tahrir esa, mudom Islom hukm-boshqaruvda yoʻq boʻlgani, Yamanda ham, boshqa islomiy yurtlarda ham uni tatbiq qiluvchi davlat topilmayotgani uchun jadal faoliyat olib bormoqda va to Alloh Subhanahu va Taolo oʻzining vaʼdasini va Rosuli ﷺning bashoratlarini roʻyobga chiqarish orqali solih bandalarini nusrat va gʻoliblik bilan siylagunga qadar faoliyatini aslo toʻxtatmaydi. Darhaqiqat, Hizb Paygʻambarlik minhoji asosidagi roshid Xalifalik davlatini barpo etishni hayot-mamot masalasi, deb hisoblaydi. Zotan, oʻzining vaʼdasini va Rosuli ﷺning bashoratlarini roʻyobga chiqarmoq Allohga hargiz mushkul emas. Alloh Taolo bunday degan:
﴿وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ﴾
“Alloh sizlardan imon keltirgan va solih amallar qilgan zotlarga xuddi ilgari oʻtgan zotlarni (er yuziga) xalifa-hukmron qilganidek ularni ham yer yuzida xalifa qilishga vaʼda berdi” [Nur 55]
