بِسْمِ اللهِ الرَّحْمٰنِ الرَّحِيمِ
Hizb ut-Tahrir – muborak Falastin zamini Falastin bosh vaziriga maktub yoʻlladi
2021 yil 13 dekabr seshanba kuni Hizb ut-Tahrir – muborak Falastin zamini delegatsiyasi Falastin maʼmuriyati vazirligiga borib, bosh vazir Muhammad Shtayyex nomiga maktub topshirdi.
Maktubda ikki oʻqituvchi Husayn Abu Haj va Anis Hamomiraning oʻz oʻquvchilariga Islom Ummati birligi toʻgʻrisida hamda Rosululloh ﷺning bayroqlari bilan mustamlakachilik bayroqlari oʻrtasidagi farq haqida bilim berishlari sababli Falastin maʼmuriyati xavfsizlik xizmati tomonidan qamoqqa olinishi hodisasi koʻtarilgan.
Shuningdek, maktubda quyidagilar taʼkidlandi:
“Bunday repressiv choralarni Islomga va Rosululloh ﷺning bayroqlariga qarshi kurashish va Islom dushmanlariga xizmat qilish, deya tushunish mumkin xolos. Yahudiy vujudini va Gʻarb davlatlarini hammasidan ham koʻproq qoʻrqitayotgan nasra Islom Ummatining birlashishi va Islom boshqaruvining barpo etilishidir. Shuning uchun ham yahudiylar va Islom dushmanlari birlashish, Alloh yoʻlida jihod qilish va Islom bilan hukm yuritishga aloqador har bir narsani musulmon bolalarning darsliklaridan oʻchirishga astoydil urinishmoqda”.
Hizb oʻz maktubida “Falastin maʼmuriyatining Islom dushmanlari qoʻlidagi qurolga aylanganini, undan yurt ahlini buzishda, bolalari, yoshlari va oilalarini yoʻldan urishda foydalanishayotgani”ni maʼlum qildi. Soʻng maktubda “Falastinning milliy ramzlari” va ularni kimlar chizgani va kimlar ishlab chiqqani toʻgʻrisida bevosita Shtayyexga savollar yoʻllandi.
Hizb Shtayyexga bunday murojaat qildi:
“Alloh Taoloning gʻazabini hisobga olmayapsizlarmi?! Kun kelib Ummat bu zulmlaringizga qarshi qoʻzgʻalishini oʻylamayapsizlarmi?! Sizlar yahudiy vujudi va Gʻarb davlatlariga qaram boʻlib, ularning Falastin ahlini vayron qiluvchi siyosatlarini ijro etishingiz bilan nima foyda topasiz?! Amerika sizni Alloh Taoloning gʻazabi va azobidan qutqaradimi?! Qalblari sizning jinoyatlaringiz va korruptsiyangizdan toʻlib-toshayotgan musulmonlardan sizni himoya qiladimi?! Kimga suyanyapsizlar?! Ehtimol moʻminlardan qutulib qolarsiz, ammo Alloh Taoloning intiqomidan sizni kim qutqaradi.
﴿وَاللهُ أَشَدُّ بَأْسًا وَأَشَدُّ تَنْكِيلاً﴾
“Alloh eng quvvatli va azobi qattiq zotdir” [Niso 84]
Roya gazetasining 2021 yil 22 dekabr chorshanba kungi 370-sonidan
