بِسْمِ اللهِ الرَّحْمٰنِ الرَّحِيمِ
Na Allohning va na Ummatning g‘azabidan qo‘rqayotgan Tahriri Shom hay’ati Hizb ut-Tahrir a’zolaridan ikki nafarini qamoqqa oldi
Hizb ut-Tahrir – Suriya viloyati matbuot bo‘limi raisi ustoz Ahmad Abdulvahhob quyidagicha ta’kidladi:
«2021 yil 27 oktyabr chorshanba kuni noma’lum bir mashina Bardaqulay qishlog‘ilik Yasin Shamo bilan rossiyalik muhojir Islomhoji Abu Ibrohimni qishloqqa olib boruvchi Ziroiy yo‘lida o‘g‘irlab ketishga urindi. Ikki birodarimiz ham qaroqchilardan o‘zlarini himoya qilishdi. Mashinadagilar na Alloh Azza va Jallaning va na Ummatning g‘azabidan qo‘rqayotgan Tahriri Shom hay’atining xavfsizlik xodimlari bo‘lib chiqdi. Shunda mashinadagilar o‘sha erda to‘planganlardan yordam so‘rab, ikki birodarimizni qamoqqa olishdi. Alloh va bandalarining oldida bu ishlarining oqibati nima bo‘lishini o‘ylashmadi ham.
Ta’kidlash lozimki, Tahriri Shom hay’ati xavfsizlik xodimlari hamon Hizb ut-Tahrir a’zolaridan Inod Ja’bor va Abu Mujohid Tojikiyni qamoqda saqlab kelmoqda. Ularni to‘qqiz oy avval Xalifalik qulatilishining yuz yilligi xotiralarida o‘tkazilgan kampaniya chog‘ida o‘g‘irlashgan».
Ustoz Abdulvahhob qo‘shimcha qildi:
«Tahriri Shom hay’ati sistematik ravishda qo‘llayotgan og‘izlarni yopish, bostirish, zo‘ravonlik qilib, tazyiq o‘tkazish siyosati ozod etilgan mintaqalarni jarlikka etaklamoqda. Ya’ni bu Tahriri Shom hay’ati kuchni xalq bazasidan olish o‘rniga, Turkiya bilan aloqa o‘rnatib, o‘shandan olyapti. So‘ng Shomning qo‘zg‘olonchi ahliga muskullarini ko‘rsatib, zo‘ravonlik qilish bilan mintaqalarni halokatga etaklamoqda. Bu «qo‘llab-quvvatlovchi» davlatlar o‘z maqsadlarini amalga oshirib bo‘lgach, Tahriri Shom hay’atidan voz kechadigan va o‘shanda ular mazlumlar qarshisida yolg‘iz qoladigan kun albatta kelajak.
وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ
«Zulm yo‘lini tutgan kimsalar yaqinda qay oqibat sari ketayotganlarini bilib olurlar» [Shuaro 227]
Roya gazetasining 2021 yil 3 noyabr chorshanba kungi 363-sonidan
