بِسْمِ اللهِ الرَّحْمٰنِ الرَّحِيمِ
Millionlab afg‘on bolalari Amerikaning salibchi urushi qurbonlariga aylandi
«Al-Jazira jonli efirda (hijriy 1443 yil 23 muharram, milodiy 2021 yil 31 avgust seshanba kuni) quyidagi xabar tarqatildi:
«Bugun seshanba kuni «Save the Children» (bolalarni qutqaring) xalqaro tashkiloti Afg‘onistonda so‘nggi yigirma yil ichida 33 mingga yaqin bola o‘ldirilganini va nogiron qilib qo‘yilganini ma’lum qildi.
«Save the Children» tashkilotining ushbu ma’lumoti AQShning o‘z tarixidagi yigirma yil davom etgan eng uzoq urushi ortidan Afg‘onistondan chiqib ketgan bir paytda yangradi.
Tashkilot Afg‘onistonda so‘nggi yigirma yil mobaynida har besh soatda bir kamida bitta bola o‘ldirilganini yoki mayib qilib qo‘yilganini bildirdi.
«Bu raqamlar bolalarga qarshi ushbu halokatli urushning achinarli ko‘rinishi hisoblanadi», deydi tashkilot. Uning ta’kidlashicha, afg‘on urushi oqibatida 32 ming 945 nafar bola halok bo‘lgani aytiladi, ammo haqiqiy son bundan bir muncha ko‘p bo‘lishi mumkin hamda bu raqam urush davomida ochlik, qashshoqlik va kasallikdan o‘lgan bolalarning sonini o‘z ichiga olmagan.
Tashkilot xalqaro hamjamiyatni Afg‘onistondagi bolalarni qutqarishga va qo‘llab-quvvatlashga qaratilgan o‘z da’vatini yo‘lladi».
Roya:
AQShning terrorizmga qarshi kurash niqobi ostida yigirma yil olib borgan salibchilik urushida o‘n minglab afg‘onistonlik bolalar jonlarini qurbon qildi. Bundan tashqari, Amerikaning bu bosqinchiligi sababli hamda afg‘on ahli boshiga hukmron qilib qo‘ygan malay korruptsiyalashgan hukumatlar ostida qashshoqlik, ochlik, to‘yib ovqat emaslik va kasallikdan millionlab bola azob-uqubatlar chekdi va hanuz chekib kelmoqda. YuNISEF chiqargan hisobotga ko‘ra, Afg‘onistonda 10 millionga yaqin bola tirik qolish uchun gumanitar yordamga muhtoj. Bundan tashqari, joriy yil davomida bir millionga yaqin bola og‘ir turdagi oziq-ovqat etishmasligidan aziyat chekishi hamda davolanmaslik natijasida halok bo‘lishi mumkin. YuNISEFga ko‘ra, millionlagan bolalar poliomielit va qizamiqqa qarshi emlash kampaniyalari, oziq-ovqat, himoya, boshpana, suv va sanitariya kabi asosiy xizmatlarga muhtoj bo‘lib qolaveradi.
Yana shuncha narsadan keyin xalqaro hamjamiyatdan Afg‘onistondagi bolalarni qutqarishni talab qiladiganlar chiqmoqda… Bu manofiq xalqaro hamjamiyat qachon mazlumlarni himoya qilib, bechoralarga yordam bergan, ayniqsa, musulmonlarga?!
Musulmonlarning muammolari faqatgina ularning Islom aqidasi asosidagi birligi, milliy bo‘linishlardan voz kechishlari hamda mustamlakachi kofir G‘arb va uning tashkilotlari bilan bo‘lgan aloqa iplarini uzib tashlab, Allohning mustahkam arqonini mahkam ushlashlari bilan hal bo‘ladi.
وَاعْتَصِمُوا بِحَبْلِ اللَّهِ جَمِيعًا وَلا تَفَرَّقُوا وَاذْكُرُوا نِعْمَةَ اللَّهِ عَلَيْكُمْ إِذْ كُنْتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُمْ بِنِعْمَتِهِ إِخْوَانًا
«Barchangiz Allohning arqoniga bog‘laningiz va bo‘linmangiz! Hamda Allohning sizlarga bergan ne’matini eslang: bir-biringizga dushman bo‘lgan paytlaringizda dillaringizni oshno qilib qo‘ydi-yu, sizlar Uning ne’mati sabab birodarlarga aylandingiz» [Oli Imron 103]
Roya gazetasining 2021 yil 8 sentyabr chorshanba kungi 355-sonidan
