بِسْمِ اللهِ الرَّحْمٰنِ الرَّحِيمِ
Hozir oyog‘ida arang turgan mustamlakachi kofir Amerikaga so‘nggi hal qiluvchi musht tushirishning ayni vaqtidir
Musulmonlar Afg‘oniston mujohidlarining Qobulni egallashlari bilan xursand bo‘lar ekanlar, bir vaqtning o‘zida, mustamlakachi Amerikaning Pokiston orqali o‘tuvchi madad kuchlari yo‘lini qirqishga, Islomoboddagi elchixonasi bilan Karachidagi konsulligini yopishga hamda Pokistonning Afg‘oniston mujohidlari bilan muzokaralar o‘tkazishdagi o‘rtakashlik roliga yakun yasashga bo‘lgan talablar ham kuchaydi. Bu xususda Hizb ut-Tahrir – Pokiston viloyati matbuot bo‘limi bayonot nashr qilib, quyidagilarni ta’kidladi:
«Hozir mustamlakachi Amerika oyog‘ida arang turibdi. Shu bois unga hal qiluvchi mushtni tushirmoq vaqti keldi. Bu zarba Qo‘shma Shtatlar bilan bo‘lgan barcha harbiy koalitsiyalarga va iqtisodiy aloqalarga chek qo‘yish bilan bo‘ladi…
Dushmanlarimizning mintaqalarimiz darvozalaridan kirishini oldini olish uchun eng to‘g‘ri yo‘l o‘sha darvozalarni zirhli qilib mustahkamlashdan iborat. Bu – Pokiston, Afg‘oniston va Markaziy Osiyoni yagona Islomiy Xalifalik davlatida birlashtirish bilan bo‘ladi».
Matbuot bayonotida quyidagilar ham qo‘shimcha qilindi:
«Bizning qudrat koalitsiyaga qo‘shilishda ham, sharqu g‘arbdagi dushmanlarimizdan yordam so‘rashda ham emas. Yo‘q, balki kuch-qudratimiz Muhammad ﷺning Ummatini bitta davlatda, bitta qurolli kuchlarda, bitta iqtisodiyotda va Alloh nozil qilgan ahkomlar bilan hukm yurituvchi bitta Xalifalik davlatida birlashtirishda mujassamdir».
Bayonot so‘nggida bunday deyildi:
«Ey musulmonlar, etar, bu islomiy yurtlar hukmdorlarining shuncha yolg‘onchiliklari, til biriktiruvlari va xiyonatlari. Axir, bular Ummat elkasini ezib tashlamadimi?! Bas, ulardan qo‘lingizni yuvib qo‘ltiqqa uring-da, Payg‘ambarlik minhoji asosidagi roshid Xalifalik davlatini barpo etish uchun Hizb ut-Tahrirga nusrat bering. Zero, Xalifalik davlatigina Ummatning harbiy kuchi va iqtisodiy potentsialidan foydalanib, oyog‘ida qalqib turgan Amerikaning yurtlarimizdagi mustamlakasini yo‘q qiladi hamda Xalifalikning mintaqaviy hukmronligini kengaytirib, dunyoning birinchi davlatiga aylanadi.
Roya gazetasining 2021 yil 25 avgust chorshanba kungi 353-sonidan
